[耳機撚]召集大耳牛、枱式耳機系統用家(7)

最搞笑係，今次有Utopia同Stellia同場同gear咁比，我聽完之後都係有啲想買Utopia

唔奇呀，close back 同open back好唔同
聽講focal部amp唔掂，一陣試下先
巴打覺得部amp點？

我覺得，你要一部有基本功能又唔會出惡聲嘅DAC Amp嘅話呢部嘢好稱職

問題係佢唔抵
呢部Arche嘅價錢應該係RME ADI-2 DAC嘅至少兩倍
我唔會制

琴日好慶幸可以約到我係打手巴，仲帶埋好多gear 比我試好多都係出面試唔到例如kingsound 靜電 同 closed back sr003. 然後我又攞自己野黎互相切搓

sr003, D10 同closed back 殼三樣野都好有個性但係配起上黎好夾。sr003 本身動態唔大，聲音偏暗，只適合聽啲小品音樂，但D10本身會令靜電動圈化，加高頻同拉大動態，根據其他closed back 耳機經驗個殼都有利高頻更突出，低頻impact 更強。 各種特性互相中和。我一直相信好聽嘅setup 需要器材特性陰陽調和，例如呢套就係最佳例子。

展入面hi-end 耳機器材唔小，但遺憾無啲比較exotic 嘅耳機例如raal sr1a, mysphere 果類。 我係打手巴都講左唔少，我就喺度補充小小。

ATH 出左隻新櫻花木耳機同埋黑壇木耳機。 前者好過後者好多，黑色果隻音色好塑料化，紅色果隻人聲自然好多，無左我以前對木殼ath 嘅固有印象，音色扭曲嘅感覺。但係紅色果隻啲背景器樂表現得唔係太好，分離度差，縮埋一舊咁，整個畫面有啲窄。隔離隻L5000就聲場，動態，分離度都出返黎，一啲背景樂器都有仔細嘅描繪，有立體感，但係L 5000 令所有野都好crispy好脆，無厚度，而且當時聽到有首歌有double bass, 但係音色變左拉枱ek ek 聲咁，無左個bass,令我對佢印像扣分。

其實鐵三角又名家具廠，我覺得佢嘅市場定位令到佢自己嘅產品咩音質都冇乜所謂，但係今次新產品真係好核突新耳機尤其加埋佢部新amp 都好似圖書館set up 咁，外觀同w2002,5000比差幾級，頭梁色，木殼色又太啞，部amp 就真係跟住圖書館amp 個思路去設計，令到貴野唔似貴野，無購買意欲。

之後又聽左viva 嘅 845 動圈放同新嘅 stx 300b 靜電amp. 我諗845配lcd4 係展方考慮過先咁搭因為845真係洗走左平板果種音染，音色變返中正，好神奇。部靜電amp 一樣，009s 比人印象都係典型stax 調音，音色柔和，細膩。但係stx amp 將呢啲野一下子就抹走晒，高頻更突出，通透，動態都高左一級（同我印像中嘅he90有啲似，但我對大奧印像有啲蒙糊，有待驗證）可以話stx 令 009s 脫胎換骨，但係咪真係提升就見仁見智，睇下你中意咩聲，通透同時都可以等於薄同乾。但價錢就。。。可以話viva 嘅機器好有個性

empryrean 之前一直想聽而家終於聽到。好嘅係佢音色好好聽，好討好，唔厚唔薄，低頻適量，hit 中左sweet spot . 我印像中嘅平板音染佢係最自然。但係遺憾嘅係佢都係似一隻中低階耳機。聲場，動態唔大，分離度都麻麻，無hi-end耳機果種奔放嘅感覺，恨鐵不成鋼

最後再提埋kennerton 嘅 odin, 聽歌好似變左 聽mono 咁 聲場好窄，隻野除左部分曲目人聲討好同低頻有質有量，其他嘅aspect 都係缺點。

同埋 d8000 pro ,當時接ak 果部新player 特別大部果部， 感覺其實唔錯，人聲有啲潤同甜，但我上網問返人佢地話差過d8000 , 話佢唔得。 我都開始質疑返琴日自己有無真係聽真隻耳機，有巴打試過嘅可唔可以指點下我迷津

