《徘徊在似直又攣之間》

鹹濕版世界奇妙物語
cls故仔

坪洲，位於港島北面，島上住左大約八千個居民，相比起其他離島，坪洲唔係熱門嘅旅遊點，但比其他熱鬧嘅離島多了一份平靜，令人能夠細味呢個小島嘅歷史和風情。

我唔知點解鐵男咁鐘意嚟香港啲離島玩，我又唔知點解自己又肯帶佢地嚟，明明係佢兩個搞到我雞毛鴨血...

我呢排真係被鬼迷，唉...

圓圓今日一身普通悠閒裝，著件緊身tee加條牛仔褲。

鐵男全個船程望住圓圓對大波，但一落船又急急腳咁自己飄走左。

舞子無跟埋去，佢跟住我同圓圓。

「你點解咁撚鐘意嚟離島玩？」圓圓問我。

「你唔鐘意呀？咁你又跟住嚟？」

「我幾時話唔鐘意，我只係問你點解鐘意姐？」

「唉，我自己都唔知點解。」

「係啦，下個禮拜Radiohead嚟香港開演唱會，我有兩張飛，你有無興趣一齊去睇呀？」

「真定假呀？依家出面一票難求，最平嗰張飛都炒到四千蚊張，你竟然有飛？」

「真架，仲係前排位。」

「咁正，我梗係去啦。」

「咁一言為定啦。」

舞子靜靜雞行過嚟同我講：「Dickson，呢個女仔好似鐘意你wor。」

「細路仔識咩呀你？」

「嗯？細路？邊度有細路呀？」圓圓問。

「無，我隨口發噏風姐。」

「點解你呢輪成日無端端對住空氣講嘢？」

「我撞鬼呀嘛，所以咪同鬼講嘢囖。」

「頂，你又喺度講埋曬啲鳩嘢，世界上邊有鬼架？」

「唔信就算。話時話，你知唔知坪洲有咩好玩呀？」

「唔知呀，周圍鳩行下，睇下有咩玩囖。」

我地就喺坪洲鳩hea左成日。傍晚搭船返出市區嘅時候，我見鐵男好似無乜心機咁，見到靚女都唔望。

食過晚飯，我就送圓圓返屋企樓下，佢問我：「你有無興趣上去坐下呀？」

我搖搖頭，「唔啦，時候都唔早啦，我費事打攪你。」

「咁算啦。Goodnight啦，基佬Dick。」

我今日真係全日都係處於基佬模式，估唔到圓圓都幾觀察入微。

返到屋企，舞子繼續睇笑波子，鐵男就去左裝人扑野。

而我喺沖涼房，沖沖下涼，聽到隔離房嘅人喺度聽收音機。

劏房嘅隔音好差，經常都會聽到由隔離傳出嘅聲音。

隔離屋嘅收音機播放緊張國榮嘅《儂本多情》。

「情愛 就好像一串夢
夢醒了 一切亦空。」

呢首歌勾起左我好多回憶。

Sam係張國榮嘅歌迷，呢首係其中一首佢好鐘意嘅歌。佢成日都會喺我耳邊哼呢首歌，佢話，佢呢生人淨係鐘意兩個男人。

一個係張國榮，一個係我。

沖完涼，我攤上張床度碌IG。因為Sam喺IG上block左我，所以我要特登開左個新ac嚟follow佢個IG。

最近佢po左好多同仔仔嘅合照，我越睇個心就越難受。

原來自己仲未能忘記佢。

唉...

