冇問題巴打係到嗎?![]()
有少少事想請教你![]()
是咁的, 尋晚有同佢一齊打下機
事後佢都有主動打電話俾我
雖然都係短時間傾咗兩句, 但氣氛都係好嘅
我都同自己講, 佢起碼都肯主動打俾我先
尋晚的確係諗少咗負面嘢
不過有一點我真係唔知點做
平時大家都有聯絡, 有傾電話
唯獨真係好少見面, 以往大多都係我約
有套戲我好想睇, 佢都知道嘅
今次真係想等佢主動約我一次
(我知咁諗係好白痴)
但頭先又諗, 如果佢真係冇約我
自己走去睇咗的話, 咁我又應該用咩心態去面對
![]()
想問你意思係 佢唔約你跟住佢自己去睇套戲?
定係你自己去睇唔等佢?
btw你咁諗唔白痴 正常都應該等下 比d耐性 或者咁講, 你個人平時識唔識撒下嬌? 如果識就易辦
意思係佢唔約我跟住佢自己去咗睇![]()
講真我都有諗住自己去睇就算
但如果我咁做佢又唔開心, 但佢又唔約我![]()
唔識撒下嬌呀我份人好男仔頭![]()
套戲未上之前都有嗲佢話要同佢睇
不過嗰陣未一齊, 唔知佢仲記唔記得嚕
但佢之前都有提過話記得我想睇呢套
睇黎你男朋友真係好被動果D人黎
想問佢做朋友果時係咪都係咁?
比你參考下~
之前我比女朋友成功收服同改變既原因都係因為佢時不時就撒下嬌, 有時真係會好爹
令到我決定要主動多D, 唔忍心要佢再做主動![]()
你可以試下呢招喎我覺得,
但前題係你本人接唔接受到自己時不時爹下佢/小鳥依人d架?
如果佢真係自己去左睇, 你就可以名正言順嬲佢啦![]()
到時你就半撒嬌半嬲咁同佢講返你唔開心同有d嬲, 因為佢明知你想睇呢套都唔約你仲要自己走去睇(當然語氣係爹爹地又嬲嬲地咁) 用下d"人地"之類既詞語
你地分分鐘可以好順利咁傾埋主動約人呢個問題![]()
換個角度 就算你自己去睇左, 都可以成功帶出到邊個主動約邊個既問題, 然後將佢解決
我認為超必係你嬲得黎要夠爹, 即係你嬲得黎似小朋友又得得意意咁果種呢, 千奇唔好用果種負面同怨氣既嬲,
咁男仔多數頂唔順同埋會聽得入耳好多
佢搵我同打俾我呢方面係好主動
基本上依家日日都係佢主動搵我同打電話俾我
偏偏佢就係宅本身都唔多出街嗰種
做朋友嗰陣其實都係差唔多
每次都係我話想某d戲, 佢話有興趣, 咁我就會問佢想幾時睇
佢都有約過我嘅, 一兩次囉, 但次次都係即興
當日問我食唔食lunch/夜晚咁
但做朋友我又唔會介意
因為佢唔睇我一樣可以自己睇![]()
小小嗲我可以, 但真係唔多識撒嬌![]()
之前算係試過嗲佢, 佢都好開心
但其實嗰陣我根本就係發緊細路仔脾氣![]()
暫時我又唔會自己去睇嘅
因為我知道佢嚟緊有機會會去, 所以等睇佢約唔約我
如果佢唔約自己走咗去睇, 我怕我會爆
![](https://cdn.lihkg.com/assets/faces/normal/sosad.gif)
我相信今次如果你肯換第2個方式去"投訴"下佢, 佢應該會再受落D
宅唔宅呢D...好死架姐, 本身我女朋友都宅到出汁
不過我宜家想去既地方佢都會主動提出陪我去
主要係因為兩個人出去拍拖佢都覺得開心過係屋企咁悶
佢自然都會出多D去
既然你男朋友比你爹一次都好開心, 咁你可以試下呢個攻勢, 應該會成功
應該話, 無咩男仔可以抵擋到自己鍾意既人爹自己
![](https://cdn.lihkg.com/assets/faces/normal/sosad.gif)