我都聽左focal amp 配 utopia, 真係唔錯，utopia高中低頻都好誇張，突出。密度通透度兼備好難得，好爽好正。但係唯一缺點係所有野太突出所以有壓迫感，聲場又偏細，如果utopia 聲場大啲隻野就完美。

你問我要喺展到買隻耳機走做戰利品我會簡utopia,其次009s ,其他唔諗

我諗我都係等幾個鐘再出讀後感

負評嘅可唔可以入黎講下點解

Utopia?

個盒好似幾大
綁晒繩似重野
amp 黎？arche?

aune有無嗰隻B1S portable amp

AV Show day 2

終於返到屋企
今日好多意外
第一次一日行唔曬

見琴吹七瀨講Focal，一人場就去試
本來想用pico power推utopia，不過比個職員勸阻，話枱機先武得掂。見佢咁誠懇好言相勸，我唔會令佢難做。
Focal utopia夾arcam正如之前兩位巴打講，而且音場窄,高頻有少少尖。低頻量多打擊重而且結象大，不過唔會搶focus，可以用澎湃形容，幾特別
Stellia比較好聽。我鍾意佢比utopia闊而有utopia個聲。如果高頻冇咁尖就仲好
不過兩對focal對我而言d聲太冲，唔聽得耐

之後去咗鐵三角再會ATH-AWKT（黑壇木個對）。同相熟職員feed back返之後，佢幫AWKT做消磁，消完磁之後d聲正常返曬。同ATH-AWAS比，AWKT調音偏向平衡，而AWAS音染多d不過做到一種「味道」。
ATH-ESW990H有種暖厚，高頻又冇鐵三角個硬同尖，bass impact唔錯，有力清楚，其實幾好聽。缺點係所有野結象大而且音場窄，高頻控制差d,間中有d爆
ATH-MSR7b中中正正，分析力唔錯，唔太尖同硬，整體平衡，抵玩
不過我鍾意esw990h多d

轉去玩beyerdynamic
Amiron home 250ohm 人聲清可惜唔夠順，不過聲場表現夠空曠
dt1990 250ohm比Amiron home高頻凸出，低頻收少少。冇Amiron home咁空曠
T1 2gen 又係有d似1990，不過比較刺激，而且有少少Amiron個空曠
beyerdynamic d野好似好啱夾BCL

第緊第二個friend個時手癢去ECT玩野，膽粗粗問個職員可唔可以用部Burson試D8000 pro，點知另一個職員好高興咁幫手駁好（原本駁緊Kann cube）。個人覺得同上次PAF試D8000又係夾Burson差別唔大，仍然有d尖。
個friend到咗又係毒人玩靜電嘅時間，帶佢地試SR009s + T8000，借機插隻KS-H4去玩下
T8000真係好野，乜都得咁，推KS-H4好過D10（不過KS-H4聲底都係咁，唔會變Stax聲）
係咪即係我要諗多步？

等friend走曬，係收場個時去試Aune，不過唔想阻人收工所以試得好短
佢用HD650 + X1s做 demo，果然係幾好，冇怪聲
之後我試 S6 + S7 pro + HD700，雖然係音染大，但係都係好聽（音染呢個就夾人）
問過職員，香港其實有Aune demo

可以試下用部Burson推
我反而冇試用Kann Cube，一黎就試Burson

真心覺得今次音響展真係冇乜新嘢
原本我喺十二點幾入場都見到無乜人流，點知過到三點就再開始多返啲人

今次其實都係趁呢個機會去試齊Stellia、Utopia同埋Empyrean，但係嗰度應該唔係好方便到帶Desktop Gear去試嘅人，即係我
之前喺DMA個位度試Arche夾Stellia同Utopia，Utopia係AK player經同軸出Arche，Stellia就係iMac USB直出Arche。
好彩嘅係兩者嘅表現都唔錯，Utopia強調速度而Stellia著重稍暖聲底同包圍感。但係Arche嘅價錢真係唔知點置評好，大概係賣設計同品牌掛。
之後係去Soundwave度聽Empyrean，但係好老實，無論係用Re-Leaf推定係佢用Mytek Brooklyn推都冇撩起我特別想買嘅慾望。反而喺嗰度嘅Magnat RV4搭Ether 2嘅組合我更加覺得仲吸引人，話晒係退休人士夢寐以求嘅暖而穩重聲底。
當然一場嚟到灣仔冇理由唔試真啲，我離開咗一陣去咗電腦城度試清楚嗰三隻耳牛。

