當時巴打你點脫離呢種思想架?
其實我呢幾個星期真係好辛苦
係呢幾日先叫好返少少
之前甚至懷疑過自己係咪有咩情緒病之類
我都知道再係咁會累死自己
再係咁真係遲早玩完
唔.. 我同ex其實某程度上就係因為咁而散既
因為已經累積左一年幾, 我覺得佢都比唔到安全感我
所以就分左手, 唔洗驚, 當時我同你一樣都覺得自己係有病, 因為到臨散既時候我真係好辛苦, 個心好似比人掏空左, 日日訓唔到教, 喊又唔太喊得出咁, 但放左手果刻就無晒呢D感覺, 係一種解脫
如果要計.. 算係現任令我脫離到呢種思想啦,
一開始現任都係D ON99成日唔聽電話又唔記得RE我WHATSAPP既人黎, 變相我都無安全感, 諗佢係咪唔重視我乜乜乜
但佢真係唔係一個會出軌/玩感情既女仔, 耐左我就明白呢個真係佢真實性格, 而我都發現佢同我1齊時都唔會自己睇電話, 真係可以6,7個鐘都唔記得個電話既存在.. 跟住佢D朋友搵佢又係爆晒CALL同WHATSAPP咁.
簡單黎講, 佢就係咁ON99... 生活中好多野成日甩甩漏漏, 電話唔記得帶, 更唔好話覆WHATSAPP. 跟住又可能約左我但同FD吹耐左水唔記得左時間咁
好快我接受左佢真實性格係咁, 仲覺得點解我女朋友會咁ON9 跟住成日拎黎笑佢, 當然有時仲會好激氣啦 不過我學識左去相信佢對我既愛同體諒/接受佢就係一個咁既女仔
好快佢開始慢慢改善, 明白到佢咁樣做我會唔開心同激親, 佢就開始諗辦法去提自己睇電話同埋記得約左我趕時間
都係果句, 吸引力法則, 你改變時對方都會隨住你一齊改變
唔好諗住去改變人先, 因為人永遠改變到既只有自己, 如果對方有心同你經營一段關係既, 佢一定會感受到, 一定會比返相應既回應你
真係好多謝巴打你
明明係我開post做樹窿依家變咗你係樹窿tim
我內心都同樣係相信男友唔會出軌/玩感情
所以就算未一齊之前發生咗d事
我都係因為一個信字而決定同佢一齊
可能一直都自卑啦, 成日覺得佢冇我想像中咁鐘意我
再加上依家相處又同之前一樣, 似朋友
所以一有少少態度唔同又或者唔點理我我就會亂諗嘢
紅字呢句, 我都係今個星期先學識
所以都開始學習接受佢係個內向, 宅, 唔主動約我嘅人
但因為尋晚發生咗d事, 自己d情緒又開始嚟料
佢好好, 每次我小小事喊晒佢都忍我
不過我內心都會諗, 其實佢仲忍得我幾多次呢?
呢段改變嘅時間真係好難捱
有時改改下都會想放棄, 覺得咁樣做係冇用
完全明白呢種敏感既情況係好難受
個人好似有病咁 少少野都牽一髮動全身
但真係要靠自己放低, 你唔比自己有安全感, 你男朋友點可靠都好, 你都唔會feel到安全感呢樣野, 但其實佢一直都存在, 最先要解決既一定係自身問題先
學習放低負面思想, 去感受下你地中間既相處, 係咪真係你諗得咁差, 同埋每次想嘈佢/又loop入負面情緒入面之前, 諗下咁樣做對你地段感情有冇好處.
去提醒自己應該要相信佢, 接受佢, 用正面句子去鼓勵自己會比較好
反而唔好再諗"唉, 佢仲忍得我幾多次丫, 無人會想同個乜乜乜既人一齊" 從而去逼自己唔發脾氣, 咁樣一定有反效果
每次當你想咁諗, 你就用正面思想同語句去替代, 同自己講你想好好地去感受下大家既相處, 想試下真心去接受大家就係一個咁既人,
對自己有返d自信啦, 事實係佢宜家已經選擇左同你一齊, 事實係佢又唔似係player, 事實係你要做咩佢都陪你做陪你去, 而唔係佢頂你唔順喇、唔想同你一齊喇etc~
睇下眼前既好同光明, 唔好望住背後既黑暗喇絲打 走出來吧