《你有一個遊戲邀請》
得彼船
553 回覆
178 Like
6 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁
Live
lm 好好睇
今日有冇文呀
今日有冇文呀
多謝咁多位巴打支持，不過今日冇文啊，但係聽日會有
128完左要文ar
我地沿住走廊一路向前行，隔離兩邊都係賣衫嘅舖頭，雖然走廊嘅光線偏暗，而且啲燈又時有時冇，但我依然可以見到店舖嘅櫥窗玻璃碎曬，一條條血跡由舖頭門口延伸出去，最後消失係走廊盡頭。
到底佢地身上發生咗啲咩？
當我腦入面浮現出依個問題嘅時候，我下意識咁望向玻璃碎嘅位置－－向住舖頭入面。
會出現咁嘅情況，其實可能有好多唔同原因，但我個腦第一時間聯想起嘅，係有人衝入店舖裡面，然後將捉到嘅「獵物」向外拖走，冇錯，咁嘅話就可以解釋埋點解地下嘅血跡會好似手印咁，如果係名嗶探嗶南，依加應該要響起ＢＧＭ。
我心入面哼起依首無厘頭嘅歌，試圖用依種方法，嚟沖淡不斷漫延嘅不安。
但隨住越嚟越深入，幽暗帶嚟嘅窒息感就越嚴重，有啲舖頭嘅自動門依然運作緊，入面嘅燈亦都著住，原本播歌嘅喇叭發出沙沙聲，如果唔係地下嘅血跡，就好似咩事都冇發生咁。
一種講唔出嘅詭異令我毛骨悚然，喺我隔離嘅大隻仔突然開口：「我頭先嚟個時唔係咁。」
短髮ＯＬ望咗佢一眼，壓低把聲：「即係點？」
「我唔知點講，但個氣氛唔同。」大隻仔不斷咁望向左右兩邊嘅店舖，我望向佢握住鐵通嘅手，手背上面可以見到一條條青筋，似乎隨時準備扑落任何敢出現係佢前面嘅野到。
短髮ＯＬ冇再講野，而我對氣氛到底有咩唔同冇太大興趣。
老實講，地下已經凝固嘅血液，染有血跡嘅鞋同衫，以及天花板到閃下閃下嘅光管，每一樣都足夠令我警惕。
我輕輕咁吸咗啖氣，依加明明應該係夏天，但空氣係冰冷嘅，唔係冷氣個種冰冷，而係有種濕氣，當中夾雜住類似頭先兩個受傷ＯＬ嘅氣味－－嗯，新鮮血液嘅味道。
好快，我地一行四人穿過走廊，嚟到一個有兩條扶手電梯嘅大廳。
大廳中間有十幾部按摩椅，牌子係我未見過嘅，左右兩邊依然係服裝店，正前方係賣手袋，右上角就係間賣手鏈嘅舖頭，兩條扶手電梯都已經罷工，而附近睇落唔似有超級市場。
我企係走廊到，望住空蕩蕩嘅商場，聞住越嚟越濃嘅血腥味，個個頭戴尖帽嘅痴線佬做唔到嘅野，依個寂靜無聲嘅商場做到咗。依一刻，我前所未有咁想離開，大腦瘋狂發出警示，同我講我最好依加就走，趁仲有機會，趁仲未見到唔應該見到嘅野前走。
「向左轉，一轉就見到。」大隻仔面色同樣唔好，但我估佢冇我咁嚴重，我甚至懷疑佢地根本咩都感覺唔到，因為佢帶頭行向個邊，而跟住係後面嘅刀疤叔同短髮ＯＬ，都冇任何表示。
屌，連女仔都冷靜過你啊。
我聽住心臟狂跳嘅聲音，慢慢咁跟埋上去，握住鐵通嘅手捉得太實，已經唔係好感覺到。冷靜啲，只係拎少少野，拎完就走，離大隊甚至連五分鐘路程都冇。
係我前面嘅短髮ＯＬ行得唔算快，佢右手拎住一把遮，當轉入左邊，我抬起頭，一間籠罩係陰影入面嘅超級市場係我面前出現，地下散落咗啲貨物，幾架手推車棄置咗喺門口嘅位置。
就只係咁樣，好普通，冇血，冇屍體，甚至連越嚟越濃嘅血腥味都突然消失咗，但我反而感覺更唔對路，非常唔對路，敏銳嘅直覺令我聞到一種嘔心嘅氣味，雖然佢隱藏係普通嘅偽裝裡面，但我依然聞到。