事先聲明，以下聽感係電腦經RME ADI-2 DAC直出headphone嘅結果，不喜者請止步。

首先試咗Stellia先。
因為喺展場度都試過打上花火，所以我都可以攞返首歌出嚟就比較。ADI-2之下，打上花火嘅click聲冇Arche之下嘅咁突兀，而且後段啦啦啦聲烘托出嚟嘅包圍感猶有勝之。而nomico嘅μοναξιά更加能夠體驗到歌手本人嘅甜女聲、背景bass嘅速度同實淨感覺。但係再試西川貴教嘅Roll The Dice同Poets of the Fall嘅Sweet Escape就可以感覺到個音場好細同侷促。

一悶之下我決定轉Utopia去試，突然之間覺得所有嘅清楚啲又開揚啲。打上花火嘅click聲更清脆而音場無咁凝聚稍為放鬆；nomico嘅μοναξιά電音更有節奏有速度；西川貴教嘅Roll The Dice冇咁侷促而bass有實淨；Poets of the Fall嘅Sweet Escape更令人放鬆更有氣氛。更重要嘅係，多得我試嗰陣舖頭多咗客人同周圍人吹水，我原來完全唔介意外界噪音干擾我聆聽，反正我可以從Utopia聽到我要聽嘅細節，我本身亦習慣咗喺外界噪音之下聽headphone。跟住落嚟我就冇點認真再同Stellia比較啦，反正我真係喺屋企聽headphone都唔會點理噪音。

聽到咁上下我都係去Let’s Go聽Empyrean。其實除咗我要再扭大聲少少外同Utopia差唔遠。但係試落去，Empyrean側重三頻銜接順暢同埋低音份量稍為更重。真係要挑埋骨頭嘅話，我戴Empyrean係比戴Utopia/Stellia係更方便嘅，因為Empyrean我可以照頭笠就fit，但係Focal我係要校好頭樑兩邊嘅長度先得；Utopia比Stellia舒服，因為Utopia對耳棉係透氣羊皮包記憶棉，夠挺又夠舒服；Stellia係全皮cushion記憶棉，貼身得嚟好「臘」會唔舒服；但係應該唔會舒服得過天鵝絨Empyrean掛？可惜Let’s Go當時冇。

點知我睇到明太子個post就有種「一言驚醒洛克人」嘅感覺：我好似冇點留意到分離度同音場呢樣嘢。我渣渣林攞幾隻Ace Combat嘅soundtrack同Trondheimsolistene嘅Divertimenti專輯出嚟。結果呢：The Unsung War就好似只係兩塊發音板喺兩隻耳出聲咁，你摸唔到個音場嘅規模；Divertimenti第一首頭一段就感覺唔到係喺演奏廳收音咁，反而似係間細房仔收音。反而，我再返去聽返Utopia，兩首曲都有個闊番嘅音場，比Empyrean開揚咗。

咁樣來來回回嘅比較之下，我最尾都係


今次呢三對headphone試嚟試去，其實我都覺得有啲無謂，因為三者之間質素其實相差好細，反而真係睇吓你咁樣雞蛋裏挑骨頭你挑到啲乜，而你又搵唔搵到你想要乜。Budget並非無限嘅我，就唯有精挑細揀三選一，可以嘅話都想要埋Empyrean。但係又睇返轉頭，淨係三選一選到Utopia我又唔會後悔，因為Utopia畀到我細節、速度同清脆，其實係我想要嘅嘢嚟。

