407 Like
4 Dislike
27歲處男
2017-02-11 12:05:17
流刻的丁
2017-02-11 12:21:11
Push
趕故書生
2017-02-11 16:33:54
今晚10-11點左右我會加更
陶大宇淘大乳
2017-02-11 16:51:53
陶大宇淘大乳
2017-02-11 16:52:05
日日上高登
2017-02-11 20:30:01
趕故書生
2017-02-11 22:53:37
加更1
我帶住Kitty去坐,幫佢拉開張凳,然後自己就坐佢對面。
Kitty嘅舉手投足都十分之優雅,與呢間平民化嘅茶餐廳形成一個好大嘅對比,紛紛惹來唔少人嘅眼光。
「乜頭先個侍應態度咁差嘅?」Kitty細細問我。
係茶餐廳講「侍應」我真係第一次聽,但可能Kitty已經習慣曬,就唔怪得佢啦。
「無嘢架,唔洗理啲粗人。」
我拎咗餐牌俾佢睇下,「你睇下食咩啦。」
我就一早係門口諗好咗──豆腐火腩飯。
「我揀好啦。」Kitty瞄一瞄個餐牌,話咁快就揀好咗。
「吓?咁快?」
「係呀,其實我想食好耐架啦。」
「咁你食咩呀?」
「我食干炒牛河。」
好啦,既然決定好曬,就落單啦。
「唔該!」跟住頭先個伙記就行過嚟,企係我隔離,望住Kitty,柔聲問:「食咩呀?」
「一個豆腐火腩飯,一個干炒牛河,唔該。」我代Kitty答。
縱然伙記面色唔好,但係Kitty面前,都係照樣落咗張單。
「飲咩?」佢語氣好明顯無頭先咁好。
Kitty有啲驚驚地,「有咩飲架?」佢細細聲問我。
「有凍奶茶,凍咖啡,可樂冰底,凍柯華田,凍朱古力,上面有齊曬。」
呢個伙記真係好莫名其妙,無啦啦對人好,又無啦啦咁惡。
Kitty滿臉委屈,「飲凍奶茶呀唔該。」見佢求其點咗杯嘢飲。
趕故書生
2017-02-11 22:55:34
加更2
「兩杯呀唔該。」個伙記就飛快咁落好咗張單。
經常出入茶餐廳嘅我,對呢啲事已成習慣,唔係發生係自己身上,就係發生係人哋身上架啦。
但係Kitty就好似一個驚弓之鳥咁,好驚咁款。
不禁令我懷疑起上嚟,「你未嚟過茶餐廳架?」
「係呀。」佢細細聲咁講,樣子甚是甜美。
「我屋企一向都唔俾我嚟,話呢度污糟,又唔好食,係平民先嚟食架咋。」
「咁何解你依家又會想食呢?」我問道。
Kitty又進入返傷心嘅狀態,「唉…」
佢長嘆一聲。
「其實我屋企一向都好嚴,係傳統嗰種嚴父慈母。細細個一向都私補開嘅我都換咗好多老師,後未我都係自己一個溫書,唔洗靠人。至於我點解會嚟補習社,呢個係祕密!」
每個女仔都會有一個祕密……
「我覺得我個世界實在太細啦,我想見識多啲呢個世界,我一直都住係半山,居高臨下咁望住呢個香港,但其實山腳底下嘅嘢,我係無接觸過。」
「前幾日因為我報咗補習社,先同屋企嘈咗一輪,佢哋唔想我曬埋呢啲時間,寧願我去做返啲有用嘅嘢。」
但問心,我覺得佢屋企人係講得幾啱,上到中六嘅我先知,時間少得可憐。
「咁你又真係應該把握多啲時間嘅,以你嘅成績,上大學無難度啦。」我咁樣答佢。
「把握時間?我就係知道自己中學就嚟完,先想做更加多嘅嘢,成個中學我就不停咁讀書…除咗讀書,我咩都無。」
「我想留返多啲回憶。」
「干炒牛河到!」換咗第二個伙記招呼我哋。
趕故書生
2017-02-11 22:55:53
一陣仲會出
陳瀅好大波
2017-02-11 23:13:06
大隻恩地哥
2017-02-11 23:30:39
高清無極限
2017-02-12 00:22:20
零時零分
2017-02-12 00:53:28
快
趕故書生
2017-02-12 03:06:56
俾個伙記咁樣打一打斷,搞到我一時之間唔記得咗自己想問咩添。
Kitty好興奮咁望住碟干炒牛河,口水都流埋出嚟咁制,然後問我,「有無叉呀?」
我係枱面度搵兩搵,又唔見有叉,於是就同Kitty講,「用筷子啦,呢度無叉用,用筷子都一樣姐。」
Kitty充滿疑惑咁望住對筷子……
唔撚係掛?
我自己走咗出去拎咗隻叉返嚟,Kitty拎到之後,「嘻嘻」兩聲,個樣勁唔好意思咁。
「唔好意思呀,我唔識用筷子,平時係屋企用開刀叉架。」Kitty吐一吐舌口。
見到佢嘅開心樣,就滿足曬。呢啲小小嘢,算得係咩呀?
