學佛幾年，有咩想問

洗唔洗冥想？

樓主覺唔覺佛講既就係叫人唔好二元對立？
但係點解啲法師成日提住好苦
我感覺既佛教原意唔係咁

對佛學有興趣
試過睇有關書籍又覺得好深好悶
其實我係個執著撚黎
有時搞到自己情緒好差
想接觸下呢方面令自己豁達d
樓主有冇咩可以suggest下我呢d初學者？

老實同你講，情緒一定有高低起伏，我自己都不能避免
同你講我無煩惱連我自己都打冷震，講乜乜乜有好多人仲辛苦過你即係廢話
我又唔會離地到叫你即刻放低，因為煩惱唔會忽然無曬
思想上，我建議巴打可以用「抽離」，就係情緒發起上黎，例如嬲，就抽離自己，唔係叫你即刻唔嬲，好似第三者咁冷靜，而係觀察
問自己三樣野
一、觀察自己既情緒點變化
二、因咩而變化
三、如果跟住情緒走會有咩後果

呢個未必即時做到，但可以令你當下知道自己既情緒，慢慢你就可以知道「心」究竟處於咩狀態。

平時可以試下數息，唔洗好正式咁打坐，可以試下臨訓前，靜靜坐低，心入面跟隨呼吸默念「1,2,3,4,5,6,7,8,9,10」，再由十數到一呼出個下先數
唔洗太耐，幾分鐘就可以

情緒要發洩出黎好容易，但問題在於你想控制情緒，定俾情緒控制你
以上淺見希望幫到你

抄左幾多佛經

讀經就有，抄經好少，因為寫完唔知放係邊好

樓主覺唔覺佛講既就係叫人唔好二元對立？
但係點解啲法師成日提住好苦
我感覺既佛教原意唔係咁

我唔知巴打講邊位法師，亦唔敢講出家人
提住好苦係因為釋迦佛講四聖諦「苦集滅道」
苦有分為8種
生苦，老苦，病苦，死苦，愛別離苦，怨憎會苦，求不得苦，五陰熾盛苦
wiki有好大段，可參考，暫不詳談
https://zh.wikipedia.org/wiki/%E8%8B%A6_(%E4%BD%9B%E6%95%99)
以上係二乘行者所修習對治

大乘有「煩惱即菩提」既講法，由「心念」決定
同一句說話，今日有人當街鬧你衰人
你可以因此得到智慧，會反思自己係咪做錯，而去改變自己
你亦可以因此得到煩惱，念念不忘被人鬧，再生起嗔心，放上連登審判
所謂「一念天堂，一念地獄」

唐密《理趣經》更提到「欲、觸、愛、慢」四個根本煩惱就係成佛要素
無對與錯，只係適唔適合自己

洗唔洗冥想？

無硬性規定，不過好多宗派修行都有打坐，目的主要係修心

做人好苦

你騎馬來我騎驢，看看眼前我不如；回頭一看推車漢，比上不足比下餘。

點睇成佛？咩人都可以成佛？首陀羅可唔可以成佛

南傳角度:
解脫唔需要成佛，但仍可脫離生死輪迴
人人都可修行解脫，依八正道修正便可
當然未必可以即生做到，但比無量輪迴好得多。
首陀羅冇記錯係最低種性?當然都可以藉修行解脫

高質必推！
多謝樓主賜教

點睇成佛？咩人都可以成佛？首陀羅可唔可以成佛

二乘係講出離心，求出三界，成阿羅漢，脫輪迴之苦
《雜阿含經》裡有四句偈：「諸漏已盡，梵行已立，所作已辦，不受後有」
二乘最終目的不是成佛，但修淨行，行四念處，八正道，三衣一缽，樹下一宿，入涅槃不再來

點睇成佛？
大乘目的係行菩薩道、修六波羅密、成佛度眾生

咩人都可以成佛？
係，唔止人，所有有情眾生都可以
即天人、阿修羅、人、畜生、餓鬼、地獄六道眾生都有「佛性」
《華嚴經 卷51》
爾時，如來以無障礙清淨智眼，普觀法界一切眾生而作是言：『奇哉！奇哉！此諸眾生云何具有如來智慧，愚癡迷惑，不知不見？我當教以聖道，令其永離妄想執著，自於身中得見如來廣大智慧與佛無異。』
首先，因為佛陀以佛眼觀眾生，所見到嘅係眾生的佛性，必須注意的是，有佛性不代表即時就係佛，而係近似一種潛藏嘅能力，亦好似種子，留待因緣具足有發芽、開花、結果

