《徘徊在似直又攣之間》

故啊

好想屌圓圓

圓圓慘

文呢

邱比特離開後，我就沖涼訓教。

第二日訓醒，我見到間屋一片凌亂，衣櫃被人打開左，我啲衫被人摷曬出嚟，入面一件黑色有帽衛衣、一條牛仔褲以及一條三角底褲不翼而飛，仲有檯面上嘅人造人模型都唔見左。

仆街！琴晚唔通有人入屋爆竊？

我立即檢查下有無財物損失，發現銀包嗰兩百蚊唔見左，不過提款卡同嗰張支票就無被人偷走。

而奇怪嘅係，門鎖係無被人撬開過嘅痕跡，究竟係咩人入過嚟偷我啲嘢？

我再仔細檢查下間屋，睇下仲有咩嘢唔見左，最後確認真係得幾件衣物、兩百蚊現金同嗰個模型唔見左。

我見無乜嚴重損失，所以都唔打算報警。

今晚訓之前一定要鎖好曬啲門窗，唔可以再俾賊仔入嚟偷嘢。

我刷完牙洗完面，收拾好個地方，跟住就落街食早餐。

我一邊食緊個火腿通粉，一邊諗緊琴晚究竟係咩人入屋偷我啲嘢？點解淨係偷左我少少錢同幾件衫仲有嗰個咁樣衰嘅模型？同埋大門無被撬開過嘅痕跡，咁賊人係用咩方法入我間屋？

可惜我無偵探嘅頭腦，呢幾個問題諗左好耐都諗唔到答案。

食完早餐，我見今日天氣唔錯，於是就到公園坐下曬一下太陽。

我坐喺長凳望住啲阿公阿婆喺度做晨操，耳仔就帶上耳機聽Radiohead。

坐左一陣，我見到遠處有條友著住件黑色衛衣，用頂帽笠住個頭喺街口經過，嗰個人身上嘅衛衣有啲面善，好似就係我唔見左嗰件。

我追上前諗住睇清楚啲，但當我行到出去街口，條友就唔知行左去邊，唔見左人影。

「嘩啦嘩啦—」

突然間，個天落起大雨。

我冒雨跑返屋企，返到屋企樓下，見到Anna喺樓梯口煲煙，我同佢打左聲招呼，佢見我全身濕曬，遞左包紙巾俾我抹身。

「多謝。」

頭先嗰場原來只係過雲雨，啲雨好快就停左，依家出面陽光普照。

「哥仔，呢排見你好似好得閒咁，你唔洗返工咩？」Anna問。

「最近失業，無工返呀。」

「咁慘？被人炒左呀？」Anna遞俾我一支煙，但我唔食煙，所以無要到。

「係呀，因為我工作表現唔好加上曠工多日，所以咪被人炒左囖。」

「無工返就無糧出，你快啲搵過第二份工啦，遲啲無錢交租你就要訓街架啦。」Anna吐一口煙。

「我好快會搵架啦。係啦，我見你呢排生意咁好，晚晚都有人排隊幫襯你，應該搵左唔少錢啦。」

「過得去啦，不過我到依家都唔知點解我同啲客搞嘢嗰陣無啦啦會浮上半空，唔通真係鬼作怪？定係我間屋啲磁場有問題？」

「可能你本身就有呢個超能力。」

「哈哈，都唔排除有呢個可能。」

「其實你有無諗過，搵到幾多錢之後就唔做呢行？」

「無呀，我諗住做到停經為止。」

「你話你喺日本留過學，你嘅學歷應該唔差，照道理可以搵份好啲嘅工。」

「係呀，我以前讀大學year2嗰陣的確係去過日本做交流生，但我無畢到業，我返嚟香港讀到year3下學期就退左學。」

「點解嘅？」

「嗰陣識左條仔，我被佢搞大左個肚，不過佢唔想負責任所以就飛左我，咁都不得止，條友向大耳窿借左六十幾萬炒股，仲喺借據上面擔保人嗰一欄寫左我個名，最後佢炒燶左股票著左草，而啲大耳窿就逼我幫佢填左筆數，嗰陣我屋企好窮，我阿爸阿媽淨係俾左筆錢我去深圳落仔，至於嗰筆數我就要自己出嚟打工賺錢去還。」