之但係，新買返嚟可能需要煲完一輪先能夠輪到我畀返個評價佢：
第一：音場比鋪頭同會場show出嚟嘅細
第二：低音有啲濁，可能鈹振膜要時間開聲
希望開聲時間真係唔好太耐。

kennerton
巴打感覺同我上次試都係差唔多

唔覺有，好似全部枱機

至於你問我，你嚟到音響展，唔係淨係喺三對headphone打轉下話？其實唔係淨係得咁多嘅：

之前我咪講到Magnat RV4搭Ether 2嘅？嗰套組合其實駁咗部黑膠機。我唔聽黑膠㗎，淨係覺得啲炒豆聲好打耳咋。但係部膽綜擴RV4本身配Ether 2就唔同講法：膽嘅暖聲同MrSpeakers嘅暖聲相加，出嚟嘅聲真係好暖好舒服。我只係攞部Xperia開藍牙做source，話之你聽rock定係ACG女聲都係出奇地舒服。係，膽聲即係失真多，MrSpeakers係美國暖聲粗聲代表，但係兩隻相配你係冇動力去挑剔啲乜㗎，你係會頓時變成退休阿伯咁攤喺凳度嘆世界㗎。我唔識點再分析啦，有時間嘅話不如去親身試下啦。

一開場嚟到ECT個位，我先用手上嘅iFi xDSD試咗D8000 Pro嘅。聲係清脆嘅，有充足嘅細節。之但係D8000開價HKD26800，呢隻Pro Version我估應該唔平得去邊。如果你係Final Audio死忠，或者Utopia定Empyrean對你都係水土不服嘅就考慮下啦。如果唔係，你都係忘記成個D8000系列啦，佢哋唔值呢個價。

臨完場之前我去買Utopia，但係買之前我留意到Rupert Neve Designs有新嘢出：
https://fidelice.com
細部嘅大約1000美金，大嘅DAC連headamp可能要5000美金，其實都估到係針對Hifi市場嘅貴價嘢嚟。但係好特別，個睇鋪嘅西裝鬼佬準備咗條USB C type線我駁部大機，我就恭敬不如從命。首先係大機底下嘅DT770。嘩屌你，啲聲好夠中氣好大力呀，細節位谷晒出嚟呀。我當堂真係嚇一跳，然後喺笑唔出嘅情況之下，試埋大機經RCA去細機之下嘅平板耳機（好似係Alexander Rosson嘅Rosson Audio Design嘅處女作）：嘩屌你，啲聲好夠中氣好大力呀，細節位谷晒出嚟呀。
Sorry，我真係分唔到呢兩隻耳機本身有乜分別啦，因為兩者啲聲都係好似個slogan咁講：Power and Clarity。我諗呢條叫Fidelice嘅product line，一定會好吸引信奉大力出奇蹟嘅人。部DAC同埋細headamp嘅規格聽落好吸引，不如拭目以待？


以下都係啲無關痛癢嘅嘢，請睇完就算，博到閣下一笑更好：

唔好意思 阻到你睇post
聽日去深水埗嘅入一入嚟

「 真 係 好 撚 想 同 你 哋 割 蓆 」
https://lih.kg/1438541
- 分享自 LIHKG 討論區

幫推

但係Arche嘅價錢真係唔知點置評好，大概係賣設計同品牌掛。

呢句好正
Utopia的確係戴得舒服d

巴打有冇試過Empyrean換天鵝絨 pad？即時唔同曬
好認同巴打睇法，去到呢d價位，一係差別好細，唔值得費心機比較，一係就係所謂深坑，玩唔起
有時都會覺得比呢比去不如set定一個目標然後玩好佢

BTW, ADI-2 DAC推Utopia會唔會尖聲？

Empyrean換天鵝絨pad好似係喺Soundwave度試過，但係因為係喺Soundwave度試所以冇印象，反正都唔係我聽開嘅歌同setup，嗰度嘅Empyrean嘅表現又吸引唔到我，didn't care
ADI-2 DAC推Utopia又唔會尖聲，so far好舒服，只係要完全burn-in又好自己對耳要真正熟習套聲又好都要一段時間

等巴打follow up report