一定講嘅話，有少少似肉類腐爛後嘅氣味，雖然唔係完全相同，但已經係最接近嘅氣味。
大隻仔轉身望向我地：「一陣入到去，我地拎完就走，絕對唔冒任何危險。」佢續一同我地三個對望：「我嘅意思係，一有事，我地即刻就走人，明唔明白？」
咁嘅話我諗應該依加就走。
我原本想咁講，但當我諗起兩個受傷ＯＬ嘅眼神，我對大隻仔點咗點頭，然後跟住佢，慢慢行入依間超級市場。
到底佢地身上發生咗啲咩？
當我腦入面浮現出依個問題嘅時候，我下意識咁望向玻璃碎嘅位置－－向住舖頭入面。
會出現咁嘅情況，其實可能有好多唔同原因，但我個腦第一時間聯想起嘅，係有人衝入店舖裡面，然後將捉到嘅「獵物」向外拖走，冇錯，咁嘅話就可以解釋埋點解地下嘅血跡會好似手印咁，如果係名嗶探嗶南，依加應該要響起ＢＧＭ。
我心入面哼起依首無厘頭嘅歌，試圖用依種方法，嚟沖淡不斷漫延嘅不安。
但隨住越嚟越深入，幽暗帶嚟嘅窒息感就越嚴重，有啲舖頭嘅自動門依然運作緊，入面嘅燈亦都著住，原本播歌嘅喇叭發出沙沙聲，如果唔係地下嘅血跡，就好似咩事都冇發生咁。
一種講唔出嘅詭異令我毛骨悚然，喺我隔離嘅大隻仔突然開口：「我頭先嚟個時唔係咁。」
短髮ＯＬ望咗佢一眼，壓低把聲：「即係點？」
「我唔知點講，但個氣氛唔同。」大隻仔不斷咁望向左右兩邊嘅店舖，我望向佢握住鐵通嘅手，手背上面可以見到一條條青筋，似乎隨時準備扑落任何敢出現係佢前面嘅野到。
短髮ＯＬ冇再講野，而我對氣氛到底有咩唔同冇太大興趣。
老實講，地下已經凝固嘅血液，染有血跡嘅鞋同衫，以及天花板到閃下閃下嘅光管，每一樣都足夠令我警惕。
我輕輕咁吸咗啖氣，依加明明應該係夏天，但空氣係冰冷嘅，唔係冷氣個種冰冷，而係有種濕氣，當中夾雜住類似頭先兩個受傷ＯＬ嘅氣味－－嗯，新鮮血液嘅味道。
好快，我地一行四人穿過走廊，嚟到一個有兩條扶手電梯嘅大廳。
大廳中間有十幾部按摩椅，牌子係我未見過嘅，左右兩邊依然係服裝店，正前方係賣手袋，右上角就係間賣手鏈嘅舖頭，兩條扶手電梯都已經罷工，而附近睇落唔似有超級市場。
我企係走廊到，望住空蕩蕩嘅商場，聞住越嚟越濃嘅血腥味，個個頭戴尖帽嘅痴線佬做唔到嘅野，依個寂靜無聲嘅商場做到咗。依一刻，我前所未有咁想離開，大腦瘋狂發出警示，同我講我最好依加就走，趁仲有機會，趁仲未見到唔應該見到嘅野前走。
「向左轉，一轉就見到。」大隻仔面色同樣唔好，但我估佢冇我咁嚴重，我甚至懷疑佢地根本咩都感覺唔到，因為佢帶頭行向個邊，而跟住係後面嘅刀疤叔同短髮ＯＬ，都冇任何表示。
屌，連女仔都冷靜過你啊。
我聽住心臟狂跳嘅聲音，慢慢咁跟埋上去，握住鐵通嘅手捉得太實，已經唔係好感覺到。冷靜啲，只係拎少少野，拎完就走，離大隊甚至連五分鐘路程都冇。
係我前面嘅短髮ＯＬ行得唔算快，佢右手拎住一把遮，當轉入左邊，我抬起頭，一間籠罩係陰影入面嘅超級市場係我面前出現，地下散落咗啲貨物，幾架手推車棄置咗喺門口嘅位置。
就只係咁樣，好普通，冇血，冇屍體，甚至連越嚟越濃嘅血腥味都突然消失咗，但我反而感覺更唔對路，非常唔對路，敏銳嘅直覺令我聞到一種嘔心嘅氣味，雖然佢隱藏係普通嘅偽裝裡面，但我依然聞到。
一定講嘅話，有少少似肉類腐爛後嘅氣味，雖然唔係完全相同，但已經係最接近嘅氣味。
大隻仔轉身望向我地：「一陣入到去，我地拎完就走，絕對唔冒任何危險。」佢續一同我地三個對望：「我嘅意思係，一有事，我地即刻就走人，明唔明白？」