首陀羅可唔可以成佛？
可以，正如上述所講，眾生皆有佛性，眾生包括人，人包括首陀羅，所以係可以成佛

求教
成日都俾身邊既人既說話/態度/行為等等搞到好唔開心
點樣可以放開D，唔好咁介意周圍既人點樣對我？

未接觸過佛學，有咩入門經可睇，唔該

求教
成日都俾身邊既人既說話/態度/行為等等搞到好唔開心
點樣可以放開D，唔好咁介意周圍既人點樣對我？

煩惱係平常生活好難避免，要慢慢對治
一啲小情緒發洩到出黎係好事
都係果句，要觀察自己嘅情緒變化
我自己鍾意去海邊，唔係睇海，而去聽海，只係專心聽海浪聲，係呢三、五分鐘乜都唔好做唔好諗
慢慢會發現煩惱嘅根源，再冷靜咁去面對，之，漸漸係好多生活事情上係可以用智慧解決，問題會存在，執著依然會存在，畢竟我地仲係平凡普通人，需要慢慢習慣

姻緣際遇係咪一出生已訂好?如何改善?

其實應該點解釋空
見人成日比喻色是波浪空是水

未接觸過佛學，有咩入門經可睇，唔該

初學如果可以睇經當然係好事，但好多經典係文言文，需要花多啲時間睇註解
有一本叫《百喻經》，係用故事去講道理
http://www.budaedu.org/story/lep/s00.php
比較簡單，篇幅較短

之後可以睇下佛教史，覺得邊樣適合自己，再一門深入
《正信的佛教》
《中國佛教史概說》聖嚴法師
http://ddc.shengyen.org/mobile/toc/02/02-02/index.php
《明珠佛學初階》
建議睇完有個基本概念先睇經，以上屬個人意見，都係要睇巴打自己適唔適合

姻緣際遇係咪一出生已訂好?如何改善?

巴打想講因緣際遇？因為因緣同姻緣有不同，我怕自己混淆
《三世因果經》講：「欲知前世因，今生受者是。欲知後世果，今生作者是。」
業力可以影響一生嘅際遇，但又唔係完全訂好，無得改變，如果無得改變，佛陀就唔會度眾生，叫人行善，更唔會有「諸惡莫作，眾善奉行，自淨其意，是諸佛教」
今世行惡或行善未必會即時承受果報，可能會唔知幾多世後先因緣具足，承受果報

或者我咁比喻，業力就好似滾雪球咁，雪球入面由唔同既雪分子組成，有汚染有乾淨，有重有輕，當人做唔同既業，令雪球嘅分子不停改變，滾動時就會形成不動軌跡，導致偏向某一方向，但你當下一刻仲有能力去改變，即使幾微細，慢慢累積都結可改變到

至於點改變，顯教就會教念佛、念經、拜懺、打坐、參加法會等等
唐密做法就會多啲，上供佛菩薩，下施餓鬼眾生，念咒，但睇下想求乜嘢，不過都係要阿闍黎親自傳授

其實應該點解釋空
見人成日比喻色是波浪空是水

所謂嘅「空」其實係無自性空，即係無永恆性、無獨立性、無主宰性，因緣和合而生
《中論》有提及
「眾因緣生法，我說即是空；亦為是假名，亦是中道義。
未曾有一法，不從因緣生，是故一切法，無不是空者。」
色係世界事物嘅「相」，即係事物本身顯現的形態同特質，但佢本質都係空，因為都係不穩定，會變動
可能會同巴打講嘅波浪同水有相似嘅地方，解釋得唔好請見諒

你扑唔扑野

你扑唔扑野

首先，你要有……

你扑唔扑野

首先，你要有……

咁你點睇叫雞

點睇無我相？

你扑唔扑野

首先，你要有……

咁你點睇叫雞

睇個個人有無受戒，因果自負

點睇無我相？

聖嚴師父《福慧自在》：
「我相」是單獨的個人，有個人的我、家庭中的我、社會中的我
呢一個「我」係由因緣和合而成，每一秒都會變動，有生死
無我相，係空嘅道理，要再深入思維、修行先可以實踐，唔係口講咁簡單
所以心經話「行深般若波羅密多」，唔止係行深般若波羅密多，仲要係「行」「深」，先可以做到，希望答到你