我完全明你想講咩
因為我頭腦上完全係不停用呢啲說話安慰自己
不過內心嘅傷口就未止到血啫
thanks 絲打陪我鳩UP
人返工已經好攰 都係諗少啲嘢好![](https://cdn.lihkg.com/assets/faces/normal/sosad.gif)
可能話係安慰
有時侯亦係面對現實
現實就係人始終係有感情嘅動物
身邊有個俾你依靠嘅人
有幾多人真係可以拒絕?
如果呢個人真係離你而去
幾絕情嘅人都會傷心
血總有一日會止
個傷口都可能會跟自己一世
但有時白痴去諗,多條"LA"先夠型嘛
哎唔好客氣啦
我都係𠴱句,同大家傾,其實有d說話亦係講俾自己聽![](https://cdn.lihkg.com/assets/faces/normal/wink.gif)
sorry見你個post有d人留言好想搭爹就忍唔住搭撚左 唔好怪我
btw 想問下宜家識朋友仲有咩途徑...是咪一定要出去上咩興趣班之類
唔緊要大家都係吹下水
何況我尋晚都發生咗d事, 冇心機覆
老實講我覺得依家興趣班都識唔到咩朋友
大部份都係本身有frd一齊上課
反而我覺得可以按自己活動去試
例如鐘意打機可以入d game gp
有共同興趣識朋友都易d![](https://cdn.lihkg.com/assets/faces/normal/agree.gif)
你有咩事唔開心都可以講下架喎, 唔一定淨係你自己做樹窿![](https://cdn.lihkg.com/assets/faces/normal/sosad.gif)
有時想的起心肝打宜家d手遊, 但好快就無耐性
以前細個玩online game真係好正... 入一個公會就識到好多人 一路傾住電話打副本
宜家無左呢支歌仔唱![](https://cdn.lihkg.com/assets/faces/normal/frown.gif)
唉, 都係同男友d嘢, 大家都仲未穩定
我都係呀以前玩online game都識落一班frd
不過依家都冇聯絡, 但嗰陣真係好開心
依家d手機game玩多嘢我就del![](https://cdn.lihkg.com/assets/faces/normal/sosad.gif)
之前睇你post好似話拍左半年? 如果真係既話呢個階段應該超多野要磨合~
好懷念以前天外, 少林傳奇果d online game時期
日日咩都唔理放學狗衝返去打機. 宜家個人又懶, 返工又攰, 學野又要比錢, 都唔知搵乜學好
依家男友識咗好耐, 但只係拍咗幾星期
慢慢發現原來好多細微嘢上都唔夾, 睇法同做法都唔同
以前做朋友唔會遇到呢d事, 所以冇預料會係咁
尋晚自己on居對住部電話自言自語
嗰刻真係好攰, 寧願自己冇同佢一齊
我都好掛住以前嘅日子
好似冇咩煩惱咁, 日日放學就係打機
依家返咗工咩都唔想做, 有時連機都唔想打![](https://cdn.lihkg.com/assets/faces/normal/cry.gif)
哦, 原來係咁, 咁好難怪.. 坦白講句如果本身2人唔太夾, 分分鐘有排捱
我同我女朋友3年, 都差不多2年先完全磨合得比較順利
到宜家都久唔久會有爭執, 只係大家已經識避免演變成六國大封相
我同我前任都係同你宜家差唔多情況,
一齊左先知原來大家好多DETAILS位係唔夾... 根本遷就得好辛苦
最緊要係溝通, 絲打你男友肯溝通肯講既話其實大家有心就好易解決既
天下間無幾多對情侶係一拍即合, 加油
有咩想傾可以搵我鳩UP下
多謝巴打你
只係之前做朋友真係好舒服好開心
依家一齊咗發現點解同以前反差咁大?
當然有部份原因都係因為我自己問題
所以自己都盡力去改
有時夜媽媽喊嗰陣反問自己點解會變成咁?
明明自己放鬆d好似以前朋友咁相處就輕鬆好多
偏偏就執著, 想佢緊張自己多d
因為依家真係似朋友多過似情侶![](https://cdn.lihkg.com/assets/faces/normal/banghead.gif)
其實我以前都有思考過呢個問題,
好多人都話情侶應該係由朋友發展開始
但我發現呢個唔一定係真理
我同現任算係一識就開始發展做情侶
相反同相處得好差既ex就係做左朋友一排就發展做情侶
一識就發展做情侶其實有好處, 就係唔會對比到同"做朋友"既時候有咩分別
由始至終你只係見識到佢一個mode, 就係情人mode
講真丫, 做朋友, 唔會要求自己係對方心目做到最重要, 唔會介意佢咁多野
一做左情侶, 乜都介意一餐嫁啦, 人之常情
唔好強求自己輕鬆d乜乜乜, 最緊要係唔好諗埋一邊, 順其自然
同埋一定要同對方做好溝通, 講出黎, 拎出黎傾係好好好重要