無, 係覺得有時好多野都吃力不討好
好多人淨係會睇表面去判定晒你所做既一切
暗地裡付出幾多都係無咩用
講起呢個話題,我都有少少感想
雖然唔知巴打你係喺工作,友情定感情方面有呢種感覺
但人真係好表面
或者咁講,有好多暗地裡嘅嘢對方睇唔見
咪直接覺得你冇做
有時係身邊熟你了解你嘅人
都未必會知道你暗裡付出幾多
叉燒絲打你講得好好
其實我成日都有呢種感覺, 無論係邊一方面都會
因為我個人本身唔鍾意開口埋口提住自己做過D咩 為人地付出左D咩
所以無論係屋企, 做野定拍拖,
D人都會覺得我係一個可能有D自私或者本身性格就唔鍾意幫人既人
但我事實上自問對D應該要對佢好既人, 係都幾好下
不過算啦, 叫完春就無事
其實唔好話人地睇唔到我付出幾多
好坦白講有時侯自己都會犯呢個錯
巴打,有時人就係咁膚淺
亦唔難理解點解佢地會有咁嘅諗法
佢地感受唔到你嘅付出,又冇站係你角度去睇
咪覺得你自私
你覺得對佢地好,佢地又可能覺得呢種唔算係好
所以真係,自己付出嘅覺得合理同舒服就算
真理
唔知你地會唔會呢,
我成日會諗起以前ON99成個傻仔咁走去對人好
然後比人踐踏同浪費果下,
我就會覺得自己好肉酸
跟住每諗起一次我就提醒自己一次唔可以再犯相同既錯誤
久而久之變到對所有唔熟既人都比較冷漠
我都係,依家好唔甘心咁
但我就係唔想因為咁令到赤子之心消失
好難得巴打你仲KEEP到一副赤子之心
呢個世界就係太多人欠缺呢樣嘢
不過我都已經被改變到淨係對好親嘅人先會保持到呢種心 已經唔敢講一句我都個有赤子心嘅人
我好眼淺,好易比野感動到
但我個樣成日比人話cool,無人會覺得係咁感性
其實赤子之心係唔會消失,只係要自己慢慢感受同尋找返出黎
介紹巴打聽children song ,
我每次唔開心有困難都會聽
聽完都會安靜落黎
我本身都係好就得人,由細到大都係理人感受多過自己感受
可能咁依個心先無咁動搖
咦, 巴打有聽呢首歌?
因為周國腎好似係new age撚黎 所以呢首歌其實我之前有排都聽
係講內在小孩Inner Child
你講得岩, 赤子之心係唔會消失 不過係我已經覺得要好好保護呢樣野
唔可以再下下拎出黎對住人
我個樣唔知係咪生得衰, d人好聽d就話我cool, 唔好聽就話我天生西面咁