[落雨點算] 西裝、皮鞋、皮件討論帖 (24)

鞋型既野人夾人
有時唔同鞋型 唔同皮 要上落一個uk size都好正常

不如你貼套野出黎望下先啦 其實無乜好拗

已經唔係在唔在行問題，同工場打交道就算經驗老到好多時都一肚火，我同啲包頭、工場合作過幾年，都經常一肚氣，成日有啲大頭佛要我跟。

回想當年幫魚蛋整件雙排，俾晒尺寸，做細左，叫佢地成個前幅換左佢、偏唔肯，話換側面兩塊就得，同我拗拗拗拗左大半日頂佢唔順由佢，結果依然大頭佛，又要叫蛋剪多塊布俾我去換前幅，搞一大輪，前前後後搞左成年。如果一開始就換左佢，兩個禮拜可能就搞掂。錯鈕數量、錯袖長、錯細節更加係屢見不鮮。

就算陳記Patrick成日都同我講啲師傅唔聽話、DB Ricky 哥都成日一提工場就無眼睇；班師傅唔係唔識野，但係好多時好硬頸，唔肯做做唔慣既野，包拗頸。

係呀單睇工錢可能平好多，但就算識野既人都控制唔到啲工場師傅，更何況新手？唔好一睇見慳果少少就狗衝咁on99啦，貪字得個貧呀。

你同工場師傅關係好 氹得掂米得囉
不過個班老屎忽 佢心情唔好 邊個都唔會比面

就算同師傅好熟，有傾有講，抱埋佢隻貓，佢要做錯都係會做錯，比方我都有shirt做錯pattern，雖然錯有錯著又幾好睇；或者講左既要求理解錯，你唔通叫人拆過幫你再整？

而且你係散客，多數都係你自己食左錯件野，鋪頭可能會叫料再做過。

呢個機會成本，隨時大過你慳左既數。

就好似呢個例子，你自己帶布既，又要訂過一次，始終你用特別野，工場更加賠唔到布畀你。來來回回同工場搏鬥，就會搞足一頭幾個月，嚴重就係魚蛋件衫搞足一年。

有兩個情況，照搵包頭／工場可能有著數 －
1. 你自己都唔多識，為平有件衫，咁大家歡喜
2. 包頭／工場質素超班又超值，同上級鋪頭可以一戰，咁真係樂滿悠悠啦…

但正正就係第二情況，係最易出事既，你又有要求又識D野，工場真係好熟你就話，一下做到甩漏，唔通追住人地整過同賠咩

其實唔止慳小小，我去鋪頭問價，佢比d gap布都收我8k, 去包頭3.8k, 係平一半。新手同d剛剛出黎做嘢都係想平同fit身姐。篇野都有講啦，"初做先用平料做一套 fused (當粗著)， 做得好才用靚料做 half / full canvas。 做不好， 無下次。"

你當係MTM啦

好彩既夾到個師父
你又唔係話好高要求但求岩身靚仔既
咁咪你又好開心時個包頭又有錢賺大家都開心囉

最怕係個師父無記性咩都跟錯又做唔到你要求
我記得好似discuss都有人講話想褲腳做18, 包頭記錯做左16之後唔肯再跟過
呢D情況咪要浪費時間去同佢再嘈叫佢再搞過

已經唔講好多時D細節做得差e.g 兩邊腰袋高低唔平衡，大細邊蓋etc而你又未必留意到

係人都想買又平又高質既野
包頭做得好既咪好囉
做得唔好既都無計

Fused就不如龍將大華，少麻煩
到3.8K得體合理剪裁，我睇唔到SuitSupply輸幾多

最大問題係呢⋯⋯ 包頭王自己擺出來既衫真係好很老土同比例唔好睇

買件衫啫，又要追人交貨，又要逐樣細節同人跟，仲要同人拉鋸完都未必啱心水，同返工叫人做嘢一樣咁勞氣，作為消費者嘅購物樂趣無哂，為乜？

新手的話，要嘅不外乎都係幾樣啫
1) 平：呢樣對某部分新手不適用啦。平就無得講，包頭一定係平，不過 suitsupply 之類都唔算貴好多啫？
2) 快：好多新手都臨時臨急先走去造衫...好嘅舖頭交貨應該快過包頭，除非個包頭無生意；而無生意嘅包頭會唔會係好包頭，又會俾新手遇到...留俾大家自己判斷
3) 低風險：多數新手應該都少衫著，中伏的話就更加少件衫著...好嘅舖頭中伏機率點都低過幫襯包頭
4) 效果好：呢樣人夾人啦。不過好嘅舖頭 / 成衣店，有哂佢地出品嘅衫放出嚟俾客試，俾到新手嘅信心點都大啲啩，起碼會想像到個結果大概係點先
5) 服務：我諗唔會有人幫襯包頭係為服務啩？！
6) 興趣+學習：無可否認，去搵包頭會接觸到喺舖頭永遠見唔到嘅嘢，係一個比較特別嘅體驗。不過講到尾，造衫最重要係件衫啫。如果係為學習，咁點解唔由好嗰批裁縫開始學？試造一大堆衫，但全部入門水準 (甚至以下)，又有乜意思？

我自己嘅結論係咁：
1) 有實際需要 + 有好大預算限制 + 要求不高
=＞搵中低價成衣
2) 有實際需要 + 有好大預算限制 + 要求不高 + 有興趣
=＞先搵中低價成衣，再搵包頭
3) 預算限制不大 + 有一定要求 + 有興趣
=＞先搵唔只一間好舖頭學嘢，有一定程度先再考慮搵包頭

香港好難搵

LH咪有

好多款其實冇的

Fused 睇到啲咩手工？

其實都係果句，推薦任何野都好，出張圖黎睇下先啦，下下求證邊個真心邊個打手睇到都覺得煩

試完last去訂

好嘅同差嘅都差好遠㗎！
另外係個cut, cut得好同cut得唔好，差天共地呀！

我件衫都算係個悲劇，不過我又無乜嘢，都係一份經驗。
當然，每日的解讀都可以不同，我估計包頭王的解讀會係：啦！去D所謂名店做咪一樣甩甩漏漏，亦唔包做得好睇，咁不如真接找包頭做，跌錢都無跌得咁金！

如果係冇實際需要+中價預算+要求不高+有興趣學習
咁點入門好

Hehe 有諗過但好奸

我指，你試件野係fused，你點會睇到佢做full canvass時俾到啲咩手工 Cut呢樣嘢其實睇你識幾多野，我識有人自己畫埋俾工場，不是大問題

個出事機率差好多倍咁解姐

其實依我經驗最好係一間可靠本地鋪，幾個外國裁縫，慢慢磨合，個人意見

個個好似你咁有錢咩？