HELLO 上返水報個平安先
巴打發生咩事呀
等我地做下樹窿
無, 係覺得有時好多野都吃力不討好
好多人淨係會睇表面去判定晒你所做既一切
暗地裡付出幾多都係無咩用
世界就係咁
好多野佢地都只係睇表面
佢地唔會理同唔想知背後既野
讀書同工佢都遇過依d事
wadiu 見到朗豪坊今日發生既事
真係有D心寒 本身今日有諗過出去旺角 極大機會去朗豪坊
人就係咁脆弱 隨時唔知下一秒發生D咩意外
果時我仲係朗豪坊附近
人既關係又係咁脆弱,好多時話活在當下
但又點會做到先得 現實咁多顧慮
2017過左3個幾月已經好多後生仔女過身
唔知今年發生咩事
自己好感觸 因為思考到人生存既意義... 突然覺得都冇乜野好寄望
人生存既意義真係人生好大既一個課題
我通常會愈諗愈灰,好記得有次同依家最fd果堆,
係天台通宵望住個天空一齊傾依個問題,
果次係唯一一次好多人一齊傾,
個感覺真係到依家都仲記得。
可能就係因為咁做左老死
其實我間唔中都會諗依個問題,
但我都無咩頭緒,可能愈大改變得愈多先會慢慢有答案