咁又唔好太快下判斷
你宜家呢種心動心痛係源自於一段又一段未促成既愛情姐
到真正拍拖, 又有另一番體驗
而且個人對重複無好結果既事愈黎愈看輕未尚唔係一件好事
我係到諗會唔會係自己既問題,
其實兩次都係中間好開心,
大家都入侵左大家,
今次直程係大家既生活都起左少少既變化,
但就係唔知點解無啦啦對我冷淡
其實兩個都係上網識既,
自問都全心全意去同佢地溝通相處,
就係唔知點解會搞成咁
唏, 世事無常呀巴打
我都試過明明前幾日仲好相愛, 好sweet, 突然間2日內冷淡到完全唔理唔應我, 跟住隔多一個禮拜就講分手添
做人就係咁, 朋友/愛情都會咁, 就算你自己正正常常, 對方挑起條筋對你淡就淡, 唔理就唔理
如果你自問, 唔係太chur太奇怪(同你講左咁多野都唔覺得你係), 就唔需要去諗係咪自己問題啦
只能說呢2個都未係能夠開發你初戀既有緣人姐
同埋想問你由識佢同宜家整個過程係幾耐到?
我份人好重情 我好珍惜人與人之間每一段既關係
我一月尾識佢,一開始我覺得無咩可能,
但傾耐左發現原來大家都好夾好相似,
佢地兩個都話我好熱情既,我都話我可以盡量講少d
但佢地話唔洗,話咁先傾到計。
其實我都係覆完就等佢地覆,只係可能打得比較長
可能就係因為咁講得快完得快啦
可能真係有緣無份啦
依個女仔既興趣性格係同我期望既好接近
唉呀, 唔通佢兜口兜面叫你"好啦咁你收爹啦 "咁咩
你咁講, 佢地緊係話咁樣好呀, 咁先有計傾之類啦
中庸之道好緊要架 做人做事都係
唔好太chur太熱情, 亦唔好太冷淡
做人咩都做得太兩極唔係好事黎
我盡量會改 但打得一行表達唔到想講既野,
同埋好驚佢地覺得悶,或者係你問我答咁。
依家真係忍緊逼自己唔諗佢咁多。
最驚係夜晚訓教果時姐,真係好易亂諗野
同埋我fd就叫我當佢係普通朋友發展,
唔洗咁上心,話慢慢黎。
你FD講得啱
同埋你覺得對方都有心傾嘅先長篇大論比較好
就好似我地宜家傾計咁
試諗吓如果我唔理你想唔想聽都一輪嘴講晒出嚟
你一嚟都唔知點應我 二嚟都覺得我有啲CHUR啦係咪
不過呢個涉及另一門技巧,傾計都可以好高深
平時你擅唔擅長帶動成個對話嘅氣氛
依家我feel到佢無心傾
如果想維繫一段友/愛情,
你唔會短短幾個字就完一個話題,
亦都會因為無咩野講而開一個新話題。
但我feel係無,好似敷衍我咁,
依d叫假人假義,不如直接完左佢好過。
我都識一個女仔朋友佢都係一日只會覆我一次,
但我feel到既係佢用心黎同我傾,
同埋保持到種朋友既感覺,
雖然可能唔係覆得我好多。
同佢地傾果時都係因為我feel到佢地ok先同佢地講多d。
但巴打有無咩高招可以分享下呀
佢依家都未應我,
我估都唔會再應/又或者係keep住hea覆
咁我真係會對佢好失望
Btw,巴打你真係好好人,同你傾完我個人鬆左好多
多謝哂你
Sorry琴日女朋友突然好唔舒服入急症, 成晚唔得閒
其實你feel到對方根本無心傾, 基本上係連日日whatsapp都可以慳返
既然你覺得對方已經係敷衍緊你, 我建議巴打你都係盡早收手好過喇...
btw我都係順其自然同人傾, 傾到咩就講咩然後問d相關問題, 引人講愈黎愈多野出黎咋 就好似同你傾計咁. 絕對唔係d咩溝女高手
不過可以分享一個例子
我女朋友有個男仔fd之前都係想盡辦法, 每日諗同佢target有咩好傾, 可以點樣打字令佢多d興趣 個女仔應該同你target一樣都係咁上下態度,
然後 佢當然係好快收左皮啦 因為個女仔根本唔志在同佢傾唔傾計
無幾耐佢遇到另一個女仔, 傾計好舒服自然, 唔需要用腦去不停諗之後應該講咩, 點先令佢對我多d回應, 好快佢地就一齊左, 宜家已經一齊左年幾兩年
唔洗多謝~ 傾兩句講下經就可以幫到人無咁辛苦, 何樂而不為
巴打, 最後想講1句, 有好多野真係放左手你先會得到更多, 對住d唔值得既人同事, 由佢隨風而去啦~