[打麻雀]係咪On9先會打三番起糊？

三番麻將係一種畸型麻將，牌型已經少，黎黎去去都係混一色對對門清，仲要三番起糊，咪撚玩啦。完全係香港人魚蛋論既反射：「我食唔到糊，你都咪撚咁易食到糊」

要估，一樣有得估

雞糊起糊 半統最好玩
打大d就好玩架啦
幾鋪一番都唔夠賠一鋪清一色混一色啦

以下三個原因造成3番起糊既出現
1. 鍾意做大牌
2. 又唔夠高章去造大牌
3. 又怕蝕底比人捷足先登

記、睇佢打過乜牌囉。

例如對家摸牌之後喺自己手牌抽隻打1萬，咁咪要小心叫25萬囉。當然唔一定係準，但打多個round ，加上另外兩家打過乜又無出沖，都估到有乜可能性啦。


利申：自己記性好，有心打可以記住三家由頭到尾打過乜。

係 三番起糊太易食 我覺得起碼要六番起糊

唔打花咪打門清
計返條數都一樣

係ar, 所以有d 人打花章， 都係技術黎

講得啱

正常打開牌都應該明上面呢堆野
只係有班小朋友 打開「三番起糊」
走去轉移話題 講咩 「跑馬仔vs三番起糊」
九唔答八
可能驚人笑鳩自己玩開三番起糊

上下家做咩囉

一定三番起糊

有咩app 打麻雀好？神來也？

垃圾

跑馬仔點會無得守呀
我自己無去過雀館打
平時同朋友打開50/100
打到尾你要諗點唔出沖又可以叫到糊
你估真係咁易自摸咩
有時明槓就算即時有錢收又要諗（搶槓當包自摸）
三番起你棄糊 根本可以hea打 打人地唔做既野就得 人地最多自摸
但跑馬仔隻隻都有機會食 就算棄左糊你都無得鬆懈
三番叫死糊好難轉章
跑馬仔叫死糊有得轉章
同朋友吹水鳩up係玩3番好d 無咁緊張
同埋打短時間 4-5個鐘就跑馬仔好玩d
長時間作戰就打3番 唔洗長時間用腦

係
輸多贏少
不過同老死打無咩所謂
又唔係打得大
重點係個過程啫

三番起糊係on9，懶勁嘅人先會玩三番起糊，一啲挑戰性都冇

跑馬仔點會無得守呀
我自己無去過雀館打
平時同朋友打開50/100
打到尾你要諗點唔出沖又可以叫到糊
你估真係咁易自摸咩
有時明槓就算即時有錢收又要諗（搶槓當包自摸）
三番起你棄糊 根本可以hea打 打人地唔做既野就得 人地最多自摸
但跑馬仔隻隻都有機會食 就算棄左糊你都無得鬆懈
三番叫死糊好難轉章
跑馬仔叫死糊有得轉章
同朋友吹水鳩up係玩3番好d 無咁緊張
同埋打短時間 4-5個鐘就跑馬仔好玩d
長時間作戰就打3番 唔洗長時間用腦

咁其實所有都有得守
分易守同難易姐

對我而言
日麻>>>中庸=>台牌(視番數表左右)>麻雀館上牌>>越南百搭>雞四>>>大陸牌>>>>>>>>>>>國標>>>>>>>>>>>三番起廣東牌

日麻考既技術最多最全面, 唔單止講牌效率, 防守力, 上碰牌技巧, 立直同其他既狀況判斷都好重要, 係呢度咁多種牌入面最用腦既. 因為日麻係打順位, 四家既點棒分佈或者action唔同, 同一副牌可以有完全唔一樣既打法, 呢樣野可以講係日麻獨有, 亦係日麻精髓所在. 當然日麻太偏重防守係缺點, 但呢個世界本來就冇完全perfect 既麻雀rules.

中庸最大既優點係役種既平衡性, 唔太多亦唔太少, 分數亦恰到好處, 但判斷深度肯定唔夠日麻深

台牌多3隻牌, 對牌章要求高, 如果番數表做得夠平衡, 係好考大牌同速度既取捨, 亦幾考鬆誅, 生死章等, 拉人或被人拉既打法可以完全唔同, 唯獨係自摸收3份, 間接削弱對防守既要求

竹館牌上牌其實係好考牌效率同鬆誅, 但要陪沖, 即係話冇糊食就一定要輸

越南百搭多左百搭會有好多在正常牌章下唔會做或者好少做既野, 可以訓練對手牌既創造力, 但血戰因素令成個game 基本上冇防守可言, 變左單機麻雀

雞4打花, 加入左完全不必要既隨機因素, 個人認為技術要求比竹館牌低

大陸牌, 摸牌暗槓加槓完全係純運氣, 而槓牌收既錢分分鐘比食糊收既多, 即係話你係玩緊一個抽獎遊戲

國標, 24分七對子, 組合龍, 單食混一色可以唔夠番係一個痴撚線既設定

廣東牌: 最好摸手果個就會贏, 係將運氣因素推到頂峰既遊戲, 基本上除左過年陪親戚打4圈外, 其餘時間都拒絕打 (係拒絕, 即係有人叫我都唔會打果種)

要了解日麻係深度, 唔可以玩單機game, 一定要同人玩, 而且要有嚴格既成績管理制度. 你可以問下有打天鳳既ching, 一般, 上級, 特上同鳳凰桌係四個完全唔同既世界

利申: 日麻天鳳鳳民

叻喇叻喇 點上點碰係基本工 點扣牌又係基本工 計下邊隻輸少啲易啲食又係基本工 總之你識個啲就係基本工 係我地弱智喇好味

我建議你重睇

最多咪學棄糊
自己三番見人地清一色面咪棄
大家都清一色咪繼續打
唔棄咪有咩丟咩
棄咪打自己d野

唔係講笑有時同啲朋友打牌又要諗三家要乜
又要驚又唔敢打 成日做站長
搞到玩一鋪勁慢真係不如玩跑馬仔好過啦
不過佢地又會覺得玩跑馬仔無技術
真係屌一聲

三番起糊同跑馬仔都好好玩
總之有得打就得