《你有一個遊戲邀請》
得彼船
553
回覆
178 Like
6 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
偽。娘娘
2019-12-10 23:27:27
等待聽日
正苦可恥
2019-12-10 23:33:58
LM
好睇!
水瀬いのり
2019-12-11 00:01:08
聽日到了
偽。娘娘
2019-12-11 01:50:35
樓主 聽日啦已經
田馥甄老婆
2019-12-11 01:52:16
我識條春
2019-12-11 02:12:25
lm
好緊張
薯條要加大
2019-12-11 03:32:41
Lm
白三黑警
2019-12-11 12:19:24
聽日已到
白三黑警
2019-12-12 01:15:23
文呢?????????
得彼船
2019-12-12 01:44:20
我轉頭望過去,不過個到咩都冇。
一個係貨架到嘅玻璃樽打橫訓低,液體從樽口流出,就只係咁,玻璃樽有時係會自己訓低,唔係咩怪事。
依個時候,天花板嘅光管又開始閃爍,我咪起眼望向兩個貨架嘅另一邊。
陰暗嘅光線之下,係一道門,一道普通嘅白色門,上面寫住「非職員不可內進」,鮮紅色嘅液體係門隙到流緊出嚟,慢慢咁向門外擴散,與此同時,個種曾經消失嘅血腥味再次出現,不斷湧向我個鼻,就好似要鑽入我個腦咁。
轉頭望向手推車上嘅屍體,我下意識咁向職員室行咗兩步,心入面有股想打開門嘅衝動,但正常人應該唔會想入去,或者係間職員室係到召喚緊我?我唔知道,不過直覺話我知依個唔係一個好主意--正常嘅職員室係唔會有血流出嚟嘅,而且除非大隻仔佢地傻咗,否則唔會有人願意陪我入去。
不過裡面或者根本咩都冇,我諗起職員室裡面可能有嘅急救箱,又諗起手推車上肥司機嘅屍體。
如果我開門,走入去,拎起個箱就走,就唔洗再返去擺醫療物資嘅貨架到。而比起推過條屍出嚟嘅貨架,或者職員室係個更好嘅選擇,起碼除咗地下個少少血,佢暫時都冇咩危險。
「喂,不如我地走啦……」身後傳嚟大隻仔緊張嘅聲音。
一手搭上門把,我感受住金屬冰涼嘅質感,大腦變得清晰:「唔得,我要入去拎急救箱。」
「但係……」大隻仔似乎仲想勸我,但我已經直接扭開門把,門發出咔嘅一聲,慢慢咁打開咗。
「你地係出面等我,我會一直講『冇野』。」我捉住門把唔比佢完全打開,轉身同大隻仔佢地講:「如果我唔再講,你地就自己走先,唔好入嚟搵我。」
「放心,我睇好多恐怖片,一定唔會入去搵你。」短髮OL望住我,等咗幾秒後,突然又講:「我會返去再推一車物資,如果唔見我返嚟,你地唔洗等我。」
「咁祝我地好運。」我望咗短髮OL背影一眼,然後一腳踩上鮮血上面,慢慢行入職員室。
得彼船
2019-12-12 01:45:31
今日過渡段,短左少少,聽日補返
白三黑警
2019-12-12 02:02:57
冇問題
椒鹽蝦米
2019-12-12 02:09:19
余膠人
2019-12-12 08:50:41
Lm
豬閪燉火雞
2019-12-12 13:02:34
柒炆汝蛋
2019-12-13 02:02:08
G持!!
