《你有一個遊戲邀請》

樓豬
記得自我隔離14日
下次深潛前/唔出文講聲，或者定時浮下水報下平安都好
擔心樓豬人身安全講故台之前有個post主失咗蹤到宜家重未返嚟

Sorry啊，新年依段時間太多野做，我下次會記得架喇放心雖然我出文量好廢，但一定會寫曬嘅
依加放緊假，公司有少少想收皮咁我會留係屋企架喇

白色，是醫護常用顏色。不含任何色素，並容易發現污漬，適用於醫院最應保持潔淨的地方。除此之外，白色還代表純粹的善良和堅定的信念。

當日，醫護們憑藉良心忠實履行自己的使命。今日，政權道德綁架他們這一份熱誠和信念。

他們守護了我們生命和健康，但又誰能守護他們？

全城白絲帶，支持醫護罷工。醫護不是condom，我們與醫護同行。

#全城白絲帶 #撐醫護 #撐罷工 #封關口 #醫護非condom #與醫護同行
#香港金總 #HKFU #standwithmedics

各位金融人都麻煩幫手填問卷，謝謝。

⚠️⚠️緊急⚠️⚠️

香港金融業職工共同抗疫意見調查

香港金融業職工總會欲以問卷方式詢問同業以工業行動共同抗疫的意願和意見，以制定有效方式向僱主及政府表達對僱員對於安全和健康的憂慮，全民共同抗疫。

由於事態緊急，如策劃任何工業行動必需經過既定程序。故此是次問卷將於1月31日23:59截止。希望同業們積極參與此調查，讓金總能全面理解金融界僱主於防疫措施現況，以及會員和同業於共同抗疫的意願，以制定下一步行動。

https://forms.gle/toVdkp2QMVwtZXVr7

原post傳送門：
［行動］［請置頂］全民白絲帶 罷工撐醫護
https://lih.kg/1848612
- 分享自 LIHKG 討論區

Thanks樓主

我見到有文仲興奮過見到靚女

係到，sorry啊，依幾日處理緊離職嘅野，冇時間出文，如冇意外聽日有文
Btw老細真係個腦裝屎

由Lift同牆身之間嘅空隙望落去，我發現架Lift應該比某啲野卡住咗係半空，並冇直接跌落Lift槽底，不過Lift槽底部嘅位置比我想像中黑，即使我將個頭再伸前少少，都只係隱約見到有野訓咗係到，但到底係咩，就睇唔清楚。

我係褲袋到拎咗部手機出嚟，心跳聲大到好似係耳邊響起咁，我知道係直覺係到警告我，提我依加應該將大隻仔佢地係Lift到拉出嚟，趁件事仲未向壞嘅方向發展。

但另一把聲叫我至少都望一眼，反正望一眼又唔會死……我一直以來都唔認為自己係個好奇心旺盛嘅人，但只係望一眼，應該冇壞嘅，係咪？

打開手機嘅電筒照向Lift槽底，我沿住個束光望過去，太陽穴再次隱隱作痛，我忍唔住諗，我嚟到依到之前有咁常頭痛咩？我已經唔太記得，但依個唔係重點，重點係當手機嘅燈光照向Lift槽底後，我見到啲咩。

「喂，出面咩情況？」大隻仔嘅聲音從Lift入面傳出，但我只係凝望住Lift槽底，冇第一時間應佢。

Lift槽底最邊邊嘅位置到伸咗兩隻腳出嚟，對上少少仲有半條腰，個肚臍仲係老地方，但腸同內臟就噴到周圍都係，血淋淋嘅粉紅色肉碎黏係牆身，好似比人唧牙膏咁唧曬出嚟。

我認得依兩隻腳上面條褲，褲嘅主人冇幾耐之前先同我嘈過，我仲記得佢係個上身著住件Polo shirt，睇落好似有錢佬嘅男人，不過佢上半身著咩依加已經唔再重要，重要嘅係，佢上半身去咗邊？

就係依個時候，我後面傳嚟昆蟲嘅爬行聲。

我背脊瞬間冒出冷汗，立即轉身一斧頭劈落去，但隨咗空氣，我後面根本咩都冇。

或者只係聽錯？爬行聲同波子聲，可能聽落其實差唔多。

「喂，聽唔聽到啊！？」Lift入面，港女連把聲都震埋，大概我再唔應佢，佢下一秒就可以發出尖叫。

「我冇野。」我成身肌肉繃緊，雙眼瞪大，係咁掃視周圍，「不過你地唔好出嚟住。」我講完之後，大腦回憶起超級市場到啲「蜘蛛」嘅動作，當時佢地爬滿天花板，密密麻麻……

突然間，我感覺有啲咩滴咗落我左邊膀頭到，轉頭望過去，就見到一條線咁樣嘅半透明液體由上面流落嚟，我退開半步，用手指係膀頭抹起啲聞咗聞，係一種食物變壞咁嘅臭味。

諗咗半秒都冇，我背脊發麻，一支箭咁衝向係Lift角落頭嘅窿到！

係文呀

繼續支持樓主

多謝支持，今日都有文

多謝，今日都有文

有文我就開心

等文，

今日

文呢

今日了

就係衝向Lift角落頭個窿嘅同時，我心臟狂跳，大腦再一次進入個種一片空白嘅狀態，就同第一次由三角帽手下救出ＯＬ佢地時一樣，我感覺四周圍嘅雜音都瞬間放大咗，而眼前所有野就變得好慢，真係好慢，我甚至可以聽到每一下心跳聲、每一下腳步聲、每一次手擺動時手錶發出嘅碰撞聲－－仲有從後傳嚟嘅利器破空聲。

我諗都冇諗，轉身嘅同時，順勢一斧劈向傳嚟破空聲嘅位置，斧頭帶住尖嘯，好似劃過牛油咁直接將刺向我嘅野斬成兩截，墨綠色嘅汁液四濺，身後亦隨即傳嚟一聲慘叫，然後我先睇清楚係上面爬落嚟嘅「蜘蛛」。

依隻「蜘蛛」明顯比我之前係超級市場斬死個隻更大，以我目測，幾乎有一架小型貨Van咁大隻，幾對尖腳最幼個對都有我大脾咁粗，而最粗個幾對，甚至有大廈外牆啲水管咁粗。佢腹部嘅位置仲係到咀嚼緊野，一隻戴住勞嘅手拖住係地下，隨住「蜘蛛」咀嚼而左右搖晃，半透明嘅黏液混合住血水不停滴落地下。

襯住隻「蜘蛛」係到慘叫緊，我好快咁後退，同時忍唔住望向個隻血淋淋嘅手。

有一瞬間，我諗返起個個同我嘈過嘅男人，到底佢係死前，有冇懷疑過自己係咪high咗野，所以先見到貨Van咁大隻嘅「蜘蛛」呢？但好快個隻手又變咗港女，然後又變咗大隻仔，變咗ＯＬ，最後再變成我自己。

當我被吞食嘅時候，隻手大概都會咁樣左右搖晃。

但依啲無謂嘅念頭好快比「蜘蛛」嘅嘶叫聲打斷，就係我成功由角落頭個窿跳返入Lift嘅時候，係半空中，我見到隻「蜘蛛」已經揮舞住仲滴緊墨綠色汁液嘅前肢衝向我。

琴日個篇文原本會寫主角同隻怪物死鬥，但我寫寫下，都係轉返依加個劇情發展，所以琴日冇出到文，同大家講聲SORRY

有文有ending 就得

Thx樓主嘅文

Live

次次入黎都唔記得之前講緊乜