120 Like
14 Dislike
司史使時巿視
2019-03-30 22:04:56
唔驚kelly有dickson bb?
bedGeroge
2019-03-30 22:38:11
一次半次無咁易中
櫻花樹下(周柏豪)
2019-03-30 23:58:23
爸爸唔好唔要我
bedGeroge
2019-03-31 14:40:55
「講多個笑話俾你聽啦。開學日,老師叫新入學嘅小一新生自我介紹,同學A就話『我係韓國溝日本混血兒。』,同學B就話:『我係英國溝美國』,到同學C。佢話『我係爸爸溝我媽媽。』哈哈哈,好唔好笑呀?」
我歎一口氣,「好笑,幾好笑。」
「Dickson,咪話我話你啦,男人老狗拎得起就放得低,況且你同佢都分左手咁耐,一早應該忘記佢啦。」
「有時啲嘢唔係話忘記就可以忘記嘅,畢竟我曾經都深深愛過呢個男人。」
「咪係囖,你都識講啦,『曾經』呀嘛?過左去啦,人地依家都結左婚,你同佢無可能架啦。」
「我知,我知你講咩。」
其實我已開始慢慢淡忘Sam,只係喺毫無心理準備下聽到佢嘅婚訊,我覺得好突然,一時間有啲接受唔到。
呢種心情就好似你突然聽到一個舊朋友嘅死訊,雖然你同嗰個舊朋友好耐好耐都無聯絡,但聽到佢走左你都係唔會開心,腦海仲會不自控咁浮現你同佢一啲往事。
「等再講多個gag你聽啦。狗會『汪汪』叫,貓會『喵喵』叫,咁咩嘢會『咕咕』咁叫?」
「楊過呀嘛,呢啲陳年爛gag一早聽過啦。」
「哈哈哈哈,係呀,係咪好好笑?」
個gag就唔好笑,但見到圓圓自己講完自己笑,唔知點解我就覺得幾好笑。
「你自己講完個gag自己笑,呢樣好笑啲。」
「頂,你係咪串我呀?我浪費咁多口水『tum』你笑,你唔單止唔識感激,依家仲串鳩我?」
「我都係隨口講下姐。」
「頂你個肺,你依家串親我,我條氣好唔順,你快啲『tum』返我開心,如果唔係今餐你埋單。」
「但依家係糧尾,我銀包得一舊水。今餐我地嗌左咁多嘢,我驚陣間唔夠錢埋單wor。」
「咁你快啲講個笑話『tum』返我開心。」圓圓雙手交叉胸前,一臉不悅。
「唉,怕鬼左你,聽住啦,大明養小明,咁邊個養大明呀?」
「邊個呀?」
「狗囖,久仰大名呀。」
圓圓「哈」一聲笑出嚟,「好撚爛呀。」
「爛你又笑?」
「恥笑嚟架,笑你講埋啲咁撚爛嘅gag。」
「哈哈,你收皮啦,你嗰啲gag咪一樣咁爛。」
「咦?你笑返啦?笑返咪好囖。」
我望住圓圓,認真咁講:「圓圓,多謝你。」
「做咩無端端講多謝?呢餐雖然唔洗你埋單,但都唔係我請wor。」
「多謝你開解我。」
「得啦,我地咁多年朋友,呢啲嘢在心中啦。成晚你都無乜點食嘢,你快啲食啲嘢啦。」
張大假
2019-03-31 15:44:21
Sam 咁就淡出
bedGeroge
2019-03-31 21:29:39
同圓圓食完飯我就返左屋企。
返到嚟,我見到鐵男好惆悵咁望出窗外。
我無去打攪佢,費事又被佢鬧。
「叩叩—」門外有人敲門。
我打開門,見到一個年約四十幾歲、化濃妝嘅老女人企喺門口。
「你好呀,我叫Anna,我喺樓下最近先搬嚟嘅『一樓一』。」
「Sorry,我唔叫雞。」
「唔係呀,我呢排晾啲毛巾出窗,成日被樓上冷氣機啲滴水滴濕曬,我想問係咪你個冷氣機滴水姐?」
「我呢排好少開冷氣機,多數都係開風扇,我諗唔關我事啦。」
「係呀,咁唔好意思呀,打攪曬。」
「唔緊要。」
「不過哥仔,如果你邊日有需要可以嚟樓下301室搵我,我功夫唔錯架,而且仲識小小日文,可以扮埋日本妹俾你砌。」
「日文?你識日文?」
「係呀,我以前後生喺日本做過交流生架。」
「咁你以前住邊架?」
「我細個住南丫島,不過老豆老母死左之後,我就搬左出嚟啦。」
「咁你識唔識…」
我仲未講完,道門無端端「砰」一聲閂埋左。
原來係鐵男喺後面吹左一口氣,閂埋左度門。
「鐵男你做乜呀?門口嗰個Anna好似係你要搵嘅女神?」
「唔係!佢唔係我女神!」
「但佢好似好符合你講嗰啲條件?」
「Anna又靚女又係大學生,佢唔會做雞架!」
「就算唔係,你都唔洗咁大反應架。」
「你收聲!總之我女神唔會係雞!」講完,佢就好嬲咁飄走左。
我心諗大學生點解就唔會做雞?
