銀包都可以催財?唔L係呀?
係,銀包可以幫助改善財運,唔信既負皮後上一頁都無所謂。
而入咗黎又有興趣睇埋落去既,希望可以幫到各位巴絲以後搵多啲:
銀包催財唔係咩新鮮野,書同電視節目都有講過,原理涉及統計學同八字有關。簡單黎講參考資料如下:
一:用咩類型銀包好?
答:長銀包最好。
二:用咩顏色嘅銀包最好?
答:一般黎講,用土(黃/橙黃)、金(白/金/杏)及水(黑/藍)屬嘅顏色最穩陣,用火(紅/粉紅/橙紅)最差。但係不可一概而論,最後再講。
三:職業又有無影響?
答:有,有分正財同偏財。
四:使用銀包方面有無咩要注意?
答:信用卡單據、印花咭、某啲無謂既會員卡就唔好放,銀包放到迫滿晒令自己覺得銀包腫脹其實係唔好。放唔放散紙係無所謂既,而放銀紙就最好分晒面額咁擺,總之越有條利越好。
五:銀句可以用幾耐?有無話用晒佢嘅運之類?
答:無。只要你keep到佢靚靚仔仔無穿無爛無殘,就可以一直用。
六:銀包牌子同價錢有無影響?
答:無絕對影響。但有人大約統計過銀包價值乘以二百就係你年收入,只作參考,不可作準。
七:我已經好有錢,仲使理你?
答:你真係可以唔理,一命二運三風水,有錢既總會有錢。
八:既然你都咁講,無咩錢既睇黎做咩?
答:幫唔到改命都幫補下財運,基數低啫,想唔想改善就係閣下嘅心態同決定。
九:巴打你開post搏乜?唔係最後賣開運銀包之類呀?
答:純粹想幫巴絲改善財運,有錢齊齊搵。睇完跟住做之後覺得真係有改善嘅,拎少少錢去做下善事積下德,咁就功德無論喇。邊度買銀包就梗係各位既自由,我就無賣野既。
上面提及過嘅參考顏色並不適用於所有人,如果想知道咩色先最岩自己或另一半,留底新曆出生年月日時間,我會不定時係度回覆。
最後想講嘅係,幫到幾多真係睇各位基數,即係所謂嘅命水。有錢嘅加1%少1%梗係無所謂,所以有啲有錢人用銀紙夾甚至唔用銀包都無咩影響。強調多次,覺得有改善嘅,不妨做下善事捐返少少比你喜歡嘅慈善團體積下德,咁就功德無量喇。
🙏🙏🙏