「情愛~就好像一串夢~夢醒了~一切亦空。」舞子突然喺我身邊唱起歌。

佢有一把治愈嘅聲音。

「舞子，我發覺你唱歌都幾好聽。」

「梗係啦，我以前好細個就俾父母送左去大阪啲歌廳訓練做歌女。」

「咁細個就做歌女？」

「係呀，嗰時屋企太窮，父母養唔起我，咁咪送左我去歌廳囖。」

「咁你係點死架？」

「嗰時舞廳火燭，我被啲煙焗死架。」

「咁咪死得好慘？」

「燒死慘啲。」

「你同鐵男係咪識左好耐？」

「都唔係好耐，三四年咁啦，鐵男佢都唔係死左好耐。」

「我見佢回程嗰陣唔係咁開心，你知唔知佢發生咩事呀？」

「你地男人嘅嘢，唔係為錢就為女人架啦。」

「哇，你講嘢咁老積嘅，又喺度扮成熟？」

「Dickson，我死嗰陣你都未出世呀。」

「係啦係啦，知你勁啦，你唔好再睇笑波子啦，我要訓教啦。」

「睇埋先啦...」

熄燈之後，我訓上張床，舞子喺側邊好細聲咁清唱《儂本多情》。

我喺佢溫柔嘅歌聲中慢慢入寐。

「同你 在追逐一個夢
夢境消失歲月中，唯有
在愛中甦醒時 方知愛情非自控……」

樓主咪掛住同dickson 69 啦，快返嚟出文

又幾好睇喎~

第朝醒來，刷完牙換完衫，又要去返工。

最近我一直都開唔到單、sell唔到客，我地個部門主管明哥對我十分不滿。

佢今日仲係會議上點名批評我。

「Dickson，你食左屎呀？成幾個禮拜都開唔到一張單？」

「明哥，對唔住，我會加緊努力去搵客架啦。」

「頂你個肺呀，你上個禮拜已經咁講啦，你呢兩日再sell唔到單你就同我執包袱走人，understand？」

「我知啦，明哥，我會俾心機架啦。」

「俾心機有鬼用咩，要用腦，你有無腦呀？廢柴！」

「明哥，開唔到單姐，洗唔係咁鬧人廢柴呀？」圓圓開聲幫我擋。

「圓圓，依家我鬧緊人，你可唔可以安靜小小？」

「Fine，我只係善意提醒你一下，想你積下口德姐。」

「你唔好以為你開到單就可以喺度咁招積？」

「係架，我個個月嘅業績都好過你，如果你唔係老闆娘個契家佬，你都唔會坐到呢個位啦？」圓圓一臉不屑。

「你講咩呀？有本事你講多次！」明哥好嬲咁拍張檯。

「你兩個唔好嘈啦，明哥，我會好用心同用腦去sell客，我保證唔會再令你失望！」

「係就最好啦，唔好得把口呀。如果無乜嘢，大家就散會啦。」

圓圓見我開唔到單，於是就過左手頭上幾個客俾我。

「多謝你呀，圓圓。」

「屌，大家咁熟，唔洗咁客氣啦。」

「但你今朝同明哥頂到咁恆，你唔怕佢炒你呀？」

「挑，東家唔打咪打西家，我帶曬手頭上啲客過第間公司，睇下邊個損失大啲。」

「咁你又講得啱。」

「六點半，我地夠鐘收工啦，Kelly今晚約左我地食飯，快啲執嘢行啦。」

夜晚七點半。

我同圓圓嚟到一間高級中菜館，Kelly同Linda佢地一早就到左。

lm

pish

多謝上面各位留言支持

出未啊

Pish

「Kelly，做乜咁好請我地食飯呀？」圓圓問。

「我今日叫大家出嚟係有喜事宣佈。」Kelly滿面春風，

「咩喜事呀？」我問。

Kelly隆重宣佈，「各位，我要結婚啦！！！」

「下？」我地三個全都O左嘴。

「點解咁突然嘅？條仔好有錢架？」圓圓問。

「我識左佢幾個禮拜，用盡左一切辦法冧到佢貼貼服服，最後成功冧到佢娶我。雖然佢就無Wilson咁有錢，但身家都有九十幾億，哈哈哈！」Kelly炫耀一下手上嗰粒超大粒鑽石。