我以前都以為大學生唔會住劏房,最後因環境所逼咪一樣要就範。
第二日,我放工之後,返到屋企樓下,見到Anna自己一個坐喺樓梯口煲煙。
我多口問左句:「Anna,你唔洗開工咩?」
Anna歎一口氣,「唔好提啦,我住緊嗰度撞鬼呀,嚇到我啲客走曬,無人敢嚟幫襯。」
「撞鬼?發生咩事呀?」
「我同啲客搞緊嗰陣,道門會無端端自己又開又閂,仲有啲客一行入門口就被鬼掹後腳,而且啲毛巾會突然漂浮喺半空,啲客被嚇到雞飛狗走,無人敢嚟幫襯。」
我一聽就知肯定係鐵男條友喺度搞搞震。
bedGeroge
2019-03-31 21:55:04
我返到屋企唔見條友,於是上天台搵佢。
「鐵男,你果然喺度。」
「你上嚟做乜呀?」
「係咪你喺度搞搞震倒Anna米?」
「係呀,係我搞架。」
「你點解要咁做?」
「我唔想見到佢俾啲唔三唔四嘅男人屌。」
「你咁講,姐係301室個Anna就係你年少時嗰個女神?」
「佢以前明明係大學生而且生得又靚女,點解依家淪落到要做雞?」
「又係去偷又唔係搶,做雞有咩問題?」
「我心目中嘅Anna係美麗純潔嘅女人,而唔係一個骯髒污穢嘅雞!」
「其實講到底,你都係嫌棄姐。」
「我唔係嫌棄,我只係…我只係…」
「無嘢講呀?你根本就唔抵得其他男人有得屌你女神但你就無,所以你妒忌。」
「你根本就唔明!我鐘意嘅Anna唔應該係咁架,佢應該係出於污泥而不染,佢應該係完美無瑕,就算老左佢應該都係最靚架!」
「你鐘意嗰個只係你自己想像中嘅Anna,你想象力太好,諗到佢太完美啦。」
鐵男苦笑一聲,「可能你講得啱,我想象力太好,我成日諗我會係一個碧山綠水嘅小島上面重遇佢,佢會著住一件純白色衫行到我面前,雖然佢見我唔到,但喺嗰刻佢個腦會突然諗起二十年前有一個男仔鼓起勇氣行到佢面前,用唔鹹唔淡嘅中文同佢講左句『你好嗎』。點知現實係我去偷睇啲嫖客叫雞嗰陣,突然見到Anna被一個麻甩佬屌到啊啊聲。」
「你諗得太浪漫啦,你估拍戲咩?」
「我真係拍戲架,我生前係一個舞台劇編劇嚟。我幻想左好多自己同Anna一齊嘅故事,寫埋落去劇本度。」
「你條鹹濕佬係舞台劇編劇?你似係AV編劇多啲wor。」
「屌,你睇人唔可以睇表面。」
「總而言之,我勸你就唔好去搞人,你嚇走曬佢啲客,佢無收入無錢交租隨時要訓街架。」
鐵男靜靜咁望住樓下街景,陷入了沉思。
過兩日我收工,見到樓梯口大排長龍,排隊嘅清一色都係男人。
司史使時巿視
2019-04-02 00:07:56
Gaylord
2019-04-02 02:05:42
快D update la.
