《香港傭兵》(34)

「嘩～真係有好多貓貓吖～」羅羅指住遠處...十幾隻貓貓喺雜物同草地上休息。

『哦？係吖～大澳出名多貓貓㗎～』係估唔到過咗咁多年仲係貓貓嘅天堂～

「過去睇～過去睇～」羅羅好雀躍咁拉住我過去～

但都未行夠四五步，啲貓貓就察覺到我哋正要靠近！有幾隻立即走佬！

羅羅再放輕腳步咁行近...行近嗰幾隻向我哋提高戒備嘅貓貓...

『睇嚟你真係好鍾意貓貓喎～不過啲貓貓好怕你咁喎～』睇嚟真係唔係人人都可以討貓貓喜愛～

「嘿嘿...今次我早有準備...」羅羅喺褸袋拎咗一大包...

『乾糧？』我望住羅羅喺膠袋裡面拎咗啲乾糧出嚟，離遠拋向貓貓面前。

幾粒幾粒...又幾粒幾粒咁散晒啲貓貓面前...

貓貓都提高警覺...但又八八卦卦咁望望...又聞聞散喺地上嘅乾糧...

羅羅再散多幾粒之後，有隻黃色貓貓就大膽啲...走上前...靠近聞一聞...再用條脷舐一舐...細細啖...細細啖咁食入口...

食多幾啖...又食多幾粒...隻黃色貓貓就開始放心咁食...

其他貓貓見隻黃色貓貓食到津津樂道咁，又八八卦卦咁望望...又聞聞散喺地上嘅乾糧...再用條脷舐一舐...細細啖...細細啖咁食入口...

「嘿嘿...」羅羅再一邊拋幾粒乾糧...又再拋多幾粒乾糧...一邊靠近啲貓貓...

啲貓貓一見羅羅靠近中，又提高警覺！

羅羅見啲貓貓仲係有戒備，就停下腳步...繼續拋多幾粒乾糧喺自己面前...

貓貓見面前啲乾糧都差唔多食晒...就小心翼翼咁向住羅羅腳邊行過去...

一隻又一隻貓貓都好小心謹慎咁...一邊食住地上嘅乾糧...一邊靠近羅羅...

羅羅都唔心急...慢慢咁圍住自己身邊...灑啲乾糧...

啲貓貓見羅羅俾食物佢哋，都開始放下戒心，圍住羅羅身邊食乾糧。

羅羅都踎一踎低，放啲乾糧喺手掌之中...

隻黃色貓貓又八八卦卦咁...望一望...又舐一舐羅羅掌心之中嘅乾糧...細細啖食...細細啖食...

羅羅再餵多兩啖...就輕輕咁摸一摸隻黃色貓貓背脊...

黃色貓貓就邊食羅羅掌心之中嘅乾糧...邊被羅羅摸摸...

『原來係用食物嚟成功誘騙貓貓～』我就唔敢行近喇～都係企喺原位，離遠咁望好啲～

羅羅咁用心良苦先令啲貓貓放下戒心～埋到貓貓身～無謂俾我破壞啦～

「你又唔好講到我咁衰～各取所需姐～」羅羅繼續一邊餵貓貓食乾糧～一邊摸啲貓貓～

『之不過...你咁做唔係咁好㗎～會傷害到佢哋～啲貓貓對人類放下戒心，萬一遇到對佢哋不利嘅壞人，會死得好慘㗎～』我都唔係講笑...係好認真...

好多時啲虐貓案都係...

係啲貓貓俾人餵得多...對人類冇晒戒心...以為個個人類都咁好人...

只要遇上一次壞人...貓生就完了...

「你又知佢哋會遇上壞人？話唔定佢哋一生都遇到好人呢～」羅羅帶住一面天真咁餵啲貓貓～

『哈哈～天真～』天...真？

講咗出口先覺得唔多對路...

羅羅一啲都唔天真...

「有陣時都唔諗得咁多㗎啦～我而家唔餵嘢俾佢哋食吖，話唔等一陣佢哋肚仔餓，食錯老鼠藥瓜埋呢？嗱～咁我就救咗佢哋一命啦～」羅羅好開心咁繼續邊餵啲貓貓，邊摸摸貓貓～

又好似...講得幾有道理喎...

「再唔係吖～我而家餵飽晒佢哋～等陣真係有個立心不良嘅人出現，啲貓貓隻隻都飽飽唔Show佢呢～嗱～咁我又救咗佢哋一命啦～」啲貓貓走晒埋去羅羅身邊，隻隻都等佢餵～等俾佢摸摸～

又好似...好有道理咁喎...

今晚出完

三句預告

望住啲貓貓翻晒肚咁討羅羅摸摸...

或者羅羅都講得啱嘅...

有時真係...都唔可以諗咁多...

硬係覺得羅羅無咁好心 一定係利用D貓做D野
定係羅羅諗住拖時間 跟住殺咗搵到精神液嘅行者呢

可能只係想同貓貓玩 但又唔甘心啲貓貓唔鍾意自己 好勝心之下就諗到呢個方法
其實都係想同飛揚一齊耐啲姐

我以為羅羅想毒死d貓貓

羅羅邊係咁殘忍

羅羅攞啲貓嚟洗白咋

前幾日先斬斷綽姿對手 上個禮拜先用完人盾

然後飛揚就中晒計

綽姿要反擊喇

綽姿懶得理

早

早

早

早

風鈴早

妹妹仔早

報報早

咩咕咪早

power off早