[刺客教條][長篇故] 果晚玩完刺客信條,家姐同我講……(2)
大神暗洙
600
回覆
23 Like
6 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
凌風
2018-03-11 15:36:44
層龍喇
Zole
2018-03-12 00:41:54
係就爽手
張佚&北冕座
2018-03-12 12:54:25
Lm
穢土轉生君麻呂
2018-03-12 15:22:36
兩日後完得
請大家忍埋去 多謝
穢土轉生君麻呂
2018-03-12 17:31:30
第182章:
就在艦長揮軍向我們幾人發動襲擊之際,我及時觸發伊甸蘋果,金光頓時從我四面八方散發出去。
「呢股力量,唔通係……」金光頓時讓艦長和所有敵人停下動作。
觸發蘋果後,雖然我沒有頓時全身變成金黃色、爆氣或者是什麼什麼的,只是伊甸碎片上的坑紋發起光,但感覺全身亦得到力量。
雖然伊甸蘋果讓敵方停下腳步,但他們似乎還未摸清蘋果的實力,繼續向我們施襲。
就連我自己都不知道這個東西究竟怎樣操作,也不見附近有說明書。
面對著大量敵人迫近,我只好相信這粒神器。
「你地企喺我後面,因為我都唔知會有咩發生。」我說。
「好﹗我地再幫你頂一頂先。」方次郎說。
方次郎使用技能,將本來跟他們糾纏的敵人推開;同時,游也多也吹起笛子,嘗試拖延敵方的行動。
就在此刻,我伸出手,把伊甸蘋果對著敵方,心裡不停的想著:希望得啦希望得啦。
與此同時,伊甸蘋果發出更強的光,敵方的人們都同時發出光茫。突然手就不由自主地抽了一下,感覺就像開槍一樣,後座力讓手抽動了。
衝上來的敵人不但被游也多的魔幻音鎖定住了,而且所有人都按實頭部,好像被金剛箍緊緊夾著腦袋似的。
有的還捲縮在地上呻吟著:「啊﹗好撚痛啊師父,唔好念啊師父……好痛啊﹗」
不一會,所有人包括艦長和阿健都已經失去知覺倒地了。
大家都驚嘆不已,一同望著我:「你……呢招……乜撚野黎咖。」
「我……我都唔知啊,淨係知佢真係好危險。」我既無奈也驚訝的說。
當所有敵人被我強大的力量打倒後,伊甸蘋果好像意識到我再沒有攻擊的意圖似的,坑紋上的光都漸漸減弱了。
我走到阿健和艦長身處的位置說:「對唔住啊兄弟,要你地出返黎戰鬥,辛苦喇……我諗好快就會完咖喇。」
「宜家快啲返去睇下呂麻君佢地點先啦﹗」方次郎說。
「係啊﹗希望佢地冇事啦。」我說。
說罷,我們轉身就走,正當方次郎正想使用怪力,把擋住的碎石搬走時,伊甸蘋果又開始啟動了。
「喂喂喂,冇人要打喎。」我不斷拍打伊甸蘋果,嘗試把它關掉。
「嘩﹗我唔想死住啊﹗」
「粒波痴線咖﹗早知唔帶你地去搵啦。」阿神和阿洙怕得立刻伏在地上。
可是似乎伊甸蘋果沒有發出什麼威脅性的攻擊,而是把擋路的碎石像紅海一樣推到兩邊,弄出一條直路,直達其餘同伴所在的位置。
大家都看得目瞪口呆,只伸手讓我走在最前,因為大家都不敢低估伊甸蘋果的威力。
凌風
2018-03-12 18:25:27
外掛
穢土轉生君麻呂
2018-03-12 21:12:28
第183章:
「係佢地啊﹗」走過蘋果開闢出來的通道,看見他們一個個倒地在上,希望事情不是如我所料般。
「家姐,露比……你地冇事啊嘛。」我走到倒在地上的家姐和露比,似乎她們都顯得相當辛苦。
