《徘徊在似直又攣之間》

樓主，出文

好睇

出密啲得唔得
如果唔係叫sam 同dickson 同你3p

返到去兩隻小鬼見我愁眉苦臉，仲問我點解咁唔開心。

我心諗你兩條友害到我雞毛鴨血，仲好意思問我點解唔開心。

我攤喺床度，望住天花板發呆。

「其實你洗乜咁愁姐，你同你條仔做唔成戀人，咪做sex partner囖。你攣嗰陣就搵佢扑野，直嗰陣就搵女扑野。」鐵男提議。

「你收聲啦，我唔想聽你把聲。」

「我都係想開解下你姐。」

「話時話，你兩個留左喺香港都差唔多成個月，諗住幾時返日本？」

「唔知呀，香港咁大，我地都未玩夠，聽日係禮拜六，你唔洗返工，不如帶我地去長洲玩囖？」舞子說。

「邊個話你聽星期六唔洗返工架？我一個禮拜要返六日架，小姐。」

「咁星期日囖。」

「星期日應該好多人？」

「咁去鹽田仔啦，嗰度啲景色好似都幾靚。」鐵男指住張地圖講。

「星期日先算啦，我訓先，早抖。」

第二日朝早，我被電話鈴聲嘈醒左。

係Kelly打電話嚟求救，佢話有條窮撚癡漢成晚喺佢屋企樓下唔肯走，叫我過嚟扮佢男朋友，打發條窮撚走。

無錯，喺電話度，Kelly多次強調對方係一條窮撚，而且仲經常騷擾佢。

我請左半日假，去睇下咩情況。

嚟到Kelly屋企樓下，見到一個男人拎住一扎花，靜靜咁喺度等。

該男子身形高大，外形俊俏，成個彭于晏咁款，睇見我都心癢癢。

呢刻嘅我係「基佬Dick」，鐘意男人。

再細心一睇，原來佢扎花上面全都係用一千蚊港紙摺成嘅玫瑰。

我行過問：「請問你係咪Peter？你係咪喺度等Kelly呀？」

「係呀，你係Kelly個朋友呀？」

「其實係咁嘅，Kelly同我已經喺埋一齊一段日子架啦，你就唔好成日嚟騷擾我女朋友。」

「你係Kelly男朋友？」Peter由上而下打量我一番。

「係呀，你死心啦，Kelly唔會鐘意你架。」

「無可能，如果Kelly有男朋友，咁點解佢IG 上面無佢同你嘅合照？」

「呢層…就…因為…」

「你唔好講大話啦，你根本就唔係Kelly個男朋友！」

我心諗仆街啦，俾人識穿左添。

痴線故留名

支持

扑kelly 未

邊有咁快

多謝支持

推

「KELLY！我好鐘意你架！你可唔可以做我女朋友呀？如果你唔應承我，我就企到你應承做我女朋友為止！我要用行動證明俾你睇，我對你嘅愛係堅定不移！」Peter高聲大嗌，幾乎全座樓，全條街都聽到佢把聲。

