321 Like
6 Dislike
沙拉希唷
2017-03-14 15:31:14
主角係cathy男朋友,叫呀立自殺既朋友,拎左達叔袋錢既人,狗狗個主人同妹妹既呀哥?望角間接令cathy 呀立同達叔自殺。搵返袋錢間屋係主角同妹妹自己屋企,妹妹送過音樂盒比哥哥,就係屋企果個,所以佢對果段音樂咁有feel?
咁死神小姐究竟同男主有咩關係呢
螺絲
2017-03-14 21:34:59
主角係cathy男朋友,叫呀立自殺既朋友,拎左達叔袋錢既人,狗狗個主人同妹妹既呀哥?望角間接令cathy 呀立同達叔自殺。搵返袋錢間屋係主角同妹妹自己屋企,妹妹送過音樂盒比哥哥,就係屋企果個,所以佢對果段音樂咁有feel?
咁死神小姐究竟同男主有咩關係呢
螺絲
2017-03-14 22:20:19
回家中
一陣會更新完Case4
螺絲
2017-03-14 22:50:51
「係,無錯。」
小妹妹低下頭,有點喪氣地講:「我以為幫唔到狗狗,但可以去幫其他人添……」
「我嘅任務係要救贖七個人,唔計狗狗嘅話都重有三個人等緊我,但我唔會因為咁而放棄狗狗。幸福,係唔可以量化,就算可以救贖多三個人,放棄狗狗而換取三個人嘅幸福本身呢件事就唔係一件公平嘅事。」
「哥哥……」
我記得死神小姐講過,我唔應該亂咁帶畀人希望同承諾,而且我事日無多,再唔快啲嘅話會有不可挽留嘅事情出現。
但係……既然眼前有想守護嘅事物,唔係應該就守護落去咩?
「任務呢啲嘢就由得佢,既然我知道眼前有啲咩要守護,咁守護住呢啲事物就夠。就算有三個人等緊我都好,我仍然會陪住狗狗,唔會俾佢消失,直到真正還佢心願為止。妹妹,呢樣嘢唔係妳教我嘅咩?」
小妹妹思索一會,然後展現笑容。
「嗯!我哋要一直陪住狗狗,直到還佢心願為止!」
咁樣就好了。
捉住眼前幸福嘅一刻,不受束縛,憑心而去。
人們為了幸福,都兜了很長嘅路,但其實幸福一直在眼前,只係無去嘗試察覺到佢嘅存在。
小妹妹向住懷中嘅狗狗講:「狗狗,聽日想去啲咩地方呀?我哋會陪你一齊去。」
「我哋聽日再去多次公園!」
「唔?」小妹妹歪頭,「做咩又去多次公園?」
「我要再挑戰捉伊人,我唔信贏唔到你哋班外掛佬!」
「哈!哥哥你再努力都係贏唔到㗎!」
「哼!睇下點!」我腦海忽現浮現一件事情,「狗狗,遲啲我再介紹多一個新成員畀你識呀!」
「吓?邊度重有新成員呀?」小妹妹聽完感到驚訝。
「當然有,佢一直就喺房到,係妳一直都無留意啫!」係我同Cathy喺冒險樂園夾返嚟嘅狗狗公仔,我一直將狗狗公仔好好咁收藏。
「哥哥又唔同人講,人哋點知啫!」
「下次介紹埋畀妳識!唔好嬲喇!」
「係一隻咩嘅公仔嚟㗎?」
「同狗狗差唔多樣嘅公仔。」
「啊!狗狗會唔會見到多一隻狗狗,妒忌佢,走去咬爛佢㗎!」小妹妹好擔憂咁望住狗狗。
「唔會嘅……」如果Cathy交代畀我嘅公仔被狗狗咬爛,我都愧對Cathy。
不過……
「我哋以後就係一家人。」
「嗯!咁我哋以後就一家人,我哋要一齊周圍玩!」小妹妹講。
「嗯,以後無論咩地方,我哋都會陪住你,你再唔使自己一個喺同一地點寂寞地守候住。」
「要每日都嚟呢度望住個鹹蛋黃日落!」
「唔同嘅係,你再唔係一個——」
「『今次,有我哋。』」
清心寡人+