「細……細佬豬,你終於拎返個蘋果嗱﹖」家姐說。
「長長……對唔住啊,佢地突然間變到好難打,我諗我就黎唔得咖喇。」露比很辛苦的說。
「痴線咩,講啲咁嘅野……等我扶你起身先。」我嘗試把家姐和露比扶起,可是在扶起之際,血就從她們背後滲出來。
「阿隼,佢地個撚個都流曬血咁啊……點算啊。」游也多慌張的說。
「佢地……最後斬開自己,自己分裂自己。」左又近說。
「係啊……佢地多人到,好似搭地鐵咁。」呂麻君勉強的說。
「仲講笑,但係點解會搞成咁咖。」方次郎問。
「因為佢地夾住左我地……我地連郁嘅機會都冇啊。」阮桐貴說。
「然後就發生爆炸喇……」施若兜接下去說。
「我地根本就避唔到……」阿純也說。
「你地唔好講住喇……我……我地送你地去醫院先啦,宜家個伊甸蘋果已經攞到手喇,好快就會完咖喇。」我安慰著大家。
「阿隼……你要睇住游也多同方次郎佢地啊。游也多,唔好成日同佢嘈啊你……」游也多蹲在呂麻君旁邊。
「你收聲啊﹗咩叫佢睇住我地姐……佢自己都未撚搞得掂啊﹗何況仲有你地咖嘛。」游也多強忍淚水激動的說。
「細佬豬,家姐今次真係要死喇……你要小心啲啊,唔係成日都會有我喺你左右咖。」家姐說。
「長長,多多姐……你地要好好生活落去啊,我唔可以再同你地一齊喇……其實我真係好鍾意你地啊﹗」露比也不禁說。
即使我撥了999,叫了救護車。始終各位都趕不上……一個一個慢慢斷氣逝去了。
「究竟點解會搞成咁……」我跪在地上,完全哭不出來。
「喂啊,你諗下辦法啦……你唔係有粒蘋果好勁咖咩﹖」游也多不斷拉扯我衣袖。
原本我腦海也空白一片,被游也多一說……唯有再次拜托伊甸蘋果的力量。
「我要醫返好佢地啊﹗」我緊握蘋果伸出來,蘋果收到指令後,坑紋又再一次變亮。
「啊﹗﹗﹗」突然金黃色的閃電充滿整個地方。
露比、家姐、呂麻君……一個個開始重新呼吸起來,隨著閃電不停劃動,左又近、阿純他們已經有足夠力量撐起身體,甦醒過來。
「阿隼……你……」可是我自己感覺越來越虛弱,頭髮甚至開始變白。
「阿隼……你再係咁落去,你會死咖。」游也多欲想阻止我說。
「但……但係唔通睇住佢地死都唔理喇咩……」我一邊說,一邊繼續使用著伊甸蘋果。
「細……細佬豬……你唔使救我咖,你留返自己條命好過啦。」還未回復好的家姐說。
「家姐我唔准你講啊……冇左你我以後點算。」我說。
「長長……你都唔使救我咖喇,其實你有冇我都冇所謂咖啦……」露比也說。
「你地輪流講……唔得啊﹗要救就兩個一齊救﹗我仲好愛你地咖家姐、露比﹗啊﹗」我說。
「轟……」突然「轟」的一聲,閃電就消去了,大家也全部回復過來。可是我全身都在冒煙。
我用盡力說:「等……等……我殺埋條仆街,一……一切都會完咖喇。」
「唔好啊,你宜家都咁虛弱,唔好去啊﹗」大家都阻止著我。
可是大家剛剛回復好,其實也是處於很虛弱的狀態,根本阻止不到我。
我抖著手,再次緊握伊甸碎片伸出手,說:「陳茂波﹗」
伊甸碎片使出紅海之力,把我面前的瓦礫碎石一一推到兩旁,遠處正正看見被嚇倒的陳茂波。
我欲想踏前一步,游也多卻擋在我面前:「唔准去啊﹗你有冇諗過我地……我……我地都唔可以冇左你咖﹗」
「傻……傻嘅……要殺佢好快嘅姐。」我微笑著。
「阿隼啊……」
「細佬豬……我陪你去,呢個人必需由我地兩姊弟殺死。」家姐走過來說。
我亦沒有反對,游也多見家姐都在我旁邊,都走到一旁,雖然仍露出擔心的樣子。
