我又講多個 又係喺俄羅斯
果陣夏天去貝加爾湖上面個島玩
見到有人介紹可以租部單車去環島一洲
島上面有兩間單車鋪 打算去其中一間租部玩吓
本身十幾年冇踏過單車 手感麻麻地
加上佢啲車全部都好高又有變速
一上到部車 老闆發現我唔係幾識踏就唔租
當時嬲嬲地去第二間 個老闆教一教我就有返手感
自以為已經可以控制到部車
就好快咁踏返去第一間鋪附近
見到個老闆坐門口睇書
就係佢前面條路高速踏過 仲要響左兩下鈴
見佢抬頭望著我笑 仲比個讚手勢
我就好自豪咁係條路到180度急轉彎 打算高速飛多次
下一秒炒左落地 個老闆一邊狂笑一邊扶起我
果陣實在太柒 同佢講is okay 之後就推架車返旅館
返到去先見到成個手踭損晒