「你就係因為咁被逼退學，提早出嚟打工還錢？」

Anna點點頭，吐出煙圈。

「嗰條友仔真係好撚仆街，正一賤男嚟。」

「無計啦，怪就怪自己當時有眼無珠，無帶眼識人。」

「咁之後你有無去搵嗰個男人算賬？」

「無呀，條友好似人間蒸發左咁，我都唔知去邊度搵佢。」Anna吐出最後一啖煙，跟住隨手「dum」走支煙頭，「好啦，我唔同你講啦，我有啲眼訓，返上去訓陣先。」

突然間，有人係後面拍我膊頭。

「喂！」呢個人就係圓圓。

「喂？點解你喺度嘅？你唔洗返工咩？」

「我唔想返咪唔撚返囖。」

「你咁樣『射波』，明哥會炒你架wor。」

「屌，炒咪炒囖，我都唔志在。」

「咁你嚟搵我做咩呀？」

「搵你玩囖。」

「玩？」

「唔好講咁多，跟我行啦。」

圓圓帶我去沙田踩單車，落完雨嘅天氣又唔太熱，的確幾適合踩單車。

我地諗住由沙田沿單車徑踩到去大尾篤。唔知係咪圓圓個胸太大，導致有好大嘅風阻，佢踩得好鬼慢，搞到我都要放慢速度遷就佢。

「你可唔可以踩快啲，以你咁嘅速度踩到聽日都未去到大尾篤。」

「頂，我已經踩得好快啦。」

「龜咁嘅速度都叫快？」

「我呢架車好似唔係咁好踩，不如我地換車試下。」

「架架車都係一樣架啦，你自己踩得慢就唔好賴架車。」

「你條仆街咁串，我依家未熱身姐，等我熱左身陣間肯定踩得快過你！」

「好呀，咁就睇下邊個快啲啦！」

過左一陣，圓圓真係全力加速，但速度仍然係好慢。

我地從日頭踩到黃昏，踩左好耐先踩到去大尾篤，我地踩到好攰，就咁坐左喺地下，對住個水壩，遙望日落景色。

圓圓滿頭大汗，今日嘅佢無化妝，夕陽餘暉映照喺佢臉上，浮現出一種自然樸素嘅美態。

「做咩又偷望我呀？」

「無呀，我無偷望。」我轉移視線，打開水樽，大啖大啖咁飲水。

「留返啲俾我。」

我飲完之後，遞支水俾圓圓，佢唔離口咁飲我支水。

如果一個女人唔介意飲你啲口水尾，咁代表左啲咩？

樓主加油加油，加速

「個『鹹蛋黃』好靚呀。」圓圓望住夕陽，發出讚歎。

