《你有一個遊戲邀請》

大大力插落去

文呢？ 等左好耐

我都估到冇文

記事本第一頁到畫咗個著住中世紀服裝，倒吊係樹到嘅男人，圖下面用紅色嘅墨水寫咗一句說話：「保持敬畏，披上白袍，獻上羔羊，如此也許迎來恩典。」

我眉頭挑起，對於依種略帶宗教口吻嘅說話冇太大好感，事實上我一直對世界會唔會有一個古老、神秘、而且強大嘅神持不信任態度，不過為咗更多線索，我冇多諗，繼續掀去第二頁。

第二頁上面寫咗密麻麻嘅字，每一個中文字我都睇得明，但組合埋一齊就好似電腦亂碼咁，成段都冇任何意思，但卻清楚咁分清段落同標點，唔似係求奇亂寫。

我睇咗一陣，好快意識到依啲字應該係要用特別嘅破解法先睇得明，好似啲老式諜戰片咁，當然亦都有可能只係一個痴線佬嘅隨筆，邊個又可以肯定呢？

我繼續翻閱其他頁數，大概去到三分之二嘅時候，一張即影即有相跌咗出嚟，皺住眉，我拎起張相，相入面係一個後生嘅女仔訓係手術枱到，佢個肚比人劏開咗，肚皮用暗紅色嘅顏料畫咗啲圖案，右下角白色嘅邊位用墨水筆寫住兩個數字－－「９７」。

９７，我心入面默念依個數字，９７，一個被劏肚嘅女仔同９７會有咩關係？

我腦海開始浮現一啲幻想－－幾個著住白袍嘅邪教狂熱分子高舉手上嘅刀，劏開少女好似羊脂白玉嘅皮膚，任由鮮血流咗一地，係少女嘅悲鳴聲中，佢地跪係地下，高呼奉神之名，阿門，然後用即影即有影低少女嘅死狀，並且係角落寫低９７。

我繼續向後翻，更多嘅即影即有相出現，佢地被貼係書頁嘅左邊，而右邊係一大段亂碼，好似記錄緊每一次要犧牲嘅羔羊咁，不過大部分嘅字逐漸唔再係中文，轉而係用一種我完全睇唔明嘅符號。

我舔咗舔嘴唇，望咗啲符號一陣，我個頭慢慢變得有啲重，心臟跳動嘅聲音係我耳邊響起，呼吸變快，熟悉嘅直覺再一次提醒我，不如睇到依到就算啦，依本野有啲唔對路，非常唔對路，趁未收唔到科，合埋佢，然後是但塞去邊到都好，遠離佢。

不過我好少順從直覺。

我掀開最後一頁，先從左邊睇，上面用白色字寫滿麻密密嘅符號，只係望咗一眼，我已經有少少作嘔，乾嘔咗幾聲之後，我再望向右邊，有人用手指蘸咗啲粉紅色嘅黏稠液體，畫咗一個古怪嘅星形圖案。

唔知點解，我下意識將手摸上去，當手指同書頁接觸，我發現個圖案唔單只仲濕潤，而且有種暖暖地嘅感覺，就好似啱啱新鮮畫上去咁。

我身上嘅雞皮瞬間起曬，一種無法言喻嘅恐懼好似觸電咁流過我全身，同一時間，我嘅眼皮突然變得好重，我用力搖咗搖頭，但意識就好似氣球咁慢慢向上飄咁，我張開口，本應發出嘅尖叫聲卻無係我嘴唇間出現，眼前嘅一切開始泛白，一把低沉嘅聲音不斷係我耳邊竊竊私語，到底講咩呢，我已經聽唔清楚……

有文，但放工返歸先寫，加埋執文，要好夜先出到

有，不過好夜

好故一推

盡力，前排出左少少事，依加快返好多了

有故未

岩岩先放工返到屋企，今日冇啦，聽日有

P牌輕力一推

聽日幾點有,快d更

聽日補多篇啦

樓主今次有交帶

新讀者lm

係暈低之前我淨係記得我聽到：「Iä! Iä! Cthulhu fhtagn!」

今日仲有個幾鐘今日仲有個幾鐘

文le

文文文文文

仲有三個半字

頭先先見到 推唔到

好睇

我大叫住咁係睡夢中驚醒過嚟，當我坐直個身，先發現坐係隔離嘅大隻仔仍然休息緊，佢手上面仲握住支鐵通，或者係驚遇到啲咩突發野嘅時候冇野防身，連休息都唔敢鬆手。

我轉身再望向三個ＯＬ同港女，ＯＬ們依然休息緊，而港女就低住頭，唔知係到睇緊咩，我意識到自己頭先應該冇叫到出嚟，只係發夢，可能有發開口夢，但聲音應該冇我想像中咁大，不過依刻我連個夢有啲咩都已經唔記得。

走廊嘅位越嚟越暗，我估係因為依加嘅時間已經接近傍晚，個對佈滿污跡嘅玻璃門唔再透出光線，濃霧包圍下，連天花板嘅光管都好似變得更加暗，而且時有時無。

我係地下又坐咗陣，咩都冇諗，單純發呆，可能係頭先係超市到跑出嚟時，出得汗多，我兩片嘴唇乾到好似裂開咗咁，於是我起身行向裝住野食同水嘅手推車。

我拎起一支水飲咗啖，一入口，我就嘔一聲嘔曬落地下。

「屌！」我猛咁伸隻手指入口嘗試扣喉，但除咗乾嘔幾聲，咩都嘔唔到出嚟。

我隨即拎起支水一睇，瞬間頭皮發麻，原來成支水唔知幾時，已經變咗做啲墨綠色嘅野，當我望住嘅時候，有部分甚至仲係到蠕動緊，好似想係個樽口位到爬出嚟咁。

我一諗起自己飲咗啲咩落肚，成身雞皮即刻起曬，嬲到一野就將支水車向走廊深處，而就係依個時候，我身後突然傳嚟好輕嘅呼吸聲。我下意識轉過身，就見到原本低頭唔知睇緊咩嘅港女，依加已經企咗係我後面。

「喂，快啲叫醒佢地，我頭先……」我邊講邊行埋去，視線無意間對上港女，心入面嘅驚恐瞬間湧咗出嚟，只見港女嘅口竟然開到兩個拳頭咁大，表情亦都變到極為痛苦，佢兩個眼眶空蕩蕩，血水沿住塊面係咁流，好似兩行眼淚咁，我諗都冇諗，立即衝向斧頭擺放嘅位置，但當我望向個到，就發現已經變到空無一物，邊到仲有斧頭。

我再轉過頭，港女雙手已經捉住我膀頭，塊面同我幾乎面貼面，如果係正常時候，我或者會冇所謂，因為港女真係好靚，甚至有幾分明星相，但依加佢個口大到可以放得入我兩個拳頭，而且兩個眼眶血淋淋，幾靚都假。

佢將個口慢慢咁貼埋我耳邊，用一種我從未聽過，但又莫名能明白意思嘅語言講：

「羔羊們，恩典將至……」

屌！

我成身毛骨悚然，本能咁想遮住自己隻耳，但身體根本發唔到力，港女嘅聲音不斷係我耳邊迴盪，我感覺自己個腦好似比野搞伴緊咁，而另一方面，更加真實嘅聲音係遠處傳嚟，將我嘅意識拉離依到。

當我再次睜大雙眼嘅時候，發現自己居然趴咗係本記事本上面到訓著咗。

一陣陰涼嘅風係走廊深處吹嚟，我忍唔住打咗個冷震，先發現自己身上面件黑色恤衫已經比冷汗浸濕咗。