我睇到好心痛你
我係過來人,我都經歷過。
比自己盡情傷心同喊啦
我明白你一定好痛苦,咁係好正常架
因為咁樣代表你真真正正用心愛佢
你係一個好男仔,佢走寶了。
信我
過多一排你會發現你好傻
為左一個唔值得既人傷心難過
真正愛你既人係唔會比你有唔開心既機會架,知嗎?
佢同你講既分手理由都係藉口
真正既原因只有一個呀,就係佢唔愛你喇
既然佢都唔愛你...
你傷心,食唔落野訓唔著,你覺得佢會care咩?
呢段時間係好難挨架,但我希望你振作
多D見朋友,陪屋企人,因為佢地好愛錫你
做多D運動,學新野,將自己變成一個更好既人
以上分享既野我相信你都知架
但你一定要下定決心做,好嗎?
當時我逼自己見朋友,學新野,做gym,一路做一路喊
行返出黎唔容易,無人幫到你,只有你自己
我諗極都唔明點解自己專心一意對一個人會有咁既結果
喺我以為自己唔值得被愛既時候
我識到而家既另一半,佢好好,係我既soulmate
我剩係想話比你知
呢個世界好大,好多專一,唔想玩既好女仔
一次不忠,百次不用
無必要委屈自己,真正岩你既人等緊你架