肥西大塊田
2018-03-13 16:31:50
殺佢老母片甲不留
穢土轉生君麻呂
2018-03-14 21:48:25
第184章:
我們兩姊弟互相搭著大家肩膊,一拐一拐的往陳茂波的方向走去。
走頭無路的陳茂波儘管向我們開了多少槍,子彈都會被伊甸蘋果的力場擋開。
他見子彈無效,只好坐在地上,「迎接」我們。
「哈哈哈,你地兩個得返半條命……都仲想黎攞我命。」陳茂波明顯的硬著頭皮說。
「嘿……喺呢粒波面前,你呢個陳茂波咪又係得半條命。」我說。
我把伊甸蘋果向陳茂波揮去,金黃色的閃電開始包圍陳茂波全身。暫時進入了麻痺狀態,雖然仍然可以說話,但身體暫時都不能活動了。除非他能把我們罵死,否則我們暫時都沒有生命危險。
我和家姐安坐在陳茂波旁邊,我手抱著伊甸蘋果。
「你地係咪以為自己贏左﹖」陳茂波問。
「宜家其實都好明顯,你隊tp3又爆曬……伊甸蘋果又喺我手。」我說。
「你照咁講你都冇錯嘅,不過伊甸蘋果只係一件武器,控制到嘅係力量,不過控制唔到人心。」陳茂波說。
「你咁講係咩意思,你係咪仲有收埋啲咩計劃﹖」家姐問。
「阿隼,你家姐好明顯過你好撚多啦……你唔係以為我得呢班咁嘅機械人就可以咁有自信同你講『你地未贏咖』咁咩﹖你估我冇諗過你會拎到粒蘋果咩﹖」陳茂波笑著說。
我們兩姊弟互相望了大家一眼。
「我有嘅係市民﹗你地永遠唔可以對普通市民落手﹗」他繼續說。
「唔係喎,呢下我都唔知你想點……」家姐都一臉疑惑。
「仲以為家姐會好少少,原來一樣咁豬兜。正正就係因為你地有教條,我地就可以針對教條黎對付返你地。你地唔可以殺人,但人可以殺你。」陳茂波說。
我們沒有回應,仍然等待陳茂波發表什麼最後的偉論。
「一個計劃,可以發洩一直以黎嘅不滿、傷痛、不安嘅情緒,殺死自己所憎恨甚至唔識嘅人黎『洗滌』自己嘅靈魂﹗喺呢日入面,任何人都可以做任何野,除左殺死我地呢啲高官……籍著呢日順便清除埋你地呢啲廢物﹗」陳茂波說。
「唔通你講緊嘅係……」
「無錯,就係國際殺戮日啊﹗黎啦﹗殺左我啦﹗不過你地殺左我都阻止唔到個計劃咖喇,因為殺戮日已經開始左喇﹗哈哈哈。」陳茂波開始自己不斷的笑。
我和家姐又互相望了對方一眼,覺得這個陳茂波應該是被麻痺傻了,或者看電影看傻了,什麼國際殺戮日……明明它是在美國,而且只是一套電影。
「都係殺撚左佢啦,唔係陣間條友又話同k隆星人達成左協議又剩咁。」家姐建議。
「你地咪唔好信,到你地出到去嘅時候,就會知咖喇。」陳茂波笑完後說。
「佢痴q左線啊……唉你都係算啦。」我伸出袖劍,選擇以刺客的方式了結聖殿騎士最高大師的生命。
陳茂波肚子吃了我一劍,之後就沒有再笑,眼睛也漸漸閉上了。
「雖然你係一個搞屎棍,但係我地仍然需要遵守自己嘅教條,你安息啦。」我作了最後的儀式後,跟家姐走回大家身邊。
「長長﹗」露比看見我平安回來,一下抱過來。「見到你冇事就好喇……頭先你唔喺度咋,知唔知多多姐幾咁擔心。」露比笑著說。
「咩……咩啊,我邊有姐。」游也多害羞的說。
「喂,我地宜家有命行返出去喇喎……係咪可以做我女朋友喇﹖」我微笑著問。
「吓……做你個頭啊,果……果陣唔算啊﹗」游也多紅著臉向我打了一下。
「嘩嘩嘩,好痛啊﹗」我叫道。
「sor sor sor,冇野啊嘛。」游也多很擔心的說。
「扮咩啊﹐都話你擔心我咖喇。」我笑著說。
