《徘徊在似直又攣之間》

Push

「Dickson，對唔住，我唔係想推開你。但係…我感覺好似...好似有啲嘢唔妥…」

「你…嗰道光…去左你…」我欲言又止，唔知點講好。

「光？咩光？」

「我體內嘅『同志之光』…好似…轉移左去你度…」

「你話咩話？我唔明你講緊咩……」

我將體內兩道光以及吸光避孕套嘅事一一話俾圓圓知，我同佢講我諗住用個避孕套將道「同志之光」吸出嚟，從此變成一個直男，咁就可以一心一意咁對佢。

圓圓聽完我咁講，佢好感動，但係我留意到佢望我嘅時候，眼神好似有啲唔同左。

「咁你個意思係我中左嗰道光，依家就變左同性戀...？」

「好有呢個可能…」

「哈哈，你講笑咩，無端端我點會變左Lesbian？」圓圓笑住咁講，「我肯定自己仲鐘意男人同埋好鐘意你。」

講完之後，佢哄個頭埋嚟，諗住嘴對嘴錫我，但當佢哄到好近嗰陣，猶豫同停左一下，幾秒之後佢瞇埋眼錫左我塊面一啖。

「好啦，我眼訓呀，訓教啦。」圓圓熄左床頭燈，合埋眼訓教。

啱先佢錫我嗰陣，佢臉上好似有一絲抗拒同不情願。

我喺度諗佢會唔會真係變左Lesbian？

第二日訓醒，我地一齊去茶餐廳食早餐，過程中圓圓都無講嘢，而且佢琴晚似乎訓得唔好，有好大對熊貓眼。

「你琴日係咪訓得唔好？」我問佢。

「唔係呀。」

「但你個黑眼圈好大wor。」

「係咩？無呀…」圓圓迴避我嘅眼神。

食完早餐我就送圓圓左返公司，之後我就去左間連鎖服裝店見工。

呢排我send過好多份cv，大部分都無回音，得呢間鋪頭肯in我。

售貨員嘅入職要求唔算高，基本上有手有腳唔係啞嘅都會請，我填完form，店長問左個幾個問題就請左我。

然而，跟住嗰幾日我都無見到圓圓，佢話公事繁忙所以唔得閒見面。

只但係，佢無到英國讀書，職位維持無變，照計佢嘅工作量應該都無增加到，點解突然間忙到無時間見面？

完全變成直男嘅我對圓圓好上心，幾乎無時無刻都惦掛住佢，無見佢幾日我個心就已經囉囉攣好想見佢。

於是，呢日放工後我就嚟到佢公司搵佢。之前我喺呢度都返過工，啲同事我都識，有幾個舊同事埋嚟同我打招呼，我問佢地圓圓去左邊，佢地話圓圓請左病假，呢幾日都無返工。

病假？唔通佢病左？但點解佢無同我講嘅？

我立即打電話俾佢，但我打第一次無人聽，第二次先打得通。

「圓圓，你依家喺邊呀？」

「我…我依家喺屋企。」

「你啲同事話你請左幾日病假？你無事呀嘛？」

「無事，嚟m姐。」

「你唔舒服點解唔同我講嘅？我依家即刻上嚟探下。」

「唔洗啦，我都無咩事，你唔洗專登上嚟啦。」

「但我地幾日無見，我好掛住你，想見下你呀嘛。」

「我都…我都想見你…不如…下個禮拜日呀？下個禮拜日我地出嚟睇戲食飯？」

「下？仲要等下個禮拜？」

「係呀…我…我聽日有個遠房親戚嚟香港，之後個幾日我都要陪佢去玩呀，所以抽唔到時間出嚟見面。」

「哦…咁好啦…」

「對唔住呀。」

「唔緊要，你唔舒服就早啲休息啦。」

「咁我收線啦，bye bye。」

「Bye bye。」

出住一千字蒲下頭先，呢排有啲嘢煩緊+無乜idea，所以會出慢左，望大家見諒

加油

極度懷疑樓主係gay嘅，所以拗直左之後唔知點寫落去

慢慢，最緊要唔好爛

嬲咗樓豬

為何生氣

因為樓豬搞到圓圓唔開心

樓豬 你快啲同我搞返掂佢

出文味

樓主文呢等緊你啦

屌呀
咁快live 左

文

推

文呢

Push push

見唔到圓圓嘅日子係十分苦悶同無聊，好彩現今通訊科技發達，俾我可以隨時隨地咁同佢Whatsapp，返工無嘢做或者平時得閒嗰陣我都會message圓圓撩佢傾計，佢有時覆得快有時就覆得慢，而且好少主動搵我。

然而，最近搵得我最多嗰個係阿威，佢話Kelly個肚越嚟越大，情緒就越嚟越唔穩定，好似有左產前抑鬱咁，成日郁啲就發脾氣，有時又會過分焦慮，搞到佢好煩。

呢日收左工我嚟到別墅探下佢地，其實係因為阿威要全天候陪住Kelly，想搵人吐苦水但又行唔開，所以先叫我嚟聽佢呻。

夜晚十一點，Kelly已經訓左，我同阿威兩個坐出嚟別墅嘅屋頂露台飲酒傾計。

「老婆大肚真係好煩，又無得出火又要受氣，唉…」

「忍下啦，聽講女人懷孕嗰陣會荷爾蒙失調，所以導致脾氣暴躁同焦慮，生完之後就好啲架啦。」

「呢樣我都知，佢係我老婆，無論佢點我都要忍架啦。但係到時生完之後，Kelly又要花好一段時間嚟恢復身體，睇嚟有一排我都要睇片打飛機，無得睇你地即場扑嘢，唉…」阿威飲一啖紅酒。