GunAchi
2019-04-02 11:51:50
推
bedGeroge
2019-04-02 14:40:46
我心諗咩事咁熱鬧,我問左幾個排隊嘅人,佢地話係嚟幫襯301嘅Anna。
Anna?點解突然咁多人嚟幫襯佢?
我問左一個幫襯完嘅嫖客,佢話同Anna扑嘢好過癮,扑扑下兩個人會飄喺半空,好似玩空中飛人咁。
我就咁聽都知呢壇嘢又關鐵男事。
原來鐵男喺Anna同一個嫖客搞嘢嗰陣,佢吹左啲氣令到佢地可以喺半空飄,俾佢地可以浮喺半空中搞嘢。嗰個嫖客試過覺得好正,於是喺網上同人share,其他嫖客知道之後慕名而來,想試下究竟有幾過癮。
我問鐵男佢咁做係咪想幫Anna,佢話唔係,佢係諗住想嚇走啲客,只係無諗到咁多麻甩佬鐘意玩呢味嘢。
雖然佢把口就係咁講,但呢幾日每晚佢都會去301室幫Anna同嫖客玩空中飛人,Anna呢幾日接客接到手軟,要休息返一個禮拜回下氣。
或者,鐵男慢慢開始接受自己女神係雞呢個事實,但睇住鐘意嘅人被唔同嘅男人屌,呢種感覺應該不太好受,畢竟唔係個個好似阿威咁,鐘意睇自己條女被其他男人屌。
後日就係阿威同Kelly嘅大婚之日,佢地出機票錢,請左所有親朋戚友去英國愛丁堡參加佢地嘅婚禮。
我執定幾件行李準備聽日坐飛機去英國。
舞子見我喺度執行李,佢問:「Dickson你要去旅行咩?」
「阿威同Kelly結婚,我要去英國觀禮。」
「我又要去。」
「你同鐵男留喺度看門口啦。」
「看門口?你當我地係狗呀?」
「我唔係咁嘅意思。」
「咁你係咩意思呀?如果你唔講清楚,今晚我就嘈住你唔俾你訓。」
「唉,算啦,當我無講過,你地鐘意跟嚟就跟嚟啦。」
「哈哈,好嘢,又可以出國玩啦。」
於是兩隻小鬼都跟埋我去愛丁堡。
我同同行嘅賓客一齊坐左十幾個鐘頭機,終於嚟到愛丁堡。
依家係當地時間嘅夜晚八點。
落左機之後大部分賓客都返酒店休息。
今次阿威唔單止出機票錢,連食宿都包埋,請我地入住一間當地豪華嘅五星級酒店。
而我同圓圓被分配喺同一間雙人房。
搭左十幾個鐘飛機,真係攰到仆街,但兩隻鬼仍然係精力充沛。
圓圓先去沖涼,鐵男條鹹濕佬梗係唔放過呢個機會去裝圓圓沖涼。
小薯一粒
2019-04-02 15:26:00
好癲好好睇🤤
bedGeroge
2019-04-02 15:46:00
唐樓養唐狗
2019-04-02 15:48:23
推
bedGeroge
2019-04-02 16:05:13
呢個po好似有好多真gay巴
Neulakyussra
2019-04-02 16:16:27
好好睇
bedGeroge
2019-04-02 16:33:43
柒樓有柒仔
2019-04-02 18:39:52
圓圓遲下實同男主有野
bedGeroge
2019-04-02 19:35:19
搞嘢定有嘢?
