上回講到飛揚柒撚蒙蒙咁行入間乾貨店...SPIRIT嘅商店...
俾地中海老闆串佢新嚟~
出面咪有晒暗號囉!咁都睇唔明!仲唔係新嚟?!
飛揚見一場嚟到都打聽多啲~但地中海老闆就趕飛揚走~
問問問咁鬼多問題問...
飛揚出返去,就鬼鬼祟祟咁閃埋一邊又鬼鬼祟祟咁偷望...
真係有唔少人行過...見到條打咗紅色交叉嘅鹹魚就離開喎...
咁講法...真係有唔少行者走入嚟搵精神液...
咁多人...呢度都係冇...
突然!
「喂~」背後傳嚟嬌俏嘅女仔聲!
飛揚嚇咗一大嚇!立即回頭一望!就望到...羅羅帶住微笑企正喺身後!
原來羅羅都係嚟搵精神液。
睇嚟真係大缺貨...早知就唔賣嗰兩支精神液俾飛揚同綽姿啦!
飛揚想還返支精神液俾羅羅~但羅羅就唔使咁麻煩啦~
「嗱~你今日就陪我一齊去搵精神液~」羅羅雙手箍住飛揚條頸...
今日飛揚陪羅羅一齊...搵精神液...
「反正你都要去搵~」羅羅越箍越埋...塊可愛面蛋就越貼越近...
反正飛揚都...要去搵...
「有我陪你一齊搵...有你著數啦~」羅羅塊可愛面蛋貼到埋一埋...差少少就嘴掂嘴...
真係...咁著數?
跟住既劇情發展又會係點呢?
準備出文