「Er...我諗我以後都唔會再同Kelly搞嘢。」

「下，點解呀？」

「因為我依家拍緊拖，我唔可以同女朋友以外嘅女人搞嘢。」

「你唔講佢唔知啦。」

「唔得，就算佢唔知，我瞞住佢同第二個女人搞嘢，我都會覺得內疚。」

「咁我咪又要搵第二個人嚟代替？」

「佢係你老婆，你應該自己親身上陣。」

「你唔明架啦，我要睇人搞我老婆先扯得起…」

呢個時候，別墅嘅管家行上嚟同阿威講：「少爺，啱先少奶發噩夢扎醒左，依家喺度扭計要你落去呵返佢。」

阿威放低酒杯，「又要tum老婆啦。」

我同阿威落返樓下，Kelly佢雙眼通紅，好似俾個噩夢嚇到喊，而阿威就盡好老公嘅責任，安撫返老婆嘅情緒。

過左一陣，Kelly平靜落嚟，突然間佢又話想食宵夜，要阿威落去九龍買腸粉同牛雜俾佢。

阿威無對Kelly嘅要求say no，立刻帶司機落九龍買宵夜，而我都見時候唔早，都係時候要返歸，走嗰陣Kelly問我係咪同緊圓圓拍拖，仲講左一件事俾我聽。

「圓圓早幾日嚟搵過我，佢問可唔可以轉介個性治療師俾佢，咪話我八卦，你地兩個係咪性事唔協調呀？」

「佢去搵性治療師？」

「係呀，咪就係我以前介紹過俾你嗰個囉。你係咪做基佬做得耐，唔識同女仔做，所以圓圓要請教治療師點樣配合你呀？」

我無回答，腦海淨係諗緊點解圓圓要去性治療師。

佢因咩事要睇治療師？同埋點解佢無同我提過佢去搵治療師呢件事？

我有好多疑問，未等到星期日我就忍唔住要搵圓圓，想問個明白。

第二日，我請左半日假，一朝早就嚟到圓圓屋企搵佢，但佢好似好早就出左門，我㩒門鐘但無人應門，我打佢電話又飛左去留言，我去佢公司搵又搵唔到佢。

最後我就嚟到嗰個性治療師嘅辦公室睇下佢喺唔喺到，結果我一行入去就見到佢。

「Dickson？你…你點解…會喺度嘅…」佢一臉愕然。

「呢句應該係我問你，你點解會喺度？」

「我…我…」圓圓望住我，唔知講咩好。

跟住，我地搵左間咖啡室坐低，圓圓坐喺度諗左好耐先肯坦白，「Dickson…我…好似變…變左同性戀…」

嗰陣喺酒店我見到嗰道粉紅色嘅「同志之光」喺佢小腹度閃下閃下，當時我就猜測佢有無俾道光影響左變左同性戀。

結果係佢真係俾拗攣左。

我呢刻心情好複雜，思緒好混亂。

圓圓變左Lesbian意味住佢唔單止唔再鐘意男人，亦意味住佢唔會再鐘意我。

我想以後一心一意咁愛佢所以先要吸走嗰道「同志之光」，但係無諗到個condom竟然穿鬼左，仲漏左道光去佢嗰度。

「我請病假唔係因為我m到，而係嚟睇性治療師，想佢諗辦法將我變返以前咁。我話我唔得閒其實都係呃你，依家嘅我唔識點面對你。我好鐘意你，不過嗰種鐘意嘅感覺逐點逐點咁流逝緊。我好驚，我驚自己唔再鐘意你，好驚就咁失去你，但係我控制唔到自己，我對男人完全失去左感覺，我覺得呢個自己好陌生，我好唔知點算好…」圓圓雙手遮面，表情苦澀。

我明白佢嘅感受，我俾拗直左嗰陣我都覺得無奈，見到佢咁樣我個心都好難受。

「對唔住，係我搞成你咁，嗰日我唔應該用個吸光condom，個套無穿嘅話嗰道同志之光就唔會去左你度，咁你就唔會…」

圓圓沉默左幾秒，「其實，嗰日個套戲係我吉穿。」

「係你整穿個condom？」

「我知道自己無法得唔到你完整嘅心，我諗住只要我有左BB你就會同我結婚，咁就可以永遠留住你個人，但無諗到事情會變成咁…」

「可能呢啲就係天意弄人。」

「我遲啲會去做催眠治療，話唔定我好快就會變返以前咁。」

我知道嗰道光入左去身體，就好難再拎返出嚟，圓圓極有可能以後都會變成Lesbian，從此離開我而去。

要將圓圓變返原本咁樣，唯一嘅辦法都係向邱比特求救，但係每次都係佢嚟搵我，而我都唔知去邊度搵佢。

終於有文
加油