不過我知係佛教角度來睇，其實係講緊做好自己就會感染到其他人既。但我覺得佢係你對佢好佢都唔會感激你果d.要用好來感染佢不如用壞來摑醒佢，雖然我知咁樣都唔好
Sry巴打，近排忙少上連登，上面六道巴打解釋得好清楚
你妹妹會唔會係到反叛期？我細妹同你情況有啲啲似，早年都試過係咁，關係變差，最後離家出走，幾年之後先返屋企，而家大個咗結婚生仔，修心養性，其實真係好好彩，希望以下親身經歷可以令你得到幫助
首先，要幫人或者想改變人之前先要諗諗對方想要咩，或者要係適當時候幫忙會更好。因為每個人想法唔同，理解亦唔同，可能你呢個行為係為佢好，但係佢眼中係煩膠。《維摩詰經》中的主角，維摩詰居士經與賭徒妓女等人為伍，常人會以為佢修行唔好，但其實一般人如果唔同佢地親身直接接觸，又點了解佢地嘅苦呢？滅苦首先要知苦，解決問題首先要搵出問題
是故經云：「以一切眾生病是故我病，若一切眾生病滅，則我病滅」
你細妹鍾意啲咩？想要啲咩？會唔會其實佢只係想獨處靜下？以我嘅經驗，半年已經一個代溝，愈生活得愈接近嘅人反而愈少溝通，講得多好易變煩膠。試下多啲觀察你細妹，嘗試用共同興趣打開話題，或者問啲佢有興趣嘅問題。有時問題唔係做定唔做，而係應該點去做。
至於點去實行，就要等，等到一個適合時機，你再破冰或者修補關係咁就會好啲。
舉個例，就好似我妹妹，佢出走幾年搵返個陣，大家都怕其實佢心入面好憎屋企人，唔想見我地，點知第一眼見到阿媽係喊到收唔到聲。所以有時係一個人嘅行為，未必係討厭一個人，你可以試下靜靜咁幫佢，例如落雨幫佢放把遮係袋，天氣凍幫佢放件褸入袋等等，對佢累積多啲善因
直到遇到啲佢需要你嘅時候，因緣具足就可以令關係改善，需要時伸出援手好過平時千言萬語。
加油，慢慢黎
多謝巴打我係姐姐來既。我岩先睇完上面個巴打講完，心入面係咁同自己講阿彌陀佛，慈悲為懷，就鼓起勇氣同我妹破冰，主動同佢傾下計。跟住大家都有講有笑。果刻其實我好感動好想喊，覺得心入面既苦減少左好多，相信佢都係。我會繼續努力種多d 善因
咁咪好，兩姊妹會易溝通啲，
苦係一定會有，要明白無常嘅道理先會學惜珍惜，煩惱同菩提可以係一體
)，以我廢柴理解淨係可以諗得出觀音化為人間眾相，例如乞丐，妓女點化世人，可唔可以講下？
