我未試過同朋友單獨去旅行
只係試過我+女朋友+兄弟同佢女友咁樣4條友去
結論係. 去旅行要同兄弟去既話就唔好帶女朋友,
相反要同女朋友去既話.. 就千奇唔好同兄弟條女一齊去
出左社會做野之後就發現其實好多時候放假都唔想出街
寧願哩係屋企HEA下休息下
更莫講話約FD去玩果D因為真係好攰
可以試下會好易講人生
巴打遇到咩事呀？講黎聽下
我都覺，我放假有時都想係屋企過
眾所周知....
同女朋友去旅行基本上都係去d佢想去既地方多架啦
但當一個trip入面有兩個呢個角色既時候
成個行程就GG了
其實我女友同兄弟女友本身都算係易話為既人黎既
但style方面就差得遠喇
兄弟女友就同我兄弟一樣係運動型d, 咩都玩, 陽光d咁, 唔太怕攰同埋食野最緊要大件夾抵食
我同我女友就宅到仆街 偽文青鍾意坐cafe行書店享受人生傾下哲理咁
緊係都鍾意食好西, 但唔一定要放題自助餐咁, 最緊要係質量
而兄弟果邊就想不如大家今次去盡佢, 比得錢搭飛機就應該去晒值得去既景點
chur d都無所謂
而我呢邊就主張嘆世界 該玩先玩 唔想去旅行仲攰過返工
結果就... 變左有幾日分開左黎行, 可能中間有d暗湧咁,
仲要每pair都各自鬧左1-2次交
好on9
好彩到最後返到黎都無傷大家感情, 4個都仲係好fd
呢d算唔算係經得起考驗既友情
嘩咁激，比我會係去遠/大家想去既地方先一齊
如果唔係分開玩都得
我同我fd 2個人去旅行都有2日係分開行
我地又無咩所謂，唔會限死一齊玩
咁巴打依次又真係經得起考驗
好難吵完仲咁fd
我地4個無互相嘈, 只係暗湧囉
係我兄弟同佢女友嘈, 我同我女友嘈咁姐
其實因為第1次去, 所以唔知道大家去旅行呢方面夾唔夾
有左第1次經驗之後下次就會小心d
我地4個想一齊去旅行都想左好耐下架喇 咁岩有機會咪狗衝囉
平時出街果d都夾既, 無諗過去旅行就咁, 可能因為旅行係持久戰, 時間耐就見真章
同埋果時大家岩岩出社會做野, 經濟都未算好穩定 所以有時候其實係為洗費而有唔同意見
宜家應該好好多架喇
我都覺得旅行既話中間分開玩一兩日無咩所謂 畢竟大家一定有唔同既地方想去
不過講起旅行呢樣野..宜家對我黎講真係遙不可及 唔知幾時先可以再去
咁都好彩唔係互罵
我都了解左好多人，但我都係就哂頂哂佢地d野
我地都會架
但我地都會就下大家，一餐平一餐貴咁
又會請下大家食
點用有排先去到呀，無哂假？
我sem break都去唔到旅行
但今個sem最需要反而無錢去
所以自從果次之後我都係慎選旅伴.. 唔好話FD, 同女朋友去都好易嘈交
巴打真男人可以就晒人地D野 我就未必一定得喇.. 如果有D野我真係好想做而佢唔想我會直接自己去玩
我無大假呀宜家, 而且無錢..WTF
可能要年尾/下年先有機會去到喇
巴打可以去個短遊, 叫埋幾個FD入長洲BBQ下食下野都唔係好貴我諗, $500內出返黎都得
大家珍惜出外既機會，自私d都岩既
咁我都有忍唔住既時候
我依家都煩緊grad trip ,要睇intern 有幾多人工先決定到去邊
巴打時間好快過，好快就有架啦，再唔係第一日假玩個短程trip
我有fd有多間屋可以上去玩，我地間唔中都會上去玩下
但我又真係好少去長洲，發覺香港好多地方都未去過
之前其他巴絲都有講過，真係好似發現新大陸咁
grad trip爽歪歪之前我grad因為無咩錢同無意欲, 所以無去過grad trip
有d同學去左韓國/日本/歐遊 勁爽皮
坦白講香港要平靚正咁玩夠本既地方可以話無
最多只可以玩一日
長洲如果唔係成班人bbq或者踩下單車咁其實幾個鐘就行晒
之前試過入南丫島.. 悶到練仙咁
諗住遲d搵日過大海走一轉, 但過大海住既話仲貴過去台灣3日2夜
所以都係即日來回算
我都勁後悔去住一晚，又無野玩
好掛住台灣
我已經去左大半個台灣
點解你起到身
各人喜好唔同