文呢
白三黑警
2019-12-13 02:07:43
文文文文文文呢
Coery泰勒
2019-12-13 02:23:20
支持
得彼船
2019-12-13 11:48:10
Sorry啊,琴晚個篇寫得唔好,我今日寫過,夜少少再出
我識條春
2019-12-13 12:25:26
白三黑警
2019-12-13 12:43:31
quality>quantity
慢慢來啦
偽。娘娘
2019-12-13 22:39:06
輕輕的來 冇文 輕輕的走了
得彼船
2019-12-14 02:29:12
係職員室入面,天花板嘅光管冇著到,周圍一片漆黑,咩都睇唔到。
我係褲袋拎出手機,打開電筒功能,然後跟住手機射出嘅光線向前行,右手拎住嘅鐵通劃過地下嘅血水,發出輕微到幾乎聽唔到嘅磨擦聲。
「冇野,我冇野。」我大聲咁對出面講。
手機微弱嘅光線照向職員房嘅左邊,我見到依到嘅儲物櫃幾乎打開曬,表面血跡斑斑,而入面似乎擺住咗啲咩野,一隻NIKE波鞋係入面伸出嚟,但我冇仔細去睇,當然啦,我並唔係驚睇清楚後會淆底,而係記得自己要做嘅野--搵急救箱。
地下到依然浸住淺淺一層血水,不過我仲係唔見源頭,而中間嘅長枱上面,擺住一部可以稱得上係老爺機嘅電腦,電腦隔離係啲深紅色嘅野,我行埋少少望,發現依啲深紅色嘅野睇落有啲似內臟,血水沿住枱向下流,再滴落地下,發出清脆嘅滴水聲。
我抬頭向上望,見到牆上面有個勾,勾對上嘅位置有個牌仔寫住「用後請放回原處」。
「我冇野……」我望住勾上面嘅野,突然覺得個肚有啲漲,好似有野想係喉嚨到湧出嚟,但應該唔關事,冇錯,應該係個三文治唔乾淨。
個勾插住咗一個男人嘅頭,就只係咁。男人嘅左眼球穿喺口到,比鐵絲縫住嘅口被固定成O型,好似係到講:「哇,依到冇滅火筒,違反消防規定,我應該打去1823投降。」
我估原本個勾應該掛住急救箱,因為我好難想像一個男人嘅頭可以點用後放回原處,但依個唔係重點。
重點係,急救箱到底去咗邊?
「我冇野。」再次大聲同出面講,我行埋去張枱到。
我先禁咗禁個滑鼠,見冇反應,又用手機照勻張枱,最後係啲內臟隔離發現一支墨水筆,大概係個胃想向肝寫信,我望咗眼墨水筆個尖頭,將佢夾係心口個袋到。
跟住我向下望,首先拉開第一個櫃筒,裡面都係一個中年男人同細路女嘅合照,我撥開啲相,發現一本黑色嘅簿仔。我將簿仔隨手放入褲袋,打算等安全後再睇,睇下可唔可以搵到咩線索。
然後我打開埋另外兩個櫃筒,但都冇咩發現,照埋枱底後,我就用手機照向右邊。
由下而上,我沿住光線望過去,首先見到嘅,係喺地下到浮緊,密密麻麻嘅深紅細線,線上面每隔幾厘米就吊住一個銅錢--冇錯,銅錢,我突然感覺呼吸困難,直覺話我知我應該轉身就走,趁最後嘅機會,但好奇同我講將手機抬起,就只係望一眼。
「喂?你有冇野啊?」出面傳嚟大隻仔嘅聲音。
我應該要答佢,但我咩都冇講,因為隨住手機嘅光線慢慢抬高,一個木製嘅櫃出現係我眼前,深紅色嘅細線將個櫃緊緊包住,櫃門正中央貼咗一張黃色嘅符紙,但依加只係剩返半張,另外半張唔知去咗邊,而地下嘅血就係由櫃底紅線脫落嘅隙縫到流出嚟,我估依加個情況,應該唔係個櫃原本想要達成嘅目的。
「冇野。」我下意識壓低回答嘅聲音,好似驚會嘈醒啲咩咁,「我依加出嚟。」
我倒退住咁行出職員室,好似驚如果自己唔望住個櫃,就會有野係我轉身嘅瞬間就追上嚟咁。
等對門慢慢咁合埋,我一轉身,就見到大隻仔鬆咗口氣咁笑咗笑,而除咗短髮OL未返,連刀疤叔都唔見埋。
「佢話去幫手。」大隻仔啱啱講完,我就聽到連續兩聲大叫由右邊傳嚟。第一聲係女性驚慌下嘅尖叫,而第二聲明顯就係男人嘅悶哼。
我同大隻仔對望一眼,咩都冇講,然後兩個一齊向聲音傳嚟嘅方向狂跑。
正正得正正能量
2019-12-14 02:39:17
呢個位停?
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