《你有一個遊戲邀請》

新讀者留名

我一路係咁爬，後邊就不斷傳嚟震動同刺耳嘅金屬扭曲聲，隻野就好似發咗癲咁，我腦入面閃過隻怪物撕開部Lift時嘅動作，即刻加快動作，好快就已經見到大隻仔係出口到同我揮手。

我個心終於定返少少，但依然唔敢放鬆，快快手咁爬過去，大隻仔一邊捉住我隻手拖我出嚟，一邊瞪大隻眼問：「有冇受傷？隻野呢？隻野死咗未？」

邊有咁易死啊，你估打機咩？我雖然想咁講，但只係搖咗搖頭，好似扯蝦咁不斷喘氣，根本就講唔到野。

「你唔好問住，拖咗佢出嚟先啦！」港女可能係頭先太驚慌，成塊面青青地，左邊面甚至仲有啲隻野嘅口水，佢走過嚟捉住我另一隻手，同大隻仔一齊拖我出嚟。

一爬出條通道，我個樣當堂就嚇咗佢地一跳，幾乎成個身都係墨綠色汁液，左臂同腰到嘅舊傷又鮮血淋漓，塊面到灰塵同血水混合埋一齊，爬出嚟時隻腳甚至都企唔穩，如果唔係我伸手扶住牆，已經腳軟仆咗落地。

沿住牆身慢慢咁坐低，我大啖大啖咁透氣，港女蹲係我隔離，一邊檢查我左手嘅傷勢，一邊問我：「隻手仲郁唔郁到？痛唔痛？」

「放心，我無事。」透順返條氣，我推開港女，係地下執返起把斧頭，然後即刻行去將救生窗出口對鐵門鎖返埋。

再三確定已經打唔開之後，我先轉身望向自己身處嘅地方，發現Lift槽個救生窗竟然係通向一個儲物室。

成間儲物室大概有半個藍球場咁大，我一眼望去，四排鐵架除咗有一排係空嘅之外，其他都擺滿曬啲雜物，由清潔用具到制服，甚至連BB車都有，而我正對面嘅位置，就係一對灰白色嘅門，門中間有隻半透明嘅窗仔，最上面用中文同英文寫住職員專用四隻字。

就係我想行埋去睇下出面咩環境嘅時候，港女突然伸手攔住我：「你同我坐低。」

「等陣先，你比我……」我一路講一路想繞過佢，都仲未講完，港女已經係後面一野捉住我膀頭，「等你個頭啊！同我坐低！」

有，出左了

密封環境仲pk

好，陣間睇

繼續支持樓主

Push！好睇但出得有啲慢

多謝支持，夜啲有文

我盡力，夜啲有文

唔小心睇到live咗...
樓主快啲多啲更文

On

仆街一個鐘就live左 屌

好好睇

都估到冇文，睇來要下個禮拜先有文

「你同我坐低，唔好郁。」港女隔住件衫幫我檢查身上面嘅傷口，佢圍住我行咗圈，然後係褲袋到拎咗把鉸剪出嚟，好小心咁幫我剪開傷口附近嘅衫，佢一路剪，忍唔住皺曬眉咁講：「你件衫同之前啲紗布都污糟曬，咁樣傷口好容易感染。」

「麻煩曬。」講到咁嚴重，我自然聽專業人士嘅意見。好快佢就剪到背脊嘅位，依個時候，我先發現自己原來成身都係傷，除咗手同腰，連背脊都有兩個傷口，好在傷口唔算深，只係皮外傷，如果唔係我可以連郁都郁唔到。

港女用帶係身到嘅生理鹽水，好小心咁同我洗傷口，一路洗佢突然問：「你唔驚嘅咩？」

「驚咩？」我一時間反應唔過嚟。

「隻蜘蛛囉，仲有受傷，同埋……」港女猶豫咗一陣，冇講出口。

我望咗佢一眼：「同埋死？」

港女點咗點頭。

「邊個唔驚。」我笑咗起嚟，然後低頭望住自己血淋淋嘅手。

我諗，我應該係驚嘅，又唔係鐵人，邊有人會唔驚受傷，受傷咁痛，皮開肉綻喎，仲有個隻咁柒大隻嘅蜘蛛，有得揀嘅話，我估冇人會想同隻野近距離交流，更加唔好講死，求生，係人嘅本能。

但我諗返之前幾次搏命嘅自己，突然間覺得，有時候，我指係某一個瞬間，我可能會冇想像中咁驚。

我望向隔離，兩個ＯＬ已經重新包紮好傷口，天花板嘅陰暗燈光打係佢地塊面到，我可以睇得出，佢地兩個雖然仲係面色蒼白，但已經冇最開始時咁驚，大概係同我一樣，已經慢慢習慣咗依到。

等傷口洗好，港女拎啲消毒紗布同我包紮返，「紗布剩返唔係好多，你最好同我慳住用。」

「我都想。」我笑住咁郁咗郁兩隻手同膀頭，正諗緊件衫剪到爛曬要點樣著，係儲物室行咗圈嘅大隻仔遞咗件淺藍色嘅衫比我。

我接過嚟一睇，就見到左邊心口到印住大光保安，兩邊膀頭有塊黑色嘅墊，衫入面個頸位仲有人用筆寫咗啲字，不過一早已經化開曬，我只可以隱約見到個馬字。

「我去個邊換衫。」我拎住件衫同斧頭行去儲物室嘅角落，就係依個時候，我突然感覺自己褲袋震咗野，我即刻望向後面，確定依個位港女佢地已經見唔到我之後，先拎部手機出嚟。

打開螢幕一睇，果然又係個條友發嚟，只不過同之前唔同嘅係，今次上面寫住：「完成任務【蛛口逃生】……」

有文多謝樓主

出咗多謝支持

聽日繼續琴日sorry啊，有事出咗去冇更到

一個月無睇 好多文

好緊湊好到肉 支持

加速加速

多謝支持

今晚出文

畀啲動力樓主