櫻花樹下(周柏豪)
2019-04-02 21:36:39
搞野
本身仲以為dickson同啊威會有甜
bedGeroge
2019-04-02 21:55:20
而舞子又叫我開笑波子俾佢睇,於是我就坐喺床度,同舞子一齊用iPad睇Youtube。
半個鐘後,圓圓沖完涼出嚟,身上只係掛左一條毛巾,佢塊面紅紅地,個頭濕濕地,佢問:「Dickson,你睇緊咩呀?」
「Youtube囖。」
圓圓行過嚟,烏低身望下我八卦下我睇緊啲咩,我有意無意咁睇到佢條波罅,搞到我唔小心扯左小小旗。
「屌,你幾多歲呀,竟然喺度睇笑波子?」
「我唔小心click到姐,睇睇下好似幾好睇,咁咪睇埋落去囖。」
「你快啲沖涼啦。十幾鐘頭無沖涼,你個身肯定好撚臭。」
我擺低部iPad 去沖涼。沖涼嘅時候,鐵男無啦啦走入嚟講:「我頭先睇過,出面條女真材實料,好大波呀,你地住埋同一間房肯定搞嘢啦,你條仆街就爽皮啦。」
「頂你條變態佬,快啲返出去啦,男人沖涼你都裝?」
「如果今晚有嘢睇,咁我就唔去其他房𥄫嘢留喺呢度啦?」
「無野睇呀,你死開啦。」
「你依家唔係基佬狀態下話?」
「係呀,你再唔走我就即刻屌你屎忽。」
「頂,連鬼你都想屌,你先係變態佬。」講完,佢好快咁飄走左。
沖完涼出嚟,我見到圓圓訓左我張床。
「你做咩訓我張床呀?」
「我一個人訓生保床會周身唔自在同埋會訓唔著,我地今晚一齊訓啦。」
「咁呀…咁都得嘅...」
舞子飄埋嚟我面前講:「咁我出去先啦,費事阻住你地兩個二人世界。」
明明有兩張床但個女人偏偏話想同你一齊訓,就算幾遲鈍都好,都無理由睇唔出呢個女人係對你有啲嘢。
但我只係一個一時攣一時直既weirdo,而且又唔靚仔又無錢,自問配唔起一個咁大波又咁靚既女人。
我地雖然訓埋一張床,但咩事都無發生。好彩沖完涼嗰陣轉左做基佬模式,如果唔係俾圓圓對波壓住我又要扯足成晚訓唔著。
bedGeroge
2019-04-02 22:28:50
第二日訓醒之後,我地盛裝打扮,參加婚禮。
婚禮舉行嘅地點係愛丁堡一座山上嘅大教堂。
呢日嘅天氣好好,婚禮儀式簡單而隆重,至於行禮過程我就唔詳述。
行完禮之後,阿威拖住新娘步出教堂,之後一班人影完大合照,就嚟到新娘拋花球嘅環節。
喺西方傳統文化中,接到花球嘅人代表能接收到新娘嘅祝福,好快可以成為下個結婚嘅新娘。
我同圓圓就企到側邊角落嘅位置,一班嫁唔出嘅老姑婆就企喺中間諗住搶個花球。
Kelly背向我地,數左三聲,向後拋出花球。
佢隨意一拋,個花球飛歪左,竟然飛埋嚟我度,我又唔好意思伸手接,但飛過埋嚟無理由又唔接,我猶豫左兩秒決定伸手去接,點知隔離個圓圓又伸手接,形成左我同佢一齊接花球嘅畫面。
其餘恨嫁嘅女賓客搶唔到花球,極度失望。
我男人老狗無理由揸住個花球,於是讓左個花球俾圓圓。
圓圓笑左笑,講左聲多謝。
婚禮結束後,阿威喺酒店搞左個party。
Party好熱鬧,大家玩得開心。圓圓同Linda就俾班伴郎同男賓客圍住搭訕。
我揸住杯酒行出露台望下出面優美嘅風景,而飲得醉醺醺嘅阿威靜靜雞行埋嚟我度,佢叫我陣間上佢酒店房,佢話想睇Kelly著住婚紗俾我屌。
我心諗唔係掛,結左婚都玩呢味嘢?
佢係咁叫我一定要嚟,盛情難卻,我就答應左佢半個鐘之後上佢酒店房。
「爽呀,屌著婚紗嘅女人,場面一定好刺激」鐵男喺我耳邊歡呼。
「你條友又想裝我扑嘢?」
鐵男掛住淫笑唔出聲。
「舞子,你拎住嗰杯咩嚟架?」
「香檳囖。」
「你咁細個學人飲酒?」
「Dickson,我講過好多次,我已經唔細架啦。」
過左一陣,一個白髮蒼蒼嘅鬼佬行到我面前講左一堆日文。
我認得佢,佢係頭先主持婚禮嘅神父。
佢雖然係鬼佬但就喺度講日文。
「邱比特?」舞子同鐵男異口同聲。
邱比特?
自由行
2019-04-02 22:39:54
咁你呢