咁嘅話我諗應該依加就走。
我原本想咁講，但當我諗起兩個受傷ＯＬ嘅眼神，我對大隻仔點咗點頭，然後跟住佢，慢慢行入依間超級市場。
睇完…又要再等過
樓主今晩有冇文？
樓主今晩有冇文？
Live
今日有文
留名，好睇！
文呢文呢文呢
留名 文啊
文
我一行到入去，就發現成個超級市場一片狼藉。
周圍都係爆開咗嘅罐頭，原本唔知裝咩嘅玻璃樽碎咗係地，已經變曬色隱隱發臭嘅食物汁水流到一地都係，唔知擺咗幾耐嘅蔬菜水果堆曬係右手邊到，左手邊放麵包嘅架跌咗係地，成地都係個包裝谷到脹曬嘅麵包。
而係正前方閃爍緊嘅光管下面，我見到放凍飲嘅雪櫃，不過透明嘅玻璃門碎到得返個框，入面排好曬嘅野飲就比人用利器從中間割開，原本應該流到成地都係嘅汽水依加已經乾曬。
「個邊。」我指向右手邊，根據我嘅經驗，超級市場嘅貨架唔係隨手擺嘅，佢地會分好曬種類，有啲甚至會請人分析點樣擺先係最好，我一直以嚟都覺得咁只係啲人派錢嘅新手法，估唔到真係有一日會派上用場，嗯，多謝你地啊排架師（應該係咁叫）！
大隻仔帶頭向右行，大家下意識行得好快，經過咗大概四個貨架，就見到放到整整齊齊嘅護理用品。
我係走廊到隨手拉咗架空嘅手推車返嚟，大隻仔同短髮ＯＬ就將紗布啊，綿花，生理鹽水、消毒酒精之類嘅野都一堆堆咁拋落架車到，我正想叫刀疤叔幫手，就見到佢係貨架嘅另一邊行返嚟。
佢手上面拎住鉗、口罩、手套、繃帶、膠布之類嘅野，放落車仔之後同我講：「都係乾淨啲好，唔係一陣感染發炎仲大件事。」
我點點頭，如果兩個ＯＬ傷口發炎，我地依到真係無人搞得掂，依加唯有希望個變態佬把刀有定時保養，唔好係生曬鏽嘅生化武器。
我轉頭望向大隻仔，見佢地搬到半架手推車都滿咗，都仲想繼續搬，即刻叫停佢地：「仲搬！閃啦！」
都冇理佢地有冇聽到我講野，我拉住架車轉身就走，望住幾十米外嘅門口，我心入面突然有一絲緊張－－唔通真係就咁比我地過到骨？直覺話我知冇可能，但事實係我離帶住醫療物資離開只係差廿秒路程都冇。
或者只係我諗多咗，間超級市場真係冇咁恐怖，的確，有時人係會自己嚇自己。
但真係咩？越接近門口，我嘅直覺就好似個細路女咁係到瘋狂尖叫，今次嘅聲音比起頭先更尖銳，而且又急又快－－真係咩！真係咁易咩！
我緊張到想嘔，轉頭想望下大隻仔佢地有冇跟住我，我望向右邊，個到有幾個頭先我地行過嘅貨架，而大隻仔佢地三個企咗係到，面色蒼白，三對眼瞪大咁望住我，好似我塊面有啲咩野咁。
「行啦，你地仲等咩啊！」我即刻停低。
佢地三個冇出聲，但我好快發現佢地其實唔係望我，而係望緊我身後，又或者我身後架手推車，不過手推車有咩好望？
手推車有咩好望！？我嘅直覺再次尖叫。
我慢慢轉頭望過去，係望到手推車嘅瞬間突然停低，就好似比蛇妖石化咗咁，連呼吸都變得困難。
手推車入面係一個男人。
我可以見到個男人嘅樣，係唔夠半個鐘前，我地坐個架旅遊巴嘅司機就係佢，而佢依加就坐係架手推車入面，嗯，或者唔應該叫坐，佢成個人被塞落手推車到，啲肥肉係手推車嘅格仔到擠出嚟，肚臍位有一個拳頭咁大，血淋淋嘅傷口，我估佢條腸應該比人抽咗出嚟，因為有條腸正纏住佢條頸。
佢嘅左眼仲係原位，而右眼塞咗係口入面，一條鐵釘從左邊面吉入去，穿過眼球，再由右邊面穿出，半凝固嘅血液沿住手推車嘅格仔流咗一地，我個腦一片空白，個嘴脫離咗大腦控制，冷汗令我件衫貼落背脊。
