學佛幾年，有咩想問

佛教教理不少，初學可能無從入手，開post純粹希望可以幫到人
我學佛正確黎講係大乘佛教，學過幾年唯識，之後接觸天台宗教理，最後接觸唐密
純吹水，不喜勿插，太深未必即時答到，但會搵經典盡量解答
神通唔講，藏密唔講，因為唔識

留名

要學佛有無話有d咩係唔做得？
姐係唔係出家為僧，只係學習咁

例如基督教有十介個D

點睇dse條題目

覺唔覺得連登戾氣好重
建唔建議上？

禪修係咪學佛第一步

要學佛有無話有d咩係唔做得？
姐係唔係出家為僧，只係學習咁

例如基督教有十介個D

巴打應該係問緊「戒律」？
佛陀在世時已有制定戒律，入涅槃前阿難問佛：「佛在世時，我們以佛為師，佛滅度後大眾以何為師呢？」佛言：「以戒為師。」

戒律一向都係佛教重視，答你既問題我分兩部份
第一，只有佛可以制戒
釋迦牟尼佛入滅前曾說「小小戒可捨」，但阿難尊者無問到「小小戒」的定義，所以佛陀滅後，僧眾結集，集合經律論三藏，但就係因「小小戒可捨」，而對律有不少爭議。
因為制戒一定有原因，但某d小戒就會跟隨情況、環境、國土、風俗而有所限制，戒亦有分歧
如《五分律》卷二十二，佛陀曾說： 「雖是我所制，而於餘方不以為清淨者，皆不應用；雖非我所制，而於餘方必應行者， 皆不得不行。」
此在戒律史上被稱為「隨方毘尼」，也就是由於地域的不同，比丘應當以尊重當地的風俗習慣及法律為原則。
小乘三藏《經》、《律》、《論》已有記載，例如《十誦律》、《四分律》、《五分律》等，一般比丘、比丘尼(出家眾)都需要遵守戒律

大乘方面，後來已出現菩薩思想，然亦需受戒，戒已經用三聚淨戒去粗略分類
一、攝律儀戒(斷惡)
二、攝善法戒(修善)
三、攝眾生戒(饒益一切有情)


第二
學佛都有分類，普通研究既叫佛學
如果係佛教，就應該係已皈依，成為佛教徒，但呢一刻最basic既所謂「戒」都係皈依佛、皈依法、皈依僧，不皈依外道
在家人再上就可以受「五戒」(不殺生、不偷盜、不邪淫、不妄語、不飲酒)
之後持戒持得好就可以受「梵網菩薩戒」(一般人稱在家菩薩戒)

至於顯教出家人就要受「三壇大戒」包括「沙彌戒」、「比丘戒」、「菩薩戒」
最後唐密，做法係受「三昧耶戒」

有錯或手誤請幫忙指正，感激
相關資料：
《戒律學綱要》 聖嚴法師
http://ddc.shengyen.org/mobile/toc/01/01-03/index.php

點睇dse條題目

呢幾年無點睇
不過知道以前有d大、小乘撈亂，佛學黎講無問題，研究落去可能會亂，因為一係門知識
佛教黎講就要配合修行，「信、解、行、證」，文字始終係文字，當中得到幾多？應用到既又有幾多？

信佛嘅人打飛機會否破戒？

如果我有少少其他信仰但我戴住個佛牌仔同塊玉(因為老母送，唔想糟蹋佢心意就一路戴住）

會唔會唔係咁好?.?