「就係上次揸勞斯萊斯嗰個？」我問。

「係呀，咪就係佢囖。」

「你點樣冧到佢貼貼服服呀？講嚟聽下？」圓圓問。

「呢個我就唔話你知，等你心思思，哈哈哈！」

「唔好講咁多，我以茶代酒，恭喜你泊到個好碼頭！」我舉杯祝賀。

我地一齊碰杯歡呼，恭賀Kelly得償所願，嫁到個有錢人。

「婚禮諗住幾時搞？」Linda問。

「下個月，去英國愛丁堡一間教堂舉行婚禮，到時你地要做我嘅伴郎、伴娘。」

「梗係要啦！」我地爽快答應。

「今次終於俾我捱出頭嚟啦！經過我一番不懈努力，終於搵到個有錢佬做我老公，我下半世打瘸腳唔洗憂啦，哈哈哈哈哈！」

Kelly笑到見牙唔見眼，佢問Linda同圓圓：「我未婚夫個表弟同表哥都好有錢，洗唔洗介紹俾你兩個識？」

Linda搖搖頭，「鈔票只係庸俗之物，一個人嘅文學修養先係最值錢。」

「有錢又點，我大把兵都好有錢，但我偏偏睇唔上眼。」

「哈哈，咁算啦。我依家一諗起要嫁入豪門，就會好興奮！今晚大家盡情飲、盡情食，唔好同我客氣！哈哈！」

Kelly成餐飯都笑都合唔埋口，興奮過中六合彩。

散席後，我諗住同圓圓一齊走，但Kelly叫我留多陣，佢話有啲嘢想我幫忙。

「做乜呀？你唔會又要搵我扮你條仔掛？」

「唔係呀。我第啲嘢想你幫手。」

「咩事呀？」

「係咁嘅，我依家個未婚夫，佢好有錢，哈哈，真係諗起都開心。」Kelly講到一半自己喺度笑。

「喂，你唔好掛住笑啦，有咩你就講啦。」

「佢好有錢，而且對我都非常好，但就有一個奇怪嘅癖好。」

「咩奇怪癖好呀？」

「佢唔鐘意同我搞嘢，佢鐘意睇住我同其他男人搞嘢。當佢望住我被第二個男人搞，佢就會好鬼high，好鬼興奮。」

「真定假呀？」

「真架！佢之前啲女朋友就頂唔順佢呢個癖好，所以就同佢分手。」

「咁你想我幫你做咩呀？」

「唔好急住，你聽我講埋先。原本只要『tum』到我未婚夫開心，要我同其他男人上床其實都無乜所謂。最弊佢搵公司個司機佬同我上床，嗰條司機佬喺床上好鬼粗暴，high上嚟會打我。我真係頂佢唔順，我唔想繼續同佢搞嘢。」