「係呀，好靚。」

「如果時間永遠停留喺呢一刻就好啦。」

「太陽每日都會落山架啦，今日睇完聽日又有得睇，雖然好靚但都唔係好特別姐。」

「雖然黃昏每日都有，但唔係每日都有人陪你一齊睇。」

我無出聲，我唔知佢口中講嘅「人」係咪講緊我。

我地靜靜咁欣賞日落景色。到左夜晚，我地就搭巴士返市區。

唔知係咪太攰嘅緣故，圓圓一上車就挨喺我膊頭訓著左。

我眼尾不時睄下佢訓教個樣，過左無幾耐我都訓著左。

架車唔知行左幾耐，我訓到半路就醒左，睜開眼嘅時候，發現圓圓眼甘甘望住我。

「醒啦？」

「仲未到站咩？」我望出窗外，睇下架巴士去到邊。

「好快啦，過多兩個站就到。」

落左車，我地到附近餐廳食完飯，跟住我就送圓圓返屋企。

我地大家都好攰，所以行得好慢，而且都無乜點講嘢。

臨別前，圓圓話：「聽日你早啲起身，我地要去海洋公園玩。」

「下？聽日你諗住又唔返工呀？」

「係呀。」

「你真係博炒？」

「無所謂啦，炒咪炒囖，我都唔志在份工。」

「但係...」

圓圓伸伸懶腰，打個喊露，「好攰呀，我要返上去沖涼訓教啦，我地聽日見啦，byebye。」

「Bye bye。」

我拖著疲累嘅身軀返到屋企樓下，見到一班街坊喺樓梯口圍觀，現場有兩個警察同Anna錄緊口供，仲有一個著黑色衛衣嘅人被警察捉住左。

我認得嗰件衫同佢著緊嗰條褲！呢條友係偷我嘢嘅賊仔！

我行上前捉住條友，「就係你條友琴晚偷左我啲……」

呢個賊仔...我認得佢…呢條友係…係嗰隻人造人模型！

「乜你識佢架？」個警察問我。

「Er…….」我口窒窒唔知點答好，諗緊點解呢隻嘢會著左我啲衫周圍走。

「呢條友叫雞唔俾錢，依家準備帶佢去警局接受調查。」警察同我講。

叫雞唔俾錢？

嗰個人造人模型「dup」低頭，用頂帽笠住個頭，唔敢望我。

究竟發生咩事？點解呢隻嘢會自己偷走左出嚟，唔通係智能叛變？

如果一個女人（唔計老母）唔介意飲你啲口水尾，咁代表左啲咩？

呢樣嘢都係筆者自己一直以來既迷思...

