《香港傭兵》(34)

上回講到飛揚見此地不宜久留...就拔足狂奔！
遠離建築物！望住山邊跑！
雖然啲途人都仲未知發生咩事...之但係見飛揚跑得咁快，都覺得驚訝！
飛揚跑到入樹林...跑到上山腳...喺幾棵大樹之間回望...應該夠遠...
附近都係得360姐...應該發現唔到飛揚嘅...
飛揚就拎部電話出嚟睇睇...有冇頭先嘅消息...
一睇...唔止有...仲有好多...
喺咁短時間內...仲要有勁多片Upload咗上網！
飛揚就撳段片睇睇...真係又清又楚！仲要一啲手震都冇！堅過拍電影！
完完全全清清楚楚拍低飛揚最型嘅一幕！
仲唔夠型吖？拍到咁鬼清楚仔細...真係型過龍喇...
點算...拍得咁清楚...飛揚而家就咁走返過去，實俾人認出啦...
淨係單單呢段片，都已經有五百幾萬個Views喇...
飛揚唔知而家香港有幾多人啦...最少都有過半香港人睇咗呢段片啦...
個View數仲要急速增加添吖...
唔止吖...仲要勁多留言吖...
啲留言講乜？
“嘩！係唔係真㗎？拍戲咋嘛？”...“嘩！香港都有咁大製作？”...“屌你堅㗎！有冇睇新聞㗎？”...“嘩！咩人嚟㗎？！”...“嗰把係唔係激光劍嚟㗎？！”...“Star War吖？Jedi？”...“把激光劍好似武士刀咁㗎喎！點會係Jedi吖？”...“好撚型棍呀屌你！”...
今次真係麻煩...
跟住既劇情發展又會係點呢？



準備出文