「你要我幫你打個司機佬一身？」

「唔係，我已經同我未婚夫講我唔想同個司機搞嘢，而佢又肯俾我換人，所以我就想你代替個司機佬，嚟同我搞嘢。」

雖然劇情唔會係現實發生
但係睇落又唔會覺得突兀
Btw兩隻小鬼真係好可愛

如果現實中因為性傾向被人改變左而無法繼續同原本既伴侶喺埋一齊，咁應該都幾sad

快啲出文，要睇kelly 攪嘢呀

文呀

「下？唔係掛？咪玩啦！」

「我係認真架！呢個禮拜日，你嚟我地間別墅，喺我未婚夫面前同我做愛，『tum』我未婚夫開心，可唔可以呀？」

「我唔得架wor，幫你唔到。」

「我求下你，你幫我下我啦。我好難得先搵到個有錢佬肯娶我，為左留住佢，就算佢對我有咩要求，我都想盡力滿足佢。如果唔係個司機佬咁暴力，我都唔會搵你幫呢個忙。」

「我明白你，但係…但係我自己都唔知自己幾時直幾時攣，我唔擔保到時我對住你可以硬得起。」

「上次你淨係望住我個樣都硬得起，我對你有信心。」

「俾我考慮下。」

「唔好考慮啦，呢個關乎我成世人嘅幸福，你一定要幫我呢個忙！」

我諗左一陣，Kelly係咁求我，又成個人挨落我個身度，向我暗送秋波，搞到我有啲心癢癢。現處於直男模式嘅我，最後都抵擋唔住Kelly嘅魅力，答應左幫佢呢個忙。

同Kelly傾完一輪，佢就揸架法拉利送我返歸。

返到屋企，我見到鐵男坐喺我張床，望住張地圖，一臉惆悵。

「鐵男，今日點解唔去裝人扑嘢嘅？」

「關你咩事姐，咪撚嘈住曬啦。」鐵男「dum」低張地圖，鼓住泡鰓，飄走左。

我心諗佢今日咩料呀，咁暴躁嘅。

我八卦望下張地圖，見到上面打左好多紅色交叉。

而交叉嘅位置全都係香港啲離島。

點解鐵男要喺上面打交叉？

我問舞子知唔知點解，但佢掛住睇笑波子唔理我。

沖完涼我就訓教，第二日懷住興奮嘅心情醒來。

因為今日係去聽Radiohead演唱會嘅大日子。

我同圓圓收工之後，立刻趕去現場。

排隊入場嘅時候，我俾返張飛嘅錢佢，總共一千八百八十八蚊港紙。

圓圓堅持話唔洗，佢話呢兩張係佢隻兵送俾佢睇嘅。

但隔離一個黃牛黨認出左圓圓，「姑娘，你識唔識做生意架？我前日賣俾你一張飛一皮，你依家原價賣出去？蝕Q死你呀！」

圓圓扮唔識條友，「阿伯，我唔識你架，你走開啦。」

「我教精你渣，唔聽就算。」個黃牛黨阿伯講完呢句就行開左。

我問圓圓：「呢啲飛係你前日問黃牛黨買嘅？」

「梗係唔係啦，人地送架！唔好講住啦，到我地入場啦。」

「Don't leave me high—Don't leave me dry—」

能親眼見到Thom Yorke喺自己面前唱歌，真係此生無憾了。

現場氣氛超級好，觀眾都玩得好high，最後仲encore左三次先散場。

我送圓圓返屋企，一路上，我仲處於好興奮嘅狀態，而圓圓則顯得有啲攰。

「圓圓，多謝你。」我衷心感激圓圓

「客咩氣呀，啲飛人地送嘅，都唔洗錢。」

「多謝你邀請我去睇Radiohead，我今晚真係好開心，多謝你。」

「得啦，長氣。」

我望住圓圓，突然間覺得佢好吸引，我好似仲有小小心動嘅感覺。

「做乜你眼甘咁咁望住我呀？我塊面有嘢咩？」

「無，無嘢呀。」

圓圓望住我笑一笑，我又望住佢笑一笑，我地就咁對望左幾秒。

跟住，我眼前忽然一黑，一道粉紅光耀過眼球，我由直男模式又變返做基佬模式。

我嘅目光從圓圓身上轉移去巴士站廣告板上。

上面係一輯彭于晏淨係著住一條底褲拍嘅廣告硬照。

佢嗰種肌肉線條，真係睇到人流曬口水。

「哎呀！」我掛住望彭于晏，唔記得睇路，隻腳撞到前面舊石，差啲仆街。

「小心啲啦。」圓圓扶一扶我。

「唔洗送啦，我到啦。」

「咁你早啲休息，晚安。」

「晚安。同埋，你小心睇路呀，唔好淨係顧住睇彭于晏。」

「哈哈，我知啦。」

唔知係咪我錯覺，剛才圓圓嘅眼神中，好似閃過一絲失落。

星期日。

鐵男又晨咁早叫醒我，要我帶佢去塔門島。

我心諗邊度係塔門島？我真係見識少，從來都未聽過香港有呢個地方。

我唔想去，但鐵男死纏爛打，又跪又拜，求我帶佢去。

最後喺佢百般哀求下，我應承帶佢去。我打電話問圓圓要唔要一齊去，但佢話病左所以唔嚟。

塔門係香港一座位於大灘海、大赤門以及大棚灣之間嘅島嶼。呢個島充滿漁村風清，而且風景秀麗優美。

搭船前往塔門嘅時候，我問鐵男：「點解你咁鐘意嚟呢啲離島玩嘅？」

鐵男望住個海，唔答我。

「乜你唔知咩？」舞子反問我。

「你知咩？」

「鐵男想要搵一個人。」

「下？搵人？鐵男，你有朋友喺香港咩？」

「好似係搵一個女人？鐵男，係咪呀？」

鐵男歎一口氣，「我要搵一個叫Anna嘅人。」

「Anna？佢係你邊個呀？」我問。

鐵男望住個海，講起年少時嘅往事，「我二十歲讀大學嗰陣，班上面嚟左一個交流生，佢叫Anna，佢係一個好靚嘅香港女仔，我見佢第一眼嗰陣就愛上左佢，但我唔敢同佢表白，平時亦都唔敢接近佢。我只敢離遠咁偷望佢。一個學期之後，呢個女仔要返香港。喺佢離開前一日，我先鼓起勇氣同佢講嘢，佢啲日文唔算太好，加上當時環境好嘈，我淨係隱約聽到佢講左一句『我住喺香港一個小島，你得閒就嚟搵我啦！』。之後佢就走左，自此我就無再見過呢個女仔。」

「二十歲？咁咩姐係幾十年前嘅事？你條鹹濕佬有咁長情？記得住幾十年前識嗰條女？個女仔嘅中文名係咩呀？」

「佢淨係知佢英文名叫Anna。呢件事過都係左二十年左右姐。」

「咁點解你在生嘅時候點解唔搵佢？」

「佢離開日本嗰日，我好唔開心，一個人去做間酒吧飲酒，飲到個人迷糊迷糊，唔小心同一個女人發生左一夜情，但我仲唔記得戴套，搞到個女人有左我個bb，最後我要同佢結婚。而我就將對Anna嘅感情深深咁埋藏喺心裡面。」

「講到自己成個悲情男主角咁，都唔知幾多成真幾多成假？你講到自己咁鐘意人，但有乜理由會唔知人地個中文名？」

「你信又好唔信又好，我今次跟你過嚟香港，除左係想觀光之外，就係想搵Anna，我想嚟見佢一面。雖然過左咁多年，但我都仲係忘記唔到佢。」

「雖然個故事幾動聽，但我硬係唔信你個鹹濕佬咁長情。」

「唉，我已經去左好多個島，但都係搵唔到佢。」

「其實都過左咁多年，就算你搵到都唔認得佢個樣啦。」

「唔會，就算佢個樣巢曬皮，我都會認得佢！」鐵男斷言。

香港一個島=香港島

又幾好睇

push