呢個時候Kelly打俾我，佢同我講：「Dickson，你快啲攀佢走啦」

「佢唔肯走我都無計架？」

「我咪叫左你扮我男朋友囖。」

「佢唔信呀，佢話你IG上無我地嘅合照，唔信我地係情侶呀。」

「唉，你唔好走開，我依家落嚟。」

過左兩分鐘之後，Kelly行落樓。

「Kelly，你終於肯見我啦，我求你俾我做你男朋友啦，我真係好鐘意好鐘意好鐘意你架！」Peter跪喺Kelly面前求愛。

「Peter，呢位Dickson就係我嘅男朋友。唔該你唔好再死纏爛打，我同你係無可能架，你死心啦。」

「我唔信，佢唔係你男朋友。」

「佢真係我男朋友，你唔信我就證明俾你睇。」

Kelly係我毫無心理準備之下，一嘢嘴落嚟，仲埋條脷入嚟。

如果呢刻我係「直男Dick」，我諗我會好享受，但可惜依家嘅我係基佬模式，我抗拒同女人親吻。我想推開Kelly，但Kelly猛眨眼示意我頂埋落去。

我地嘴左大概三十秒，Kelly先鬆口。

「Peter，你依家見到啦，我同Dickson真係情侶嚟架。」

Peter呆左咁望住我地，從佢眼神中，我看出了一絲哀傷和失望。

佢拎住扎花，垂頭喪氣咁轉身離開。

唉，Peter，如果你戶口有幾百億，或者Kelly會接受你嘅。

「Dickson，頭先唔該曬。」Kelly道謝。

「其實佢又高又靚仔，睇落仲好似幾有錢，而且又有誠意，點解你唔接受佢姐？」

「窮囖，佢屋企得三間私樓揸手，呢啲貨色我點睇得上眼？」

「咁又係，你同過一個身家過百億嘅男人拍拖，區區三間私樓又算得係啲咩呢？」

「都係你最明白我，無端端被個窮鬼纏住曬，返去真係要用碌柚葉沖涼先得。」

「我唔同你講住啦，時間都差唔多，我要去返工啦，。」

「好呀，咁你走先啦。」

我下晝返到公司，圓圓問我朝早去左邊，我話有啲野做。

之後佢問我聽日得唔得閒，佢想睇戲但無人陪。咁我就話聽日可能去鹽田仔，佢問我同咩人去。

我無理由話陪兩隻鬼去，我話自己一個去，跟住佢話想跟埋一齊去。

我心諗多個人陪下都好嘅，到時唔識路嗰陣起碼多個人幫手查地圖。

星期日。陽光普照，天色晴朗。

我帶兩隻小鬼同圓圓一齊嚟到西貢碼頭搭船去鹽田仔。

樓主點解出文出得咁慢
係咪俾sam peter dickson 4p砌緊

鹽田梓，又名鹽田仔，係一個位於西貢海的小島，島上有條鹽田梓村。由於鹽田梓村全村村民都信奉天主教，因有「教友村」之稱。

鹽田梓原為漁村，島上設有鹽田，居民從事曬鹽工作為主，但係現時全島居民全已遷出。

小島背山環海，風景宜人，島內仲有好多古色古香嘅歷史建築，包括有著名嘅三級歷史建築聖若瑟小堂，假日得閒無野做不妨嚟呢度觀光，順便打下卡。

講左咁多，我地終於登陸鹽田仔。

兩隻小鬼眨眼下就唔見左人，急不及待要「環島飄」。

我同圓圓兩個無得飄，唯有用腳行。

沿路見到好多人一家大細嚟玩，而我行左陣，對於鹽田仔，我只有四個字形容。

「鄉下地方」。

我估唔到香港呢個石屎森林仲保留一處咁原始咁鄉土嘅地方。

雖然呢度好鄉下，但景色同空氣都非常好。吸一啖清新空氣，立即精神百倍。

我同圓圓四周圍影相，佢今日著得比較密實，下身著長褲，上身著左一件風摟，無咩睇頭。

我地行到攰，嚟到碼頭旁邊嘅茶座，坐低食碗豆腐花，休息一下。

食食下，圓圓除左出面件風摟，原來佢入面著左件白色緊身tee，佢對36E大波波就嚟要撐爆件衫，仲透曬個bra出嚟，望得出佢今日個bra係淺粉紅色。

「仆你個街，又偷望我對波？」

「你著返件摟我咪望唔到囖。」

「死鹹濕仔，以前就話我對波係一團肥肉，依家就係咁望。」

「今時唔同往日，有啲嘢我都控制唔到。」

「話時話，你依家係咪仲同緊Linda一齊住？」

「係呀，不過我諗住呢個月出左糧就搬啦。」

「諗住搬去邊呀？」

