《徘徊在似直又攣之間》

推

快啲啦師兄

推

去咗邊

推第一次追連登故追到咁入神

Pish

五日了

召喚樓主

BTW 樓主有冇聽 fake plastics tree

第二日，當我醒嚟嘅時候，圓圓已經走左，留低件白tee同波褲。

我刷完牙落街食個早餐，然後就搵師傅上嚟維修個水龍頭。師傅搞左半個鐘，同我換左個水龍頭，收左錢就走左。

間屋又剩返我一個人，我攤喺床度，個腦諗返起琴晚同圓圓扑嘢嘅情形，又諗起我地一齊踩單車、睇日落，諗起我唔開心嗰陣佢講爛gag引我笑，又諗起佢用萬幾蚊撲張黃牛飛，請我去睇Radiohead…

我一諗起佢，個心就會噗噗噗咁跳得好快，但係之後嗰幾日圓圓都忙住搞去英國嘅嘢，所以都無嚟搵我。

我無見佢幾日，個心就囉囉攣，好掛住佢。

圓圓臨飛去英國嘅前一日，我地幾個約出嚟食飯當係同佢餞行。

圓圓話佢聽日搭朝早六點鐘機，叫我地唔洗嚟送機，一諗到有一段時間都見佢唔到，我就有啲sad，而且真係唔捨得。

散席後，我送圓圓去車站搭車，佢問我：「Dickson，點解你成晚都好似心不在焉咁嘅？」

「係咩？無呀。」

「係咪見我要去英國所以就唔開心呀？」

「Er…呢個…Er…」

「哈哈，第時得閒你咪過嚟英國探下我囖。」

「好...好呀...」

「咦，有車嚟啦。」

一架巴士緩緩咁駛埋站。

「你記住呀，你隻腳未完全好返架，無乜嘢都唔好周圍走呀，知唔知呀？」圓圓叮囑我。

「知啦。」

「咁我走啦，你仲有無嘢想同我講架？」

我望住圓圓，個心跳得好快，腦海一片空白都唔知講咩好，「我…」

個「我」字剛出口，圓圓一下攬埋嚟，佢話：「Dickson，保重啦。」

佢好快咁攬完，跟住就行上巴士。

佢喺巴士上同我揮手道別，我喺度諗，我係咪應該追上巴士叫佢留低。

但諗下諗下，嗰架巴士已經駛走，並從我視線中消失。

返到屋企，我同舞子喺度睇YouTube，舞子睇得好開心，而我對眼望住個mon但個心就諗緊圓圓。

「Dickson，你做咩呆左呀，呢條片完左啦，播放下一條啦。」

「下？你講咩話？」我諗得太入神，無聽到舞子講嘢。

「我叫你㩒下一條片，你做咩呀，成晚都心事重重咁嘅，係咪有咩煩惱呀？」

「我好似…鐘意左圓圓…」

「哇，真係架？咁你有無同佢表白呀？」

「無呀，佢聽日就要去英國啦。」

「下？咁你仲等咩呀，趁佢去英國之前快啲同佢表白啦。」

「但係我應該點講呀，直接同佢講我鐘意佢？定係學鐵男咁寫情信呀？我洗唔洗送埋花俾佢呀？」

「只要你直接講出你嘅心意，圓圓就會接受你，唔洗搞咁多嘢。」

「真係？」

「人地鐘意左你咁耐，就係等你開口表白渣嘛。」

「但佢要去英國，我驚佢會…」

「驚咩呀，只要你叫佢唔好走，咁佢就會留低架啦。」

「係咪架？」

「梗係啦。你唔好諗咁多，人地就嚟走啦，快啲去表白啦。」

喺舞子嘅鼓勵之下，我決定趁圓圓走之前同佢表白。

凌晨三點幾，我嚟到圓圓屋企樓下，見到佢拖住個gip行出嚟。

「Dickson，你點解會喺度嘅？」佢有啲愕然，「都話唔洗嚟送我機。」

「我唔係嚟送你，而係...」

「咁係做咩呀？」

我行到佢面前，好真誠咁對住佢講，「圓圓，我鐘意你。」

圓圓呆左咁望住我，「你…講咩話…」

「我鐘意你。」

「你鐘意我？」

「係，呢幾日我腦海諗嘅全部都係你。我鐘意你。」

圓圓無講嘢，雙眼汪汪咁望住我。

「我唔捨得你走，你可唔可以留低唔好去英國呀？」

圓圓一下攬住我，「你真係唔想我走？」

「係，我唔捨得你。我想同你一齊，想日日都可以見到你」

圓圓雙手攬實我，「我唔走，因為我都唔捨得你…...」

就係咁，我同圓圓喺埋左一齊，我咁大個人都係第一次同女仔拍拖，我發現無論係同性戀定係異性戀，嗰種愛情嘅感覺都係一樣。

畢竟，鐘意一個人係無分男女，鐘意就係鐘意。

同圓圓一齊左之後，我決定使用嗰個「吸光安全套」，諗住將體內道「同志之光」吸出嚟，從此做一個直男。

幾日無文，同大家講聲sorry先

呢首都算係佢哋既hit song，當然有聽過

睇黎跟住gay緣巧合,吸咗道直男之光出黎

可唔可以比個happy ending
唔好吸錯光

咁圓圓咪好慘

大家都睇你頭

唔會吸錯既..應該...

係，個故其實鳩流流

唔好吸錯啦 圓圓會好慘

千祈唔好吸錯啊

起碼感受唔到你對gay有任何惡意，支持你啊巴打！

即係咁 如果唔係有條女埋身而家有條仔 而Dickson又ok嘅 就繼續做gay?

中咗兩重光(某種意義上嘅bi)嘅下一次拍拖係咩性別 之後成世都袛可以同嗰個性別拍拖?

雖然未必係特登
但係feel到樓豬無意識中設定咗異性戀=正常

咪咁撚玻璃心啦

咪係囉

我作為hehe，反而睇得幾舒服
我諗呢位巴打都無惡意既