《你有一個遊戲邀請》

sorry啊，今日出篇文會長啲

sorry，出咗了

等緊下篇

好緊張多謝樓主出文

今晚出

多謝支持，今晚出文

文呢

個救生窗對出嘅槽底到，一對血淋淋嘅鞋孤伶伶咁訓咗係到，係佢隔離，地下到係一啲好濃嘅紅色液體。我望住對鞋，一個奇怪嘅念頭突然出現係我腦海－－依對鞋裡面，大概仲有個個男人嘅腳掌。

諗到依樣，我嘅視線下意識咁避開對鞋，而大隻仔嘗試打開個救生窗唔成功後，指住個鐵門嘅邊位同我講：「我地試下撬開佢！」

我點咗點頭，同佢一齊用斧頭係個救生窗嘅邊緣位到撬咗幾野，果然好似佢講咁，好快就將個生曬鏽嘅鐵門撬開，我彎低身用手機照向入面，裡面係一條大約半人高嘅通道，通道唔算長，我就咁望過去已經可以見到個盡頭，除咗灰塵，裡面咩都冇。

「你帶佢地入去先！」我轉頭望向大隻仔，佢當堂呆咗呆，「但係……」

「但咩撚野係！」我火都嚟埋，大聲咁屌佢：「快啦！仲等咩啊？」

大隻仔好似仲想講啲咩，就係依個時候，Lift頂突然傳嚟呯嘅一聲巨響，兩隻水管咁粗嘅尖腳從天花板到伸出嚟，幾乎大半個天花板都比佢撕開，隨住幾塊天花板跌落嚟，一個成半部Lift咁大，佈滿尖牙嘅大嘴係我地嘅正上方出現。

我諗都冇諗就將大隻仔一野推入個救生窗，然後對比啲黏液滴到，係到尖叫嘅港女佢地大叫：「快！全部同我入去！」

西裝叔完全冇客氣，第一時間跟住大隻仔爬入去，學生妹就企係到望咗我一眼，我即刻皺住行眉用眼神示意佢快啲消失，佢先爬入去。而後面嘅港女就扶住紮住個髻嘅ＯＬ，等另一個有啲細粒嘅ＯＬ都爬埋入去，先至跟埋入去。

就係短髮ＯＬ都彎低身，想爬入去嘅時候，我突然大聲喝佢：「睇住！」

短髮ＯＬ啱啱轉頭，我已經伸手扯佢埋我到，都唔洗我解釋，下一秒，一隻有男人大脾咁粗嘅尖腳已經從Lift同牆身之間嘅隙縫插入嚟，帶住尖銳嘅破空聲，一野將石屎地都到插裂開，啲碎石甚至彈到我塊面隱隱作痛。

live左 努力 想睇更多

溝女

夜啲有文

係咪架

開心

我一手捉住短髮ＯＬ嘅膀頭，「一陣我數三聲，就去引開隻野嘅注意力，」講到依到，我望咗眼身後係Lift到掃嘅巨型尖腳，略略彎低身，平靜咁講：「你睇準機會就衝去救生窗，唔洗理我。」

講完之後我轉頭望住佢，問：「ＯＫ？」

見短髮ＯＬ握實鐵通點咗點頭，我鬆開捉住佢嘅手，再次轉身望住啲係到亂掃嘅尖腳，雙手握緊斧頭，口入面細細聲咁數住：「一……二……」

「三！」

就係三字出口嘅瞬間，我舉住斧頭劈向左手邊個隻尖腳，因為太過用力，我甚至覺得左臂好似撕開咗咁，我知道自己嘅左手多數係拉傷咗，但係依一刻，我幾乎一啲痛感都冇。

斧刃破開空氣，準確咁從上而下咁劈入尖腳嘅關節，早就凹凸不平嘅斧刃順利咁切開尖腳內裡嘅軟肉，墨綠色嘅汁液好似水喉咁，沿住我切開嘅傷口噴湧出嚟，灑係我大半個身上面，依啲汁液冰冰涼涼，根本就唔似係從生物身上噴出嚟。

「屌你老母！」我瞪大對眼大聲咆哮，當斧刃第一次遇到阻礙後，我將成個身嘅重量都壓上斧頭，斧頭只係停咗一陣，然後就繼續一往無前，直接劈開埋尖腳另一邊嘅外甲，最後完整咁將水管咁粗嘅尖腳從中斬斷。

啪嘅一聲之後，足足有成年人手臂咁長嘅斷肢跌咗落地下，旋住咁滑向角落頭，腥臭嘅汁液就好似公園啲旋轉灑水器咁，瞬間就噴撚到成架Lift都係。

而同一時間，Lift外面嘅「蜘蛛」即刻就發出野獸哀鳴咁嘅嘶叫聲，趁隻野痛到連個身都係到撞牆，我完全唔戀戰，諗都冇諗就轉身向救生窗狂跑！

快快快快！

我彎低身，手腳並用咁搏命爬入救生窗，個口已經忍唔住喘緊氣，腎上腺素慢慢減退，左臂同之前傷過嘅腰又開始隱隱作痛，仲黏住汁液嘅斧頭同通道輕輕咁磨擦，拖出咗一條彎彎曲曲嘅墨綠色血痕。

我個心跳卟卟卟咁狂跳，就好似要爆開咁，求生本能下，我成個人完全諗唔到野，甚至連轉身望一眼都唔敢，只係下意識咁喺依條得半人高嘅通道到搏命咁爬。

等緊下片

多謝支持聽日繼續

繼續推

做咩唔明

手足唔好戀戰 有文未

夜啲

大家唔好意思，今晚唔洗等聽日補返

聽晚真係有？

Gchi！