「呢個就係我所講嘅回憶啦!」Kitty拎起隻叉,指一指碟干炒牛肉。
對我嚟講普通不過嘅嘢,係Kitty眼中卻變得特別。
「做咩唔食呀?」我諗住叫佢唔洗等我。
「唔得嘅,我習慣咗等齊人先食。」佢好斯文咁放低返隻叉。
「依家咪齊人囉!」我打趣地道。
「係要全部人到齊,啲嘢食上曬嚟先食得。」Kitty無我咁好氣。
「我屋企就不嬲都係邊個肚餓就邊個食先架嘛,快啲食啦。」我見住Kitty流曬口水咁,但又要係度死忍爛忍。
「等埋你先!」佢想食但又食唔到個樣,十分之滑稽,搞到我都忍唔住心軟。
「好啦,應該好快姐。」但我唔明點解干炒牛河仲快過豆腐火腩飯上,要炒架喎牛河,咁快有得食?
我碟火腩應該三兩下就搞掂,不禁令我懷疑係咪關Kitty事…
陳瀅好大波
2017-02-12 03:10:32
俾個伙記咁樣打一打斷,搞到我一時之間唔記得咗自己想問咩添。
Kitty好興奮咁望住碟干炒牛河,口水都流埋出嚟咁制,然後問我,「有無叉呀?」
我係枱面度搵兩搵,又唔見有叉,於是就同Kitty講,「用筷子啦,呢度無叉用,用筷子都一樣姐。」
Kitty充滿疑惑咁望住對筷子……
唔撚係掛?
我自己走咗出去拎咗隻叉返嚟,Kitty拎到之後,「嘻嘻」兩聲,個樣勁唔好意思咁。
「唔好意思呀,我唔識用筷子,平時係屋企用開刀叉架。」Kitty吐一吐舌口。
見到佢嘅開心樣,就滿足曬。呢啲小小嘢,算得係咩呀?
「呢個就係我所講嘅回憶啦!」Kitty拎起隻叉,指一指碟干炒牛肉。
對我嚟講普通不過嘅嘢,係Kitty眼中卻變得特別。
「做咩唔食呀?」我諗住叫佢唔洗等我。
「唔得嘅,我習慣咗等齊人先食。」佢好斯文咁放低返隻叉。
「依家咪齊人囉!」我打趣地道。
「係要全部人到齊,啲嘢食上曬嚟先食得。」Kitty無我咁好氣。
「我屋企就不嬲都係邊個肚餓就邊個食先架嘛,快啲食啦。」我見住Kitty流曬口水咁,但又要係度死忍爛忍。
「等埋你先!」佢想食但又食唔到個樣,十分之滑稽,搞到我都忍唔住心軟。
「好啦,應該好快姐。」但我唔明點解干炒牛河仲快過豆腐火腩飯上,要炒架喎牛河,咁快有得食?
我碟火腩應該三兩下就搞掂,不禁令我懷疑係咪關Kitty事…
邊有可能唔識用筷子
Chicharito_14
2017-02-12 10:21:31
正淫君.子
2017-02-12 11:24:08
阿水 行運茶餐廳架靈魂
趕故書生
2017-02-12 11:56:39
過多三分鐘到,先至嚟到,個伙記係一開始睥住我嗰個,送嚟嘅時候仲要陰陰嘴係度笑。
算啦,都係食一陣姐,無謂受氣!
「我唔客氣啦!」Kitty拎起隻叉,就大快朵頤起嚟。
「嗯~」佢食咗嘅呢一啖,同我係電視上睇嘅飲食節目差唔多,Kitty嘅樣貌同入面嗰啲女食家平起平坐。
咁當然,一個係有化妝;一個係無化妝。
但其表情豐富之程度係有得媲美。
「真係……巧巧食!比起我…我平時食開嗰啲…牛排呀,意粉…好食得多!」Kitty含住佢啖河粉,口齒不清咁講。
莫名其妙地,睇住Kitty食得咁開心滿足嘅樣,亦會跟住開心起上嚟。
甜甜嘅感覺係心口嗰個衝緊上嚟,轉眼間令成個人變得溫暖。
「唔好食咁快呀,小心啃親呀。」我小心提醒佢,笑住講。
Kitty咁嘅食相完全打破曬佢完美嘅形象,同佢啱啱入到嚟嘅高檔感覺唔同曬。
但反而咁樣覺得佢更加靠近我,距離好似拉短咗咁。
「真係好好食呀!」Kitty終於吞咗佢啖河炒。
「你要唔要試啲呀?」佢輕輕撓一撓佢側邊啲短髮,甚是唯美。唔知點解我覺得佢呢個不其然嘅動作好有氣質。
「唔洗啦,你鐘意食就食多啲啦。」干炒牛河我都成日食嘅其實。
「真係?」佢好似唔係好信咁,「真係好好食呀!第一次食咁好食嘅嘢…」Kitty舉起個手指公,比個讚。
「係呀!其實我都成日食。」
「真好!有得成日食,如果俾我呀,我日日食都唔厭呀!」嘴上面不停講,但個口都無停過,不停咁食。
妹本日愛至
2017-02-12 13:05:34
live