其實無離過題,個位青唔想將其他車款避震格硬裝落去架車度,其中一個原因要改位怕麻煩,當中涉及機械加工嘅話就大鑊
,你留意下後避震有啤零個邊,通常可以拆個杯士(啤零鋼)出黎加工(假設尺寸唔啱),唔係得罪,街鋪機械加工鋪頭大部分係垃圾,價錢反映唔到質素,所以話有好多手尾跟
加工設備香港好多公司都有,仲好新好靚添,但我想出圖比錢佢加工都唔會騷我呢。。。
自己有辦法去做其實唔係好貴,係心機同時間,啤零鋼其實可以稍為處理一下,普通車床車刀都搞得掂,不過要拎住佢去幾個地方做處理
講返車嘅價值,架車表現唔好,有人會換車,有人會諗改車或改善自己技術,點樣可以揸盡啲架車,咁先有討論空間。但現實係大部份人只係諗大約幾多錢買入,揸完幾多錢甩手。。。將錢放左係第一位嘅話,都唔需要太認真討論,索性買隻撈好過啦
利申: 前後避震都係自己度尺改,拎去車房裝