無咩特別

兩個警察準備帶隻人造人返差館，而呢個時候舞子唔知喺邊度攝出嚟，佢掹住我衫尾話：「Dickson，你快啲去救鐵男啦，佢就嚟要被人拉去差館啦！」

「咩話？鐵男？」

「係呀，鐵男依家附身喺隻人造人模型上面，你快啲去救佢！」

頂！唔係掛？鐵男條友做乜上左隻人造人公仔嘅身？

「你講真架？」我問舞子。

「係呀！」

頂！鐵男又喺度搞搞震！

「等等！」我上前叫停兩個警察。

「咩事？」一名警察停下腳步。

「其實叫雞唔俾錢好小事姐，你地唔洗拉佢去差館咁嚴重嘅。」

「依家呢位先生不但叫『霸王雞』，而且無身份證喺身，我地依家懷疑佢係偷渡客，要帶佢返去調查。」

「唔係唔係，佢唔係偷渡客，佢係我朋友嚟，佢頭先同去食飯嗰陣唔小心跌左張身份證，佢聽日會去補領架啦，至於佢叫雞嘅錢，我嚟幫佢俾。」

「你係佢朋友？咁佢叫咩名呀？」

「佢叫...叫陳鐵男...」

「陳鐵男？」個警察一臉懷疑。

而我就拿拿臨拎幾舊水出嚟俾Anna，「Anna，佢筆錢我幫佢俾，你唔好告佢啦。」

Anna數數鈔票，「好啦，我同兩位阿sir講聲啦。」

「兩位阿sir，呢件事我唔再追究啦。」Anna行過去同警察講。

「既然事主唔追究，咁可以放人啦？」我問警察。

「但係，呢條友無身份證，而且夜媽媽笠住個頭，鬼鬼鼠鼠咁，形跡可疑，個款似係偷渡客，我地要押佢返去調查一下。」

「阿sir，佢真係我朋友嚟，我可以保證，佢只係唔見左張身份證，絕對唔係偷渡客！」

「真係？」

「真架，我無講大話……」

最後，我曬左好多口水，講左好耐先說服到兩位警察放走「鐵男」。

事情總算告一段落，我帶舞子同俯身喺人造人身上嘅鐵男返上屋企。

「鐵男，你搞乜嘢呀？你做咩上左隻模型嘅身？而且仲偷我啲衫同錢？」

「我都係諗住玩下姐。」

「你要玩都同我講聲，我以為琴晚有賊入屋呀。仲有，你快拎返啲錢出嚟。」

「啲錢洗曬啦，原本我想著埋你對鞋，點知發現唔啱著，所以就拎兩百蚊買左對白飯魚。」

「咁你除左去買左對白飯魚同叫雞之外，你仲去左邊、做左啲咩嘢？」

「到處行下，周圍撩下女咁囖。」

「係咁多？」

鐵男點點頭。

「你條鹹濕佬咁饑渴，無周圍強姦人都算還得神落啦。你快啲除返曬啲衫褲俾我，以後唔好再偷我啲錢，唔好再叫『霸王雞』，仲有唔好再上呢隻嘢嘅身，」

「放心，我唔會再叫雞，我會正正經經溝Anna。」。

「下？聽你咁講，你諗住以後都附身喺呢隻人造人模型身上呀？」

「梗係唔係，我同鐵男講好左，每人輪流上身一日，聽日輪到我上身。」舞子喺隔離搭嘴。

I see..