「唔知呀，邊度平咪搬去邊囖。」

「我隔離個單位最近放租，你有無興趣搬過嚟？」

「咪玩啦，你嗰邊啲單位八千幾蚊呎租金，我邊負擔得起？」

我地傾傾下計，鐵男無啦啦飄埋嚟圓圓身邊。條友望住圓圓露出嗰小小波罅，伸手入自己褲浪猛咁chok。

「頂，你快行開啦！」我開聲叫佢離開。

「行開？你叫邊個行開呀？」

「有蚊呀，我叫啲蚊行開。」

我揚手示意鐵男快啲走開。

「你無端端同邊個揮手呀？」

「有蚊呀嘛，我趕緊啲蚊走。」

「邊撚度有蚊呀？」

之後舞子行過嚟，幫手拉走鐵男。

「無啦，俾我趕走曬啦。」

「屌你條友，神神化化咁。」

「睇嚟時候都唔早啦，我地不如啟程返歸？」

「好呀。」

我地坐船返到西貢碼頭，啱啱上岸就撞到Sam同佢幾個朋友。

Sam見到我，主動行過嚟打招呼，「Dickson，乜咁啱呀？」

「Sam，好耐無見，你最近幾好嗎？」

「好，非常好，我同幾個朋友嚟西貢露營兼且打野戰，今次我地玩5p，真係諗起都興奮！」

「你識嗰啲咩人嚟架？佢地咩背景？你要帶眼識人，唔好群埋啲唔三唔四嘅人。」

「你係我邊位呀！我識啲咩人關你撚事咩？」

「我都係關心你姐。」

「你收皮啦，你洗鬼你關心咩！」Sam講完，嬲爆爆咁走左。

「你個Sam依家咁撚惡嘅？」

「唉，係我錯，係我對佢唔住。」

我知道，我地嘅分開，對佢嘅打擊好大，所以佢先變得濫交，想借此嚟麻醉自己。

係我對佢唔住。

只怪天意弄人，或者我同Sam注定有緣無份。

而Sam唔喺我身邊嘅呢段日子，時間過得好慢。

或者呢啲就係所謂嘅度日如年。

無聊嘅時候，我總會回憶起我地以前開心快樂嘅點點滴滴。

回憶多麼美好，而我也只能回憶罷了。

然而，幾日後，我收左工，又收到Kelly嘅電話求救。

佢話嗰個窮撚癡漢Peter又嚟騷擾佢，叫我過去幫手解圍。

於是我嚟到Kelly做嘢嘅地方睇下咩事。

Kelly喺一間花店返工。我嚟到，見到Peter同Kelly喺店入面拉拉扯扯。

「Kelly，我真係好鐘意你架，你求你做我女朋友啦？」Peter苦苦哀求。

「Peter，我講左好多次啦，我已經有男朋友，我同你係無可能架。一講曹操，曹操就到，我男朋友Dickson嚟左啦。」

我拉開Peter，「你放手啦，唔好再騷擾我女朋友啦。」

「你唔好再扮嘢啦，我搵私家偵探查過啦，你根本就唔係Kelly個男朋友，你係一個死基佬！」

「Peter，你好過分呀，你竟然搵私家偵探查Dickson？」

「我想知自己有邊一點比唔上佢，點解你會揀佢唔揀我，所以先搵人起佢底，點知俾我查出呢條友原來係個基佬，佢根本唔會係你男朋友！」

「Peter，你講得啱，Dickson佢係一個基佬，但呢個係之前嘅事，佢同我一起之後，由於我魅力沒法擋，將佢拗返直，我地依家係一對好恩愛嘅情侶。」

Kelly係咁兜，勢要將死拗返生。

「我唔信！你唔好再呃我！」

「真係架！Dickson，你話係咪呀？」

「係呀係呀。」我點頭附和。

「好，你話呢條友被你坳直左，咁你證明俾我睇。」

「你想點證明呀？」

「Dickson，你望住Kelly個樣十秒，如果十秒內你可以對住Kelly扯旗，咁我就信你地真係情侶。依家開始計時，十！」

我擰轉面，望實Kelly，好彩今日我係直男mode。

我望住對方，腦海幻想緊佢被人屌緊同呻吟嗰陣時嘅姣樣。

唔洗五秒，我就硬左。

「啪！」Peter一手摸落嚟我碌賓周度，「竟然真係硬左？」

「我話左架啦，Dickson同我一齊之後就被我拗直左，講你又唔信。」

「無可能架？點解會咁架？」Peter又摸左我幾嘢，確定我係咪真係硬左。

「Peter，你依家死心啦，我同你係無可能架，你走啦。」

「你地真係情侶？」

