學佛幾年，有咩想問

你扑唔扑野

首先，你要有……

咁你點睇叫雞

睇個個人有無受戒，因果自負

即係點

學佛既意思係去考究定出家？

你扑唔扑野

首先，你要有……

咁你點睇叫雞

睇個個人有無受戒，因果自負

即係點

會破壞大眾對佛教嘅形像，有受戒可能會破戒，最終因果自負

學佛既意思係去考究定出家？

有考究佛學，亦有修行，思考佛學點應用係生活
無出家

幾好
btw幾時升仙？

我未夠班sorry

食齊係為左唔殺生，但其實蔬菜都有生命（科學書講過）
唔通出家人唔怕有報應？

食齊係為左唔殺生，但其實蔬菜都有生命（科學書講過）
唔通出家人唔怕有報應？

巴打可以睇下
佛教戒律是否有「不傷害植物」 （聖嚴法師-大法鼓 0556
https://m.youtube.com/watch?v=mjnwHG5Zyqg

未接觸過佛學，有咩入門經可睇，唔該

初學如果可以睇經當然係好事，但好多經典係文言文，需要花多啲時間睇註解
有一本叫《百喻經》，係用故事去講道理
http://www.budaedu.org/story/lep/s00.php
比較簡單，篇幅較短

之後可以睇下佛教史，覺得邊樣適合自己，再一門深入
《正信的佛教》
《中國佛教史概說》聖嚴法師
http://ddc.shengyen.org/mobile/toc/02/02-02/index.php
《明珠佛學初階》
建議睇完有個基本概念先睇經，以上屬個人意見，都係要睇巴打自己適唔適合

唔該哂巴打，我down左個app，睇緊啲背景
BTW咁你食個方面有冇戒肉，五葷？

佛是有情抑或是無情？

未接觸過佛學，有咩入門經可睇，唔該

初學如果可以睇經當然係好事，但好多經典係文言文，需要花多啲時間睇註解
有一本叫《百喻經》，係用故事去講道理
http://www.budaedu.org/story/lep/s00.php
比較簡單，篇幅較短

之後可以睇下佛教史，覺得邊樣適合自己，再一門深入
《正信的佛教》
《中國佛教史概說》聖嚴法師
http://ddc.shengyen.org/mobile/toc/02/02-02/index.php
《明珠佛學初階》
建議睇完有個基本概念先睇經，以上屬個人意見，都係要睇巴打自己適唔適合

唔該哂巴打，我down左個app，睇緊啲背景
BTW咁你食個方面有冇戒肉，五葷？

唔洗客氣，最緊要幫到你
有d道場要求受五戒就唔可以食肉，例如法性講堂
我本身係受佛性三昧耶戒，雖然無話禁止食肉
老實講我自己為食，修行又唔係特別好，而家淨係戒食牛肉，都有5、6年，有一段時間午餐食素，而家愈食愈少
當然呢個係我個人問題，唔食係最好，只係我太廢J唔可以即刻戒，唯有慢慢黎

佛是有情抑或是無情？

請問情係指咩？慈悲算唔算係情？
《瑜伽師地論》卷二
六十二種有情：那落迦、旁生、鬼、天、人、剎帝利(中略)聲聞、獨覺、菩薩、如來、轉輪王。

http://buddhism.lib.ntu.edu.tw/BDLM/sutra/chi_pdf/sutra14/T30n1579.pdf

可唔可以講解下無明

上一世有冇可能超越時間，係未來已經完結?
咁會否影響因果?

如果幾百年前下一世嘅我種左棵樹，幾百年後撠到上一世嘅我，起嘅嗔心慢慢發酵，到最後殺左隻狗，呢個業理應會影響到下一世，咁講唔講得通?

Sorry，我理解得唔好，唔係好明
幾百年前「下一世」？巴打想講前世？
殺左隻狗呢個舉動，已經係殺業
你想講，因為前世種樹，棵樹整到今世自己，形成嗔心，最後殺狗？

唯識宗認為前世或累世造業會帶落下世，因緣成熟就有果報
如果詳細黎講，唔係所有業都會帶落下世，有d會現世報，唔係一世一世咁找數

「業」其實係有牽引作用，帶去一個結果，至於幾時報就未知
《俱舍釋》所引頌云：「諸業於生死，隨重近串習，隨先作其中，即前前成熟。」

《菩提道次第廣論講記》 第五十九卷 日常法師
「諸業」，這個業在生死當中，哪一個先成熟？第一個，隨重；第二個，隨近；第三個，習慣，串習就是習慣；第四個，前面上面都沒有的話，最先作的最先成熟，所以「前前成熟」。
http://www.theqi.com/buddhism/GL1/s59a.html

可唔可以講解下無明

無明係十二因緣的根本，苦的本源
無明、行、識、名色、六入、觸、受、愛、取、有、生、老死苦

「無明」係過去世一切迷惑同煩惱，對於煩惱產生「行」為，呢個係過去世嘅因

之後，前世行為做成業，積累成「識」，招感現在世嘅果，投身到有緣父母成為人身，有形相的「名色」
《大緣起經》說具有故，彼說：『佛告阿難陀言：識若不入胎得增廣大不？不也！世尊！』

入胎後，慢慢長大，形成「六入」，眼耳鼻舌身意，呢個係上世因而招感到現在世嘅果
人身成後，就可以用身體認識世界，同外境接「解」，因接觸而有苦樂等感「受」
再次得到身體形像呢個係現世果

現世身口意又會造業，有感受而產生心理反應，喜歡想要，不喜歡想擺脫，都係「愛」，之後由於心理反理而產生動作「取」，係苦樂中執著色身永恆存「有」，一生中不停做善惡業，造成現世因

奈何有生就有滅，呢個身體死咗敗壞，就因執著而輪迴再「生」，有生自然「老死苦」，造成來世果

二乘人認為，無明係煩惱根本，不了解事物無常，產生煩惱，所以流轉生死

大乘就認為十二因緣根本無明亦離不開五蘊色身，既然五蘊色身本身已經係因緣和合而有，流輪生死皆是空相，就明白到「煩惱即菩提，生死即涅槃」，生死既不可厭不可怕
因此《心經》有言「行深般若波羅蜜多，照見五蘊皆空，度一切苦厄」「無無明，亦無無明盡；乃至無老死，亦無老死盡。」

無論二乘或大乘，都係智慧
希望解答到巴打

我意思係因果可否超越時間，今世係2017年，前世可否係2099年完結，帶業轉世?

首先，而家嘅時間概念其實係人創造出黎
即使前世超越時空，所作業都會跟身，因為業係跟人
「萬般帶不走，唯有業隨身」嘛

無左禪感點算

入左魔點算

點樣可以死得乾淨，連佛國都唔入，輪迴都唔墮

你點睇「可憐之人，必有可恨。」

無左禪感點算

入左魔點算

我廢J，請問咩係禪感
入咗魔係身體有事？定睇到聽到怪異嘢？
有咩事睇醫生check清楚先最好，打坐最好有法師教

巴打我作好多業 成日寫甜故俾人丁
但我覺得做完心境又好舒暢
可否俾d啟示我