2017-03-14 23:49:45
幫推
You竟然是個boy
2017-03-15 00:06:35
一日追曬
好正 加油啊
將軍澳屌板男
2017-03-15 01:16:25
又越過Dylan
2017-03-15 02:33:40
好溫馨
螺絲
2017-03-15 13:20:14
原本諗住琴日更埋Case 4去
但更唔哂
今日會完埋Case 4
還佢地一個最好嘅結局
又越過Dylan
2017-03-15 15:25:21
螺絲
2017-03-15 17:04:30
狗狗聽完,過幾秒後,露出一個融化人心嘅燦爛笑容,然後回答一聲:
「汪!」
「咦……?」小妹妹望住自己嘅手,手臂俾眼淚沾濕咗。
但小妹妹並無喊,呢啲眼淚……
係狗狗嘅眼淚。
奇蹟嘅事情喺眼前發生。
眼淚閃耀著金色嘅光芒,並唔係夕陽反射而成嘅光,而係眼淚自己化作光點。
狗狗身體出現變化,但唔係慢慢變得透明,而係發出金色嘅光芒。
我認得呢個情況,係當救贖者心願已滿嘅時侯,先會出現嘅情況。
「狗狗……點解你?」
點解會發生呢個情況,明明狗狗都未見到佢最想見嘅人……
抑或係……
「狗狗,你唔通……點解要咁做?」
「哥哥,發生咩事呀?狗狗點解會變成光點㗎?」小妹妹叫道。
「你唔係等咗嗰個人五年嘅咩?見到嗰個人唔係你一直以嚟嘅心願咩?點解到依刻,你放棄咗自己嘅心願呀?」
「哥哥?狗狗佢……」
「你點可以為咗我哋,而放棄自己一直以嚟嘅心願!」
「唔通……狗狗知道若果佢心願未滿,哥哥你就唔可以繼續去救贖其他人,所以佢寧願放棄自己嘅願望,都唔想阻住哥哥嘅任務……!」
狗狗開始化作光點,從小妹妹嘅手上浮起。
「唔係咁……」我否定小妹妹嘅說話,「願望係無可能隨便話放棄就放棄,而會出現咁嘅情況,係因為狗狗認為有更加重要嘅事情,取替咗佢嘅願望,而嗰樣更加重要嘅事情,就係我哋……」
「但係,但係唔應該係咁!你重未見到你嘅主人,唔應該就咁放棄!咁樣嘅話,我根本無救贖到你……!」
「汪!」
「狗狗!唔好走呀!我同哥哥講過,會一直陪住你㗎!返嚟呀!」
「呢個心願,係你每日去同一地點,守候咗五年嘅願望!我哋只係你人生道路末段相識短暫嘅人,你點可以為咗我,將呢個願望放棄,將呢個願望畀咗我……你唔可以咁自私㗎!」
「我唔會俾你走!」小妹妹飛上空中,嘗試捉住化作光點嘅狗狗,但一捉嗰下,光點就四散開去。
「狗狗……!」我耷低頭,痛恨自己嘅無能為力。
『並唔係咁樣。』
呢把聲音……不,呢把唔係聲音,而係一把直接傳到心中嘅心聲。
『好多謝你哋,為咗我做咗咁多嘢,我好滿足。』
「並唔係咁樣……!我重未幫你搵返你等待嘅嗰個人呀!」我眼淚不禁缺堤而下。
『搵唔搵到已經唔重要,因為我眼前有更加重要嘅人,想守護。』
「唔係呀!呢個唔係你嘅願望!」
『五年時間過得太漫長,令我失去咗好多嘢,但喺最後呢一段路,我感受到人生真正嘅意義……唔在於時間長短,唔在時早晚相遇,而係呢一刻眼前擁有嘅事物。』
「狗狗……」
『呢段短短嘅時間,我好開心。我明白到喺呢一刻,有你哋喺身旁係有幾咁幸福。你哋能夠陪伴我,甚至為我放棄一切,已經足夠了,你已經救贖咗我。』
「並唔係……」
『人存活於世上,唔就係搵緊愛自己的人嗎?』
人……世上……愛自己嘅人……?
