《香港傭兵》(34)

上回講到飛揚同羅羅好幸福咁歎咖啡甜品～
飛揚真係好天真咁覺得呢邊算唔錯～起碼少咗份戰爭感～
羅羅就叫飛揚睇吓下面嗰層～
下面嗰層？
原來咁啱發生械劫案！
有幾個警察同匪徒駁火！
羅羅話有人嘅地方就有鬥爭...
飛揚見到有個匪徒挾持個小妹妹...佢老豆仲跪求匪徒放過佢個囡...
呢個時候，飛揚就想精神化...救個小妹妹...
羅羅就叫飛揚諗清楚...要為一個冇關嘅人浪費寶貴嘅精神液...而且咁多人睇住...會好麻煩...
『你都曾經俾SPIRIT嘅人救過。』飛揚立即左手伸入褸袋，用力一捏支Level 1精神液！
飛揚一精神化就飛落去解決匪徒！救返小妹妹！
唔算太過乾脆...但總算俐落...
飛揚揭返開件長袍...望望仲喊到梨花帶雨咁嘅小妹妹：『冇事喇～小妹妹～冇事喇～』
「嗚嗚...嗚嗚嗚...」小妹妹仲係驚魂未定...
而仲跪喺地上嘅男人，就呆晒咁望住飛揚...
飛揚就將小妹妹交返俾個男人...
「多謝...多謝你...多謝你救返我個囡...」個男人攬實小妹妹跪拜飛揚...
「嘩嘩！咩人嚟㗎？」
「嘩嘩！見唔見到呀？」
「嘩嘩！頭先佢吖...好似...」
飛揚抬頭望望各樓層...個個戰地記者都望住佢...用手機對住佢...
唔得喇...此地不宜久留喇...
跟住既劇情發展又會係點呢？



準備出文