你講得出知道自己只係唔想面對, 證明你已經面對緊, 係好事黎
祝你早日振作
同埋出去玩唔好再開口埋口提住呢件事喇, 就算自制唔到, 諗起都唔緊要, 但要記住只可以諗起, 唔係"一直諗", 係街大把野可以即刻分散你注意力啦係咪
呢個階段係辛苦d, 但唔好覺得自己點解仲要"諗起"咁冇用之類
你可以由自己繼續成個腦都係呢件事, 但唔好淪陷落去, 由佢係你腦海出現, 而由佢自然消失, 再由佢無啦啦又出現, 跟住佢又消失, 呢個loop終有一日會完, 只要你唔好係佢出現既時候唔放過自己一路延伸好多問題出黎比自己諗, 久而久之你會發覺佢出現既次數會愈黎愈少 呢個係人既on9自然法則黎 活在當下, 痛苦時痛苦, 有野分散注意力時就分散, 順其自然就係咁解
唔知你明唔明我講咩 但希望幫到你
我明呀,上次個女仔我都係用巴打既方法黎淡忘,
依家回頭諗只會覺得係一個遺憾。
所以我都有信心可以好返
好多野你咁比心機同我傾心情呀,有時人就係要搵唔熟唔識既人傾先講最真實同最中肯既意見
同埋果種心痛既感覺真係輕左好多,
好驚唔會在有心動既感覺
傻啦巴打, 除非你精神有問題變左冷血殺手或者你死左啦
心動就一定有 只要你係血肉之軀, 你想無都幾難
只係差在第時心動會唔會同宜家心動一樣姐 不過呢D後話啦
既然你都試過, 我都相信你實做到, 係志在肯唔肯做姐, 當一個問題擺係面前, 你開始面對佢, 其實過程好快就會完結 最緊要保持正面態度
BTW唔洗多謝 多謝你聽我講經就真啦
無錯,就係講心動既感覺,明明我係a0,但覺得已經對依種感覺愈黎愈淡咁。但心動既感覺愈少就代表心痛既程度愈輕
咁又唔好太快下判斷
你宜家呢種心動心痛係源自於一段又一段未促成既愛情姐
到真正拍拖, 又有另一番體驗
而且個人對重複無好結果既事愈黎愈看輕未尚唔係一件好事
我係到諗會唔會係自己既問題,
其實兩次都係中間好開心,
大家都入侵左大家,
今次直程係大家既生活都起左少少既變化,
但就係唔知點解無啦啦對我冷淡
其實兩個都係上網識既,
自問都全心全意去同佢地溝通相處,
就係唔知點解會搞成咁
唏, 世事無常呀巴打
我都試過明明前幾日仲好相愛, 好sweet, 突然間2日內冷淡到完全唔理唔應我, 跟住隔多一個禮拜就講分手添
做人就係咁, 朋友/愛情都會咁, 就算你自己正正常常, 對方挑起條筋對你淡就淡, 唔理就唔理
如果你自問, 唔係太chur太奇怪(同你講左咁多野都唔覺得你係), 就唔需要去諗係咪自己問題啦
只能說呢2個都未係能夠開發你初戀既有緣人姐
同埋想問你由識佢同宜家整個過程係幾耐到?
我份人好重情 我好珍惜人與人之間每一段既關係
我一月尾識佢,一開始我覺得無咩可能,
但傾耐左發現原來大家都好夾好相似,
佢地兩個都話我好熱情既,我都話我可以盡量講少d
但佢地話唔洗,話咁先傾到計。
其實我都係覆完就等佢地覆,只係可能打得比較長
可能就係因為咁講得快完得快啦
可能真係有緣無份啦
依個女仔既興趣性格係同我期望既好接近