覺唔覺得連登戾氣好重
建唔建議上？

又唔覺，可能我新人
戾氣重唔重都可以上，睇下係你控制情緒定俾情緒控制
「上lin登勿認真」我覺得呢句都幾有智慧，要做到都幾難

禪修係咪學佛第一步

或者咁講
因為禪宗係中國歷朝影響太大，提起佛教就令人不期然諗起「禪」，但事實上禪只係其中一個法門
例如出名既玄奘法師，係唯識宗，講轉識成智
淨土宗就可以念佛往生淨土

所以你問我第一步我真係唔識答你，因為你想要同我想要既唔同，甚至禪都可以分為「如來禪」「祖師禪」
由達摩祖師帶黎中國，一直傳到六祖都係「如來禪」，要清淨自己既心
去到六祖慧能就轉變為「祖師禪」，講自性本來清淨，本來具足一切

要留意，如果修大乘法，「四念處」呢類係小乘法，唔好混亂
大乘修禪係禪宗或者天台宗
小止觀網上資源
buddhism.lib.ntu.edu.tw/BDLM/sutra/chi_pdf/sutra19/T46n1915.pdf

修禪我建議跟導師，法鼓山-香港道場有
可參考
http://www.ddmhk.org.hk/main.php?lang=2

信佛嘅人打飛機會否破戒？

破戒首要條件係已經受戒
但我記憶中五戒的淫戒，有夫妻之禮係無犯，但都有其限制
五戒及其內容
http://ddc.shengyen.org/mobile/toc/01/01-03/d3.1.php
手淫就無明寫，對唔住答你唔到

佛教既戒欲其實係咪叫人唔好生仔
最終目的係拯救地球

幾多點後唔可以上香？

如果我有少少其他信仰但我戴住個佛牌仔同塊玉(因為老母送，唔想糟蹋佢心意就一路戴住）

會唔會唔係咁好?.?

念珠、佛像不是配飾品（聖嚴法師-大法鼓 0665）
https://www.youtube.com/watch?v=nOlTVZlKxAQ

當然，以上係佛教徒的處理方法
為人子女顧及父母諗法同感受係好事，我建議你向你的信仰查詢會比較適合

彿學裡面指既緣份 其實係咪好似人生既劇本咁？ 係由出世個一日已經存在？

佛教既戒欲其實係咪叫人唔好生仔
最終目的係拯救地球

可能巴打有少少誤解，容許我講幾句
佛教徒都有在家居士，五戒中的淫戒不包括夫妻的正淫，而且無強制受戒
修行唔係一下子就可以完全離欲，要慢慢修行，唔似all or nothing

二乘目的係成阿羅漢，出三界，了生死，不再離迴
大乘目的係行菩薩道，成佛度眾生

拯救地球呢樣就無講，但三千大千世界，地球只係微塵，即使拯救到地球，但救唔到人心，又有咩用呢？

點先成到佛?

幾多點後唔可以上香？

無聽過呢個限制，應該幾點都可以
清淨時，一瓣心香都可供佛

對佛學有興趣
試過睇有關書籍又覺得好深好悶
其實我係個執著撚黎
有時搞到自己情緒好差
想接觸下呢方面令自己豁達d
樓主有冇咩可以suggest下我呢d初學者？

做人好苦

彿學裡面指既緣份 其實係咪好似人生既劇本咁？ 係由出世個一日已經存在？

緣係因素，要講因、緣、果

個案一
呢一刻你種下一顆蘋果種子(因)
有充足陽光、水份、空氣(順緣)
半年後，你收成得到(善果)

個案二
呢一刻你種下一顆蘋果種子(因)
狂風暴雨、過多水份、空氣(逆緣)
半年後，你破產(惡果)

緣都有分順緣、逆緣
唯識宗認為，今世所得既報，未必一定係今世所造
因為前世或累世帶落黎，就好似你身上一直有好多種子，處於未發芽狀態，直到種子遇上適當既緣「因緣和合」，就會產生果報
所以，現世造業都未必現世報

出世已經有影響，例如思想、基因、肢體、家庭等等
可唔可以改？可以，持戒，多種下好既種子，異時而熟、異類而熟、變異而熟，未必即時改到，但因緣具足就會有報
《大寶積經》偈語：「假使經百劫，所作業不亡，因緣會遇時，果報還自受」。

點先成到佛?

二乘做阿羅漢
禪宗見性成佛
天台宗講本有佛性，你本身有成佛能力
華嚴宗講修行階位，十住、十行、十迴向、十地、等覺、妙覺
唐密講身口意三密加持，即身成佛
巴打想要咩？

抄左幾多佛經