「係呀，而且仲係好恩愛嗰隻。頭先講你又唔信，你依家心息啦，Dickson真係對住我勃起呀，你洗唔洗再摸多幾下，確認一下呀？」

「無可能架，點解會咁架？」Peter細細聲自言自語，露出一副生無可戀嘅表情，慢慢咁轉身離開。

我開始同情Peter，覺得佢有啲可憐。

「Dickson，勁呀，話硬就硬。」Kelly讚歎，「睇嚟圓圓講嘅野係真嘅。

「佢同你講咩呀？」

「佢話你撞左邪，變左把『軟尺』。」

「軟尺？姐係咩呀？」

「軟尺咪嗰種可以拉直又可以捲曲嘅尺囖。」

「頂，圓圓條友又改我花名。」

「咁你依家係咪處於直男mode？」

突然間，我眼前一黑，跟住一道紫光略過眼球。

「Hello？Dickson，你做乜呆左唔出聲呀？」

「啱先轉緊mode，你頭先講咩話？」

「無野啦，有人嚟接我食飯，唔同你講住。」

Kelly行出馬路，上左一架勞斯勞斯，睇嚟佢又吊到個有錢佬。

之後我到附近快餐店食晚飯。

食完飯行出嚟見到前面行出嚟見到前面路口一大班人喺度圍觀，而且仲有警察喺度拉banner封鎖現場。

我行過去諗住湊一下熱鬧，睇下發生咩事。

More more

原來係有人跳樓自殺。

我行近一睇，自殺死嗰個竟然係Peter？！

點解佢會自殺？

唔通就係因為求愛不遂，所以一時睇唔開要自尋短見？

如果係咁，咁佢就太蠢啦，何必為左一個女人自殺？

警察喺現場搵到一支錄音筆，佢地打開嚟聽左一下。

「Hello，Kelly，我係Peter呀，希望來生我可以投胎變成一個更優秀嘅男人，一個你會鐘意嘅男人。我愛你。來生見。」

借問世間情是何物，直教人生死相許？

或者，聽日當Kelly從電視上睇到Peter嘅死訊，佢個心會為之戚戚然幾秒。

而呢幾秒大概就係Peter喺Kelly心中留低嘅唯一痕跡。

我喺現場逗留左一陣，跟住返左屋企。

我已經從Linda間屋搬左出嚟，目前自己一個住喺一間面積唔夠一百呎嘅劏房。

鐵男好鐘意我依家住呢度，因為樓上樓下就係雞竇，佢可以盡情咁偷睇人扑野。

我沖完涼就同舞子兩個喺度睇YouTube。最近佢迷上左笑波子哥哥，猛咁煲笑波子嘅片，搞到我都無得用電腦，仲要陪佢睇。

Peter已經香左，請大家為佢默哀三秒鐘

Peter rip

樓主點解出文出得咁慢
係咪俾sam dickson 3p砌緊

「點解咁多廣告架？Dickson，你快啲跳過啲廣告啦。」舞子命令我。

「呢個廣告Skip 唔到架。」

「有無搞錯呀！」

「你之前又話自己唔係細路，但依家又睇埋啲咁低b嘅片。」

「睇下唔得咩，你依家係咪唔俾呀？」舞子嘟起個嘴。

「唔係。話時話，你地喺呢度玩左咁多日，諗住幾時返日本呀？」

「唔知呀，返去咁無聊，遲啲返都得啦。」

「但我見你地都呢排都無所事事。」

「係架，做鬼真係幾無聊架。我地咪就係無聊得滯所以先偷邱比特支槍嚟玩囖。」

「結果我俾你地玩殘埋。」

「你依家無穿無爛算係咁啦，之前有個人被我地玩到Jer Jer都無埋。」

「哇，你地咁仆街嘅？」

「有時玩得太興奮，會過左小小火。」

我望望時間，原來已經兩點鐘，「原來已經兩點幾架啦，我要訓教，你聽日先睇啦。」

「睇埋呢條先啦，你聽日都唔洗返工，唔洗咁早訓啦。」

「好啦，俾你睇埋呢條。」

我刷完牙，熄燈訓教。

第二日天仲未光，鐵男就嘈醒左我。

「喂，Dickson，起身呀，呢個坪洲點去架？」

「咩呀？唔好嘈啦，俾我訓多陣先啦。」

「我要去坪洲，你訓醒之後快啲帶我去。」

「頂，唔係掛，又陪你去啲咁遠嘅地方，俾我抖下得唔得呀？」

「幫幫忙，我好想去呢度睇下，求你帶我去。」

「好啦好啦，怕鬼左你，我訓醒陪你去。」

我啱啱訓返著，突然又被電話鈴聲嘈醒左。

係圓圓打嚟。

佢問我今日有咩做，我話可能去坪洲，佢又話要跟埋嚟。

有趣有趣 支持下

多謝支持