今日又會咁得閒出文嘅

有時無idea，可能就出得慢啲

好睇 樓豬加油

加油啊，等你

「咪玩啦，我今晚就收埋個模型，唔會俾你地隨便上佢身。」

「Dickson，你放心啦，我地唔會俾到麻煩你架。」舞子說。

「無得傾。」

「咁你姐係信唔過我地兩個姐？」鐵男問。

「係呀，我就係驚你地喺出面闖禍，我唔想又幫你地執手尾。」

「Dickson，我地保證唔會搞搞震。」

「係呀，我都會好守規矩架。」

「我地唔會周圍闖禍俾麻煩你架。」

「我想同Anna有更多交流呀......」

舞子同鐵男佢地左一言右一句，我最後都係耳仔軟，容許佢地輪流上呢隻雙面人造人模型嘅身。

今日踩左成日單車，又同警察周旋一輪，我已經身心疲累，我沖完涼，十點鐘左右就訓左教。

第二日天蒙光就有人敲門。

聽聲就知道係圓圓，我打開門俾佢入嚟。

「Hello，啱啱訓醒呀？」圓圓買埋早餐上嚟。

我伸伸懶腰，「係呀。」

「咁你快啲去刷牙洗面啦。」

正當我要入廁所，有個女人咁啱行出嚟。

「咦，Dickson，今日咁早起身嘅？」呢個女人就係嗰個雙面人造人模型。

舞子已經上左呢隻嘢嘅身，以公仔女人嘅嗰一面示人，佢身上仲著緊我件黑色衛衣同牛仔褲。

「呢個女人係...邊個嚟…」圓圓行過嚟問。

「Hello，我叫舞子呀，好高興認識你。」

「你好，我叫圓圓。」圓圓見到舞子，表情好似有微妙的變化。

「我知呀，我見過你架。」

「你見過我？」

「係呀，不過嗰陣得我見到你，你...」

「舞子，唔好講啦，你快出嚟啦，我要用廁所呀。」我打斷舞子，唔俾佢講落去。

「我買左早餐，你一齊嚟食啦。」

「咦，有早餐食呀？太好啦，我好耐無食過嘢啦。」舞子見到滿檯食物，滿心歡喜。

我刷完牙同佢地兩個一齊食飯，圓圓全程都無咩出聲，而舞子就津津有味咁享用圓圓買嘅早餐。

「係啦，Dickson，你陣間可唔可以陪我買衫？」舞子一邊飲豆漿一邊問。

「唔得wor，今日我要同圓圓海洋公園。」

「海洋公園？我又要去！」

「下？唔係掛？」

「圓圓，你可唔可以跟你地一齊去海洋公園呀？」舞子詢問。

圓圓笑一笑，「好，多個人熱鬧啲好玩啲。」

「好嘢！有得去海洋公園！Dickson，陣間你要陪我坐過山車。」

「過山車呢啲嘢淨係啱你呢啲細路玩。」

「我依家有波有籮，邊忽係細路？睇你個樣，你似係唔敢玩過山車wor？」

「我梗係敢啦！」

「咁你陣間就陪我玩過山車同跳樓機......」

圓圓喺一旁無講過嘢，只係靜靜咁食早餐，舞子留意到圓圓好似過於沉默，所以主動撩佢講嘢，但圓圓好似唔多願意同舞子傾計，求其講啲嘢敷衍一下。

之後我地食完早餐就準備出發，但出發之前舞子嫌棄身上件黑色衛衣同牛仔褲，佢摷勻我個衣櫃，搵到一件灰色有帽風褸同黑色扯布褲。

喺佢入廁所換衫嘅時候，圓圓同我講：「你地識左好耐架啦？」

「Er…幾個月左右啦。」

「你地關係好似幾好wor，佢又著你啲衫，又住喺你屋企。」

「都...點講呢...其實佢…」

「行得啦！」舞子從廁所行出嚟，換好衫笠埋帽，表現雀躍，「你兩個仲企喺度做乜？我地快啲行啦！」

我地三個一齊嚟到海洋公園，舞子心情好興奮，係咁拉我去玩各種機動遊戲，而圓圓就好似有啲悶悶不樂，玩得一啲都唔投入。

「Dickson，圓圓，行快啲啦，海豚表演就嚟開場啦！」舞子行喺前頭，催促我地。

「唔好行咁快，我地攰呀。」我同舞子並肩一齊行。

「你地行咁慢，唔等你地啦，我行先啦。」講完，舞子就一支箭咁行遠左。

