(長文慎入）一齊七年 分手一個星期 每一刻都好難受

3個月前已經操緊，就係想做啲成績出黎

可唔可以落力啲鬧醒我

仲可以怪返你轉頭 cod

要掉同埋del 女人好撚絕情 所以對自己都要恨心
掉晒啲野佢 del晒啲相 刪埋啲聯絡資料

同埋同自己講 永遠無機會一齊翻
過去咗嘅野就算 唔好特登去聽情歌 睇愛情劇
因為任何呢啲野本質係極大刺激你情緒
一定要同自己講 我忘記到 唔係同自己講唔得

試多啲新野 識啲新朋友 用心投入落去做自己

利申：同你情況差唔多 四個月忘記咗佢 而且遇到另一個更好嘅人

我果時都係咁諗
但依啲野話黎就黎
我果時過多一個月已經識到第二個
不過都係覺得舊果個好啲

明白你
你係好男人 最後會遇到珍惜你果個啦
可以傷心一排 但喊完要快啲重新振作
記好 唔好攞一個人當係你全世界
咁做大家都辛苦
搵多啲興趣 好快就習慣啦

巴打你同我四年前既經歷好相似,我果陣有一個拍左拖八年既女朋友分開左,基本上同你而家諗緊既野有八成相似,失眠,厭食,行屍走肉,自殺,都試過喇.持續左差唔多成年,而家我已經搵到另一個愛既人喇,亦都去到談婚論嫁既階段喇,作為過來人希望比D經驗你可以令你捱過去.

時間係真係會沖淡一切,你要做既野就係令你捱得過呢段時間
,唔好抱太大期望佢會番黎,就算真係番黎,有呢條刺係到,你地都唔會過到一世,所以俾自己一個重新開始既機會吧啦.

你要盡量令自己多D野做,唔好得閒,同朋友出街又好,番工又好,讀書又好,學野又好,我果陣最怕就係自己一個人靜落黎果陣,你會不停咁向壞果方面諗,後悔自己一齊果陣無做好,後悔無把握最後既機會挽回,不停咁怪責自己,會諗如果死左就唔洗咁痛苦,好似訓著左咁咩都唔洗理,會咁諗係好正常.

只要你搵多D野去分散你既注意力,同朋友放下負,返工瘋狂做野,去做下運動發洩,用盡哂你所有能夠用既精力同時間,令自己好攰好攰,一唔開心諗衰野,就訓覺,唔好比自己有時間獨處,當隨住時間慢慢過去,你都仲會傷心會痛,但起碼你唔會咁想死,捱過左頭兩三個月,之後就會變得容易好多,傷心可以,頹廢可以,但起碼你知道自己仲有生存意義,仲有好多人關心你,好多人會因為你死左而好痛心,點解果陣無開解你,你幻想下你身邊既人因為你既離去會有幾傷心,自殺唔係將痛苦消除,只係將痛苦轉嫁去其他愛你既人既身上.

你係有一個責任心既男人就唔應該將呢種痛苦轉移去其他人身上,咬緊牙關捱過去就可能有第二條路俾你行,人有三衰六旺,你捱夠衰野,慢慢就會有好事黎搵你.人都係要仆過街先會成長,今次就係你成長既機會,所以傷心要發洩出黎,可以喊,可以發癲,留番條命,之後會有更加美好既野等緊你.
囡囡仲有好多,愛你既人都有好多,唔好令佢地因為你而後悔一世,揹住對你既內疚過一世.過幾年,你就會覺得而家既事唔值得你要去死.
所以,加油吧

好愛好愛 多謝你絲打

真係好中

巴打沉澱左幾耐先識到而家既女朋友？

你個名 佢前日係ig post 過

我依一刻仲未做到，真係唔捨得，希望我可以做到

多謝同恭喜你巴打

我好明白你既感受 因為我岩岩先放底完 分手個陣就好似中左無限月讀咁 再福爾摩斯上身 日日估佢講既野做既野背後既意思 但信我 當你放底左既時候回想返而家 你會覺得你好傻做咩搞到自己咁。而家講所有道理都無用 人人都識 但做唔到。所以要靠自己

希望你既第二個可以令你放低

知道 多謝你巴打

多謝你巴打，你講既野同我一位朋友講既都差唔多
我都明白，都希望自己可以做到，好感激你咁有心機打咁長去開解我

我明好難走出嚟 但我知你得嘅
加油啊

過來人完全明白，所以我話你聽












呢啲仆街女仔有得第一次就有第二次，唔好再花時間係佢身上

扑左7年 算把啦

你兄弟算係咁

係呀巴打中左無限月讀咁

我近期都分左手 但冇你拍得咁耐

明白巴打呢一刻可能真係好傷心 好心痛

世界好大 嘗試圍番住自己而轉先 做自己鐘意做既野

約朋友飲野又好 瘋狂番工做運動又好

總之唔好比自己有較多既獨處時間

如果唔係會好容易亂諗野 之後又喊又會叫春

時間係最好既沖淡方法 千其唔好諗住挽回

佢係唔會睇到你自己有幾慘 世界上係唔會有報應

唔好比佢搞到自己咁頹廢 一齊move on 啦巴打

多謝你巴打

到依一刻我都唔相信佢會咁做，佢以前唔係咁

因為實在太似以前既我
加油捱過去啦