仲有一個
之前返part time做間公司嘅call centre 負責通知啲客
我:喂 午安你好呢度係xxx打來嘅我姓x以下對話內容將會被錄音
都未講晒成句條友已經等唔切咁講
:你打錯啦
我心諗連名都未問你咁快知打錯
同埋我每打一個電話都有記錄又要入資料所以唔敢咁輕易cut佢線
所以繼續同佢講:請問係咪xxx小姐?
:你打錯啦.......
我心諗可以cut線
準備講打攪晒個陣佢又再出聲
:你邊個部門架
我心諗唔係打錯都要投訴啊
猶豫左陣答:......call centre
:(氣音個種偷笑)你打錯啦....呢個內線來架
個陣番左工一個月 完全唔識打內線電話
我:....吓.......
:........
我:唔好意思打攪晒
:唔緊要
好彩佢唔知我邊個 之後都冇聽到部門同