依家得返我同圓圓，我問：「海洋公園唔好玩咩？點解你好似唔係咁唔開心咁嘅？」

「可能琴日踩單車踩得太攰，搞到今日無乜精神。」

「咁你今日應該好好休息一下。」

「我見你呢排失業日日匿喺屋企咁無聊，諗住出嚟陪下你姐。」

「咁你無返兩日工，明哥有無打嚟搵你，問你點解唔返工？」

「有，不過我無聽佢電話。」

「就算份工你唔鐘意做，你都返公司遞封信講明哥講聲，好嚟好去呀嘛。」

「得架啦，我聽日會返公司架啦。唔好講咁多啦，我地行快兩步，表演就嚟開始架啦。」

太陽西下，黃昏時分，我地陪舞子睇完海豚，就搭車返市區。

我同圓圓一齊坐，佢坐喺窗口位，全程佢都無出聲，靜靜咁望住窗外徐徐落下嘅夕陽。

到站後，圓圓話臨時有事所以同唔到我地一齊食晚飯。

之後嗰一個禮拜圓圓都無搵我，而我都著手開始搵工，但就如圓圓所講，依家市道唔好，要搵工真係一啲都唔容易。

我send左好多份CV但得一份工有回音叫我去見工。

呢日，我嚟到呢間貿易公司見工，個HR問左一大輪嘢，我又答左一大輪嘢，我自問面試嘅表現都唔算差，但個HR都係叫我返去等消息。

叫得你等消息就多數都唔會請。我依家戶口嘅積蓄應該可以俾我捱多兩個月嘅，呢份如果唔得唯有再搵過第二份。

面完試後我無返屋企，去左附近嘅公園鳩坐hea時間。

我見太無聊，諗住text一下圓圓搵佢傾下計，但佢可能忙緊，所以無覆我。

坐左一陣，「陳鐵男」嚟公園搵我。

「原來你喺度。」鐵男又上左人造人模型嘅身。

「做咩呀？咁得閒搵我，你唔係忙緊溝你嘅Anna咩？」

「係呀，但你知啦，溝女都要錢架嘛，你可唔可以借五千蚊嚟呀？」

「五千蚊？你想點呀？你諗住請Anna去半島食西餐呀？」

「係wor，你呢條橋好似幾好wor，咁你再借三千嚟啦。」

「癡線，你還得起嗰啲先叫借，但你條友身無分文，我俾八千蚊你咪等於送錢俾你洗？」

「Dickson，我地識左咁耐，大家又咁熟，送小小錢俾我洗都唔係好大問題姐。」

「問題係我依家無工返無收入，所以啲錢要慳啲洗。」

「我明嘅，區區八千蚊應該不足以溝到Anna，我會自己再諗辦法架啦。」

「點解今次咁順攤嘅？俾著之前你肯定會死纏爛打架wor。」

「如果要得到Anna嘅肉體，一次就要俾600蚊，但唔知要洗幾多錢先可以得到佢個心，可能係八萬，可能係八十萬，你依家咁窮，我借得你一次都借唔到第二次。」

「咁有時無錢都可以溝到女嘅。」

「係咩？」

「你可以靠你嘅才華嚟吸引對方，你話你係編劇，寫嘢肯定好叻架啦，咁你咪試下寫情信俾佢囖。」

「寫情信？」

「試下囖，可能得掛。」

lm

「叮鈴鈴——」電話響起。

係阿威打嚟。

佢約我今晚落酒吧飲嘢，喺電話入面佢話自己最近性生活好苦悶，要搵人傾訴下。

我心諗佢條友平時都係睇人扑嘢自己打飛機，本身都唔算有咩性生活，依家無得睇人屌自己老婆就覺得苦悶，真係怪人一個。

夜晚十點半，我嚟到中環SOHO區一間高級酒吧赴約。

阿威已經開左幾支靚酒，一邊飲一邊等我。

「乜你咁遲架？」阿威投訴道。

「遲左小小姐。」

阿威幫我斟酒，「呢支法國XO，正嘢嚟架，你試下。」

我淺嘗一口，「酒嘅嘢我唔係好識，呢杯嘢嘅味道好似怪怪地咁。」

「飲多幾啖你就覺得正架啦。」

「你咁得閒約我飲酒，你唔洗陪Kelly咩？」

「Kelly依家九點就訓啦。唉，呢排生活真係好苦悶呀，我差唔多有成一個月無發洩啦，早幾日我竟然夢遺，你知唔知呀，我差唔多成十幾年未試過夢遺啦，你話我係咪真係好壓抑好苦悶？」