「屌你玩鳩我﹗」游也多發怒,又打了我一下。
「啊﹗今次真係痛啊﹗」我叫了出來。
「喂,我地好似未見過游也多咁嘅樣咖可……」左又近問呂麻君。
「係囉……你話某人家姐都可以咁就好喇。」呂麻君故意大聲的說。
「呂麻君﹗宜家我咁唔係你過黎扶我咖咩﹖」家姐發怒的說。
「哦﹗你地一齊左﹗」大家在周圍說。
「咁……你地冇問起啊嘛。」呂麻君摸著頭說。
天開始光了,今天是個晴天,鳥兒的咕姑固聲,還有廣播聲,意味意一切都已經完結了。大家終於可以過著那些大家一起晚上吃飯,一起去玩的時光了。
咦……廣播聲﹖
「你地聽唔聽到啊﹖」
「此播報不是演習,這是由中國政府批准之殺戮日開始前的緊急播報系統,所有四級以下的武器在殺戮日期間准許自由使用,其他武器則一律禁止,所有十級以上的政府官員擁有殺戮日的豁免權。詳情請查閱小冊紙內容。
在警報聲響結束後的十二小時以內,所有包括謀殺的犯罪活動全部歸為合法,警察、消防以及救援服務,全部會在殺戮日結束後正常開始。
感謝我們的特區政府以及我們的祖國,一個新時代崛起,願上帝保佑你們所有人。」
穢土轉生君麻呂
2018-03-14 21:52:24
終於到左呢日 終於張成個故事寫完喇
成年幾入面 雖然係馬馬虎虎 一開始寫已經有bug 想寫甜又寫到成pat屎咁
有段時間都唔知寫緊乜咁 到呢排成日隔成十日八日先有一篇
所以如果你睇到黎呢度 真係好多謝你
本來諗住有第二集 但係其實宜家都未必會寫 可能寫第二樣野
原來寫一個故都唔簡單
暫時唔知講咩好 總之再一次多謝大家 希望下個故會越寫越好
凌風
2018-03-15 00:17:08
Lol
清理低端人口
穢土轉生君麻呂
2018-03-15 01:04:47
其實本身都諗左個尾係連去國際殺戮日 不過冇諗過寫左咁多篇出黎
其實整體覺得寫成點
Btw 多謝巴打篇篇幫我推po
凌風
2018-03-15 07:41:04
亂
鬼記得成個flow
Zole
2018-03-27 10:32:58
推
登高時高登
2018-03-28 01:35:52
個故終於完?
穢土轉生君麻呂
2018-03-28 19:53:46
係完咖喇
登高時高登
2018-03-28 23:09:34
終於 好感動 由頭睇番一次先
斷左好耐等埋尾
穢土轉生君麻呂
2018-03-28 23:42:52
多謝巴打
一路寫來真係唔簡單
已經諗緊下一個故事 希望越寫越好
和修舊多宗太
2020-12-16 19:36:02
有無巴打知法納母遺跡個炸彈收左係邊
穢土轉生君麻呂
2020-12-16 19:37:42
巴打係咪回錯post
和修舊多宗太
2020-12-16 19:41:55
屌 係wo
穢土轉生君麻呂
2020-12-16 19:43:02
好奇一問...呢個故都完咗兩年咖喇喎
點解你會搵得返
和修舊多宗太
2020-12-16 19:44:47
我就咁打刺客
睇都無睇就入左黎問以為係game post
穢土轉生君麻呂
2020-12-16 19:45:23
穢土轉生君麻呂
2020-12-16 19:46:08
有興趣睇下篇故...雖然寫得好差下
紙言版本會好啲
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