召喚lihkg所有學神/P牌巴絲 (48)

其實真係講feel
就停就踩極力子 上斜就早少少落斜就遲少少
但一波平路或上斜我就唔撚理兩隻腳齊落

利申學緊 比師傅屌過落斜停太早極力子 我自己都feel到成架車突然快左

真心學車係為考車，路面經驗係要實戰累積

其實自己報有冇得分開乙、丙部?
學院分開考就聽得多，街有冇師傅會分開教?

你地呀SIR會唔會成日印住個break?

巴打捉到路加喇
努力練到上腦就得

落斜真係唔好早踩，否則冇咗牽引力反而多咗地心吸力肯定快咗

學車係學操控，同部分道路語言，但唔足以日常同其他司機溝通

所以一定要操車

到考果日都無教曬我考試路線 上堂訓交 成日情緒失控

無得轉？我網上搵逐堂比錢，唔中意咪轉囉

自從拎左p牌我發現棍波原來好渣過自波
屋企人唔比架中馬力我渣要我渣車仔..
我諗緊係咪車仔無乜力搞到我咁諗

想請教各位巴絲
我今日上堂發現咗呢個問題
如果我準備停車
正常係踩brake收慢架車>踩低極力子>手掣空波

我宜家係
踩brake收慢架車>見架車去到5km/h>踩低極力子>架車重慢慢行前

咁當我踩brake收慢後
應該喺咩時機先踩低極力子，先唔會空波滑行？
係咪應該踩極力子同Brake一齊做先唔會空波滑行？

你嘅做法完全冇問題，即使你踩咗極力子，架車仍然有momentum，當然會繼續溜，傳統教落溜大概一個車位係唔會有事
考試基本上除咗塞車都會2波停車，大約12左右踩極力子就差唔多

如果極力子同迫力一齊踩，踩極力子嘅一刻已經係空波，而架車仲有排溜，肥得

謝巴打回覆
諗返我應該有幾次空波滑行咗
但只要係小溜而唔係有排溜就唔算空波滑行吧？

同如果我見到未到白線就踩低咗極力子
想行前返少少而起極力子都係容許？

見宜家學熟咗就想執D細節位

學車空波滑下冇咩所謂，錯下先會識，考試唔好就得
你小溜嘅意思係點樣？一般建議你由踩咗極力子到停定唔好多過一個車位，2波印迫力到架車震再踩極力子就最穩陣
你話起少少極力子就唔好喇，剔硬你

有無人28/6 pass 左 已經令到牌

巴打咁好屋企有架棍仔可以操

棍仔梗係好揸過自動，油門迫力嘅靈敏度一定好過自動波，拖低個波入彎/落斜又安全又唔駛死踩爛踩，上斜前可以預早拖波換取扭力，大斜又可以谷下車頭
呢啲就係傳說中嘅操控感

利申：揸開棍波

謝謝巴打先，受教了

試過踩停咗，望魚眼鏡見車頭未到白線
就起返極力子令架車慢慢行返前
睇黎要改

2波印迫力印到震反而我都有試過
我又好難形容我既小溜係點
不過會之後上堂再掌握睇下點

無啦我渣緊半自 掛住手波 老豆架靚野唔肯借我玩

如果真係逼不得已要向前多少少
轉個一波再起極力子就最穩陣

不過咁 停太遠只會細剔 停車位置不正確
踩/過白線就大剔 唔記得落一波變空波滑行
或者車停定你再起極力子變二波開車都係大剔
自己諗點做安全啲

未到嘅話，睇下差幾遠，如果差唔夠半個車位嘅話唔行好過行，就算行都記得落返1波（考試千祈唔好2波吊極力子，足以致肥）

我自己建議預位未夠準嘅話，可以照收慢架車，仲有位嘅話情願2波千零轉甚至怠速溜過去，見到差唔多就再落迫力極力子停車

新牌仔唔俾靚嘢你玩都正常嘅，話哂都係命根
操好手車，第時再玩

借post想問各位師兄



今日揸車 喱個標示著左 仲會閃下閃下
而部車今日每次起步比油就會chok同震
揸到上70km 又會係咁chok

想問下咩原因 係唔係要拎去車房睇

我問過師傅其實燈位前唔係遠得好離譜就得
你追求白線前個一兩尺可能仲危險
我而家都係求其停就算
望魚眼鏡係見唔到白線

呢個係引擎燈，顧名思義就係引擎有事
就咁睇症狀可能副偈有嘢塞咗，所以行得唔順，穩陣嘅話都係返車房睇睇

（巴打平時有冇做開保養，即係換下偈油、換下火咀之類？）

多謝巴打指教
平時部車都係老豆負責保養
而加自己都要開始學下

想問入啟德碼頭條直路有冇超速拍照機，今日入去開快咗，好驚比人告