「村入面既其他人可能會擔心我!」你深思過一番後決定還是先回到村莊報一報平安比較重要,只要跟著村莊間連接的道路以及魔法燈的指引,你有信心能夠順利回到去,只是眼前這個瘋女孩可能就...你心中想著應該怎樣糊弄對方,早早擺脫妮絲。
正當你內心正在準備一番措詞時,妮絲已經先下手為強:「你準備去邊到?」對方看來對你很感興趣,不想就這樣對你放手。
「呃...呃...」你內心十五十六,害怕得罪這個有著主角威能的女生,但又希望自己能夠平平凡凡地挨過這幾個月,你發現自從遇上她後,你就覺得這個世界真的很危險。
「不如咁喇,我呢護送埋你番你既村莊,路上我地再好好研究下你之前收埋個魔器?」妮絲已經把你的那話兒當作魔法道具了。
「魔器?」暗夜化作烏鴉打量著你,他試圖探測你身上的魔力,你突然覺得自己就像猥瑣了小女孩的怪叔叔,就要被警察先生捉到,趕忙打斷妮絲的話。
「我準備番去架喇,不過其實我地村落呢就...呃,唔係咁歡迎外來人囉~」你開始了胡言亂語,妮絲也應道:「的確係有落後既村落係反對外來者既。」
你的心終於安定了一點,只見她又補刀:「不過我同你係朋友,唔算係外來者既!」她臉露笑容說道,這到底是什麼鬼邏輯!??
「喂喂喂,妮絲,你唔好唔記得你有任務在身!」暗夜突然開口提醒她,你第一次覺得這個愛化身烏鴉的劍靈很可愛。
「但係...」
「但咩係呀,岩先我發現個細路女其實都係因為我感覺到森林個一帶有種奇怪既魔力波動,唔係之前既魔力變質,而係另外一種魔力化既現象。我覺得有必要去查一查呢件事,呢件事有需要上報俾老太婆同中央知道。」
妮絲低著頭,露出了不捨,是因為難得到手的玩具要跑走了嗎?
「咁既話,如果你地有事要忙,我...我行架喇?」你準備就這樣離去,你雖然知道告別過後必定會有重逢,但最好就別再碰到她了。
「喂!」妮絲突然叫停你,你感到一陣後怕,「再見喇!」她眼中有著不捨。
「嗯,拜拜!」你從她的眼神中感覺到,其實對方可能只是一個純真的女孩罷了,認真一看,其實妮絲真的挺可愛。
「喂!」又一次被她叫停。
「有機會一定要黎哈多王都搵我玩!」
你會選擇:
!以下選項將影響角色友好度!
1 「我一定會黎搵你架喇!」發自內心地認同她
2 「我一定會黎搵你架喇!」客套說話
3 不理會,留下瀟灑的背影走去