『薪火Post』BNO續期資訊(49) 我要攬炒 之 五大訴求 缺一不可

BNO係香港冇領事保護email比佢有乜用

好，我嘗試打篇長嘅，等大家多啲信心去申請續證。

我同家人同時申請，同一信封一齊掛號寄去，用咗$56.8寄空郵掛號，我唔會寄什麼速遞，係因為除咗本護照外，其他全部係無用嘅副本，地址證明雖然正本，但都係無用嘅，所以就算寄失都係護照啫，最多咪報失多啲功夫做其他要求，我唔怕！另外如果今次唔係同家人一齊寄，我一定空郵就算，實際上其他屋企人幾年前亦係空郵寄，承受到嘅係唔需要俾幾百送過去，咁要俾正本嘅，風險唔同自行計算了，我係要俾大家明白平有平做嘅方法。地址我我家人嘅，一個A4雞皮信封，內加一膠file，每本護照夾返對應文件，釘都無落，封口寄出。

3/8星期六下午寄，我都估唔係工作日，所以唔會即日處理到，不要最終7/8星期三先可以上機，估計星期一罷工有啲影響，英國8/8星期四朝到，9/8星期五派件由andy簽收。HMPO終於12/8話收到，之後如圖，估計同一人批晒兩本，因為相差時間只係一分鐘左右。留意成個郵寄時間係比正常慢，但亦符合承諾，心急嘅咪俾多幾百嘅方法，記住國籍係你就係你，唔會走咗去，急亦急唔嚟，尤其是報失嘅有機會喺英國擺幾個星期，自己急都急唔嚟。

文件方面
我：
BNO
身分證及特衰副本
地址證明係某專業學會考試證，內有英文姓名地址

我係有續開嘅，所以護照年頭到期，十年前係去領事館續，當時包括加英文名，嗰時唔使咩證明，只係即場解釋。文件全部影相彩印！唔需要去俾錢影印，每頁A4紙上下兩幅圖片，雙面印刷！無錯所有副查就係咁diy出嚟。不過我係雷射印刷，所以文件唔會透底，用噴墨嘅留意返用紙，相信唔透底影響唔到影像就可以，我估佢哋都會掃描副本，有特別嘅先留底如解釋信。相方面，用掃描相片apps掃實相，張相係特衰規格，原底係白色，不過掃描後就灰灰哋，上載一次成功。無錯，其實除咗自拍，你用方法去掃描好拍照好，成為一個可接受嘅檔案，上載咗佢會幫你裁返合格，所以又唔使幫襯相舖又慳一筆。我估計自己應該快批嘅，因為係生物特徵版本，一指一對，所有資料齊晒，完全無難度。

我家人：
BNO
身分證及特衰副本
地址證明係另一專業學會通知信，內有英文姓名地址
出世紙副本
解釋信一封，簡單解釋點解無父母出生證明同結婚證書
副署文件，由BC專業朋友簽

我家人得本97年前簽發BNO，過期太耐，要副署就一定，我幫佢時先試揀唔係others簽發，發覺無查三代，所以應該唔使再交其他文件！不過我都係返轉頭如實揀others，咁入過嘅唔使再入，咪要入返餘兩代父母系資料，解釋有部分資料唔知，盡量入得幾多得幾多。之後就會要求父母出生證明同結婚證明，自己出世紙喇。咁唔想交咁多，唔揀others係咪好方法？我只能講風險自己衡量，佢哋覺得唔夠會要求補交，可能要補更多證據，成件事會拖長咗，搏唔搏自己諗。所有文件一樣雙面印，出世紙底面都印，我留意到底頁有兩個印，一個11一個18歲時造身分證嘅記錄，一個有括號，一個無括號號碼（嘩爆咗年齡秘密），咁我哋一輩人係咁，張出世係手寫皇冠頭。所有文件全部有寫申請編號。相係手機拍，但背景唔夠滑，決定做白色退底，執好晒上載一次成功。交好晒就搵朋友印副署簽名，有寫解釋信解釋點解有啲文件交唔到，簡單就得。佢個case係好多有護照在手嘅人嘅樣板，文件交到就交，全部自行彩色雙面印刷副本，影像係手機影，包括自己相，證明文件內容等，交唔到就解釋信。我認同一樣嘢，有舊bno在手一定無得輸，但亦唔代表無就輸一半，記住曾經擁有過嘅都一定唔會輸，只不過做多啲功夫啫，千萬唔好怕煩。

我呢度做咗幾件事，希望有啲巴絲手頭緊，可以用最平嘅方法續證，文件越少紙越好，所有文件要清晰，環保又慳錢，郵費都係計重量嘅，掛號係一個相對平宜做法，俾你睇住郵寄過程，當然要有失件準備。交正本定副本，老實講唔見張皇冠頭，自己心痛，人哋嘅唔見咗你交個頭都唔惦！有錢嘅做法，一定去申請多一張副本。相，當今手機咁勁，唔好浪費佢，無論自拍掃描都係好拍擋，當然做埋文件都得添，咁去相舖影，影幅滿意連回鄉卡都保證合格，呢樣係取捨嚟。最後搵朋友副署，要搵先知朋友揸外國護照多，我哋確實年齡層會多啲呢類朋友，但唔代表年輕人無，最緊要問，同埋到自己攞咗，記得幫得就幫。

希望大家睇完，更有信心去續，尤其是lost case，唔好怕煩，俾啲信心自己。最後多謝呢個平台，尤其是做doc嘅前人。

香港人加油

有人喺公海post亂up，話97年7月1前出生未申請過BNO都可以申請返

唔好幫廢老簽啊

身分證大法
SAR係保險

齊哂身份證大法既條件就得啦

想幫屋企人續BNO，但佢地果本唔見咗
追咗post

請問係咪要先上英國網址銷毀舊passport先? 然後申請果時應該係揀renewal還是First British Passort?
同埋交文件如果唔見咗BNO係咪交其他文件就得?

依家冇得你揀係renewal定first passport
你跟返你既情況答哂佢啲問題 系統會自動幫你揀

咁兩位你地最後點收件？

有無巴絲遇到以下問題?
我幫老豆老母續返BNO，佢地個本舊證仲keep得好完整，但係因為佢地本BNO太舊要當first passport咁申請
HMPO需要我老豆老母既出世紙，但係佢地大陸出世之後走黎香港，無晒出生文件，有無巴絲知可以點做？
另外佢又話要我呀爺呀嫲呀公呀婆個代人既資料，我又係完全比唔到。
想知道有無巴絲知道可以點搞

我爸媽唔係香港出世 無出世紙
我打左封cover letter講佢地were born in china and migrated to HK at their young age
淨係交左佢地既結婚證明 同 身份證彩印

祖父母全部過世 係網上填資料個box就解釋
有d死左太耐搵唔返文件
有d就有文件但唔係我屋企人keep住
我無再係cover letter再提祖父母個part

FYI 星期一approved application
DHL話BNO聽日送到

上網睇tracking
然後打去hotline改送service point拎

Thanks 絲打

多謝你回覆， 但我而家一個dhl sms都冇收到， 完全冇tracking number， 可以點跟進？

thank you!!!好人一生平安
今晚返去搞搞佢

Thanks

我要玩到第二次副簽.....

咁煩氣.....第一次副簽衰咩野