就係依個時候，我左手邊嘅貨架突然傳出液體流落地下嘅聲……
周圍都係爆開咗嘅罐頭，原本唔知裝咩嘅玻璃樽碎咗係地，已經變曬色隱隱發臭嘅食物汁水流到一地都係，唔知擺咗幾耐嘅蔬菜水果堆曬係右手邊到，左手邊放麵包嘅架跌咗係地，成地都係個包裝谷到脹曬嘅麵包。
而係正前方閃爍緊嘅光管下面，我見到放凍飲嘅雪櫃，不過透明嘅玻璃門碎到得返個框，入面排好曬嘅野飲就比人用利器從中間割開，原本應該流到成地都係嘅汽水依加已經乾曬。
「個邊。」我指向右手邊，根據我嘅經驗，超級市場嘅貨架唔係隨手擺嘅，佢地會分好曬種類，有啲甚至會請人分析點樣擺先係最好，我一直以嚟都覺得咁只係啲人派錢嘅新手法，估唔到真係有一日會派上用場，嗯，多謝你地啊排架師（應該係咁叫）！
大隻仔帶頭向右行，大家下意識行得好快，經過咗大概四個貨架，就見到放到整整齊齊嘅護理用品。
我係走廊到隨手拉咗架空嘅手推車返嚟，大隻仔同短髮ＯＬ就將紗布啊，綿花，生理鹽水、消毒酒精之類嘅野都一堆堆咁拋落架車到，我正想叫刀疤叔幫手，就見到佢係貨架嘅另一邊行返嚟。
佢手上面拎住鉗、口罩、手套、繃帶、膠布之類嘅野，放落車仔之後同我講：「都係乾淨啲好，唔係一陣感染發炎仲大件事。」
我點點頭，如果兩個ＯＬ傷口發炎，我地依到真係無人搞得掂，依加唯有希望個變態佬把刀有定時保養，唔好係生曬鏽嘅生化武器。
我轉頭望向大隻仔，見佢地搬到半架手推車都滿咗，都仲想繼續搬，即刻叫停佢地：「仲搬！閃啦！」
都冇理佢地有冇聽到我講野，我拉住架車轉身就走，望住幾十米外嘅門口，我心入面突然有一絲緊張－－唔通真係就咁比我地過到骨？直覺話我知冇可能，但事實係我離帶住醫療物資離開只係差廿秒路程都冇。
或者只係我諗多咗，間超級市場真係冇咁恐怖，的確，有時人係會自己嚇自己。
但真係咩？越接近門口，我嘅直覺就好似個細路女咁係到瘋狂尖叫，今次嘅聲音比起頭先更尖銳，而且又急又快－－真係咩！真係咁易咩！
我緊張到想嘔，轉頭想望下大隻仔佢地有冇跟住我，我望向右邊，個到有幾個頭先我地行過嘅貨架，而大隻仔佢地三個企咗係到，面色蒼白，三對眼瞪大咁望住我，好似我塊面有啲咩野咁。
「行啦，你地仲等咩啊！」我即刻停低。
佢地三個冇出聲，但我好快發現佢地其實唔係望我，而係望緊我身後，又或者我身後架手推車，不過手推車有咩好望？
手推車有咩好望！？我嘅直覺再次尖叫。
我慢慢轉頭望過去，係望到手推車嘅瞬間突然停低，就好似比蛇妖石化咗咁，連呼吸都變得困難。
手推車入面係一個男人。
我可以見到個男人嘅樣，係唔夠半個鐘前，我地坐個架旅遊巴嘅司機就係佢，而佢依加就坐係架手推車入面，嗯，或者唔應該叫坐，佢成個人被塞落手推車到，啲肥肉係手推車嘅格仔到擠出嚟，肚臍位有一個拳頭咁大，血淋淋嘅傷口，我估佢條腸應該比人抽咗出嚟，因為有條腸正纏住佢條頸。
佢嘅左眼仲係原位，而右眼塞咗係口入面，一條鐵釘從左邊面吉入去，穿過眼球，再由右邊面穿出，半凝固嘅血液沿住手推車嘅格仔流咗一地，我個腦一片空白，個嘴脫離咗大腦控制，冷汗令我件衫貼落背脊。
就係依個時候，我左手邊嘅貨架突然傳出液體流落地下嘅聲……
好緊張
Lm
好好睇啊點解咁快比我入左黎
好好睇啊點解咁快比我入左黎
Lm
好睇
文呀文呀文呀
慢功出細貨
又入黎check吓 有文未
X2
今日太夜返出唔切啦，不過聽日有