『我已經搵到了,所以我已經無憾,多謝你哋,同埋……我一直等待嘅嗰個人……』
狗狗欲言又止,佢無繼續講落去。
我抬起頭望住化成光芒嘅狗狗,佢喺化作光點嘅最後一刻,露出安詳嘅笑容。
『再見了……你哋要繼續開心生活落去……』
狗狗化作光點,消失喺空中。
吾是變羊🐑
2017-03-15 18:22:59
四月是你的友人君
2017-03-15 18:27:48
好耐無見咁高質既故
Bumblexz
2017-03-15 20:27:45
將軍澳屌板男
2017-03-15 20:41:14
開新post?
又越過Dylan
2017-03-15 20:43:44
pushhhhhhhhh
廣瀨愛麗絲
2017-03-15 20:45:02
螺絲
2017-03-15 20:46:19
一滴水點滴喺我臉頰上,喺來自我上方嘅小妹妹。
「狗狗,佢走咗……」
「係……」
「佢係咪帶住開心離開㗎?」
「嗯。」那個笑容,代表狗狗已得到救贖。
「係呀……」小妹妹降落返喺我身邊,「咁樣就好喇……」
我輕輕抹去小妹妹臉上嘅淚水,講:「既然呢個係狗狗期待嘅結局,咁我哋唔可以再繼續喊,而係笑住歡送佢。」
「白痴哥哥明明都有喊。」
「無呀!邊有!」我即刻抹走眼淚,用力索一索鼻涕。
「係啦!白痴哥哥!」小妹妹吊住條鼻涕同我講嘢。
呢次嘅救贖就咁樣落幕。
我始終無法幫狗狗搵返佢守侯嘅人,但狗狗覺得佢得到更加重要嘅事物——
就係我哋。
所以,佢先會滿懷笑容離開世界。
雖然唔知狗狗心裡面嘅願望係咩,但從佢話語當中,大概估到內容。
以往三次嘅救贖,我都站喺旁觀者嘅角度去思考人生道理,但今次狗狗親身教會我一啲事情。
人除咗尋找值得愛嘅人同時,也尋找願意愛自己嘅人。
即使係狗,只要擁有名為「心靈」嘅東西,道理都唔會有任何改變。
狗狗曾經為咗一個唔知愛唔愛自己嘅人,迷失喺霧霾之中,花費五年光陰,最後逝去。
為咗過去嘅執著,為咗想達成嘅目的,我哋漸漸迷失咗一啲嘢,而嗰樣嘢原來一直就喺我哋眼前,並不存在於過去或未來,而係現在。
只係我哋迷失咗,雙眼被蒙蔽咗,先會睇唔到。
倘若能散開呢陣迷霧,方能發現,想守護嘅事物,一直就喺我哋眼前。
一直守侯住過去嘅縹緲,倒不如珍惜眼前所擁有嘅事物。
狗狗以己身教會咗我呢個道理。
心裡面有種難以形容嘅感覺,既感到可惜,但為咗狗狗,我哋一定要繼續開心生活落去——
因為呢個係狗狗嘅願望。
「哥哥……」小妹妹突然叫道。
「做咩呀?」
「可唔可以攬住我一陣……」小妹妹低下頭講。
我並無猶豫,就將小妹妹抱入懷中。
呢個算係給予小妹妹嘅安慰。
雖然狗狗已經成佛,但我眼前仍然有要珍惜嘅事物。
哪怕生命只剩下最後一秒鐘,都要守護眼前擁有嘅笑容。
亂咁尼
2017-03-15 20:49:45
lm
螺絲
2017-03-15 20:52:42
Case 4正式完結了
並唔係每個人嘅心願都能得到完滿
希望大家鐘意呢段篇章
然後Case 5會喺後日開始
聽日會停更一日作修文用途
後日會帶住新po同大家再見面
標題名會有少少修正 加入副標題名
希望喺新po會見到大家
當然大家得閒嘅幫我推爆呢個po
但留返1001畀我貼舊link就得
最後就係宣傳下fb page
支持呢篇文嘅希望入去個page留個like
當作對本小作者嘅一點小支持
fb page:
https://www.facebook.com/iamthelittlerose/
將軍澳屌板男
2017-03-15 21:07:24
沙拉希唷
2017-03-15 21:35:20
感動死了
工兵
2017-03-15 22:06:34
推