「忍下啦，幾個月好快就過。」

「幾個月？至少仲有八個月呀，成八個月無得出火，我肯定人都癲，我唔理呀，Kelly好快就見肚，到時你一定要嚟同佢搞嘢。」

「唔係掛？」

「我遲啲會買嗰啲有固定裝置嘅情趣椅，咁你可以同佢搞嘢之餘，佢又唔洗郁動咁多，你話係咪好正呢？」

「係…係掛…」

「你做咩唔飲酒呀，好嘢嚟架，快啲飲多幾杯啦。」阿威又幫我斟酒。

「啪啦——」身後傳來打爛玻璃嘅聲音。

「Dickson，你有無搞錯呀！你又打爛酒？你知唔知呢個月你打爛左幾多支酒呀？」

Dickson？

我擰轉面一睇，見到酒吧經理喺度鬧Dickson。

呢個Dickson就係Sam以前個老公。

「賠？你點賠呀？一支酒貴過你份糧呀！」個酒吧經理鬧得好勁。

呢個時候，阿威出面調停，「無事無事，支酒都唔係好貴姐，下次小心啲就得啦。你唔好嘈啦，免得影響到其他人客。」

「對唔住，老闆。」經理向阿威致歉。

「無事，你快啲拎過第二支酒俾客人啦。」

「係。」

Dickson拎掃把清掃地上嘅碎片，佢個樣睇上去好憔悴。

「嚟啦，我地繼續飲酒。」阿威坐返埋位。

「原來你係呢間酒吧嘅老闆。」

「係呀。」

「啱先打爛嘢嘅員工喺呢度做左好耐架啦？」

「係呀，佢同你一樣都係叫Dickson，佢以前係bartender嚟，校酒好叻架，但係自從佢愛人死左之後佢就性情大變，返工成日神不守舍，調酒嗰陣會無端端喊，有時仲會突然嗌啲客做Sam，我見佢情緒咁唔穩定所以就調佢做waiter，仲俾佢由全職轉做兼職。」

估唔到Sam嘅死對Dickson嘅打擊係咁大。

Dickson經過嘅時候，佢望我一眼，只見佢眼神空洞，神色黯然，眼眸裡好似蘊藏著深不見底嘅哀傷。

「喂？你做乜呆左呀？快啲飲啦！」阿威不斷勸酒，佢成晚係咁講自己最近嘅生活幾無聊苦悶。

呢晚，我地飲到夜晚三點幾先散場。

嘩屌 又sad過

好sad

阿威喝得爛醉，咁啱佢個司機又放左假，於是我就捱義氣送佢返屋企。

我扶住佢喺條街截的士，可能佢醉得太犀利，佢成個人訓喺我身上，雙手從後攬住我，結實嘅胸膛緊貼我嘅後背。

佢貼埋嚟我個身度，搞到我下面不由自控咁硬左，但我知道好快就會軟返，因為最近我每隔一個鐘就會轉一次性取向，啱先飲酒嗰陣大大話話我都轉左四次性向，我諗再過多半個鐘我就會變返直。

但係阿威越攬越實，而且仲伸手周圍摸，好彩條街無咩人，如果唔係肯定俾人以為我地當眾搞基。

等左好耐我先截到的士，上到車，阿威就喺度自言自語：「性苦悶呀，無得睇老婆被人屌，我性苦悶呀…」

個司機大哥聽到阿威咁講，個心一定諗緊呢條友係咪癡線佬，試問邊度有男人鐘意睇自己老婆被人屌。

大約二十分鐘之後，的士駛到阿威間別墅，呢刻嘅阿威已經訓著左，我揹住佢返入間屋。

別墅入面一片漆黑，Kelly同管家都已經訓左。由於阿威實在太重，我揹左一陣就無曬力，無辦法再揹到佢上樓，所以我就求其放佢喺客廳張梳化度。

我放低佢之後諗住走人，但阿威突然發酒癲，攬實我唔鬆手。

佢雙手環抱住我，我成個人伏喺佢個心口度。

「性苦悶…性苦悶….」佢細細聲咁喺我耳邊講。

我好耐都無試過咁樣被人攬住，呢一刻我突然有種心跳加速嘅感覺。

不過呢種感覺好快就消失左，因為幾分鐘之後我由攣變返直，個世界由粉紅色變成紫色。

我從阿威嘅懷抱掙脫出嚟，跟住就離開左別墅。

回程嘅路上，我喺度諗，我係咪以後都要咁，係咪我以後都要喺兩道光之間遊走？

但上次我同邱比特講我想變返正常，俾佢反問我正常姐係點，嗰陣嘅我竟然答唔到。

正常…即係點？

要變返做基佬？還是做直男？抑或係男女都啱？

我頓然感到好迷茫，照計我應該好想變返做基佬，但諗諗下又覺得男女通殺好似都唔錯。

究竟我想變返一個點樣嘅「正常人」？

不過依家諗呢啲問題都係多餘，只要兩道光仲喺我嘅體內，我永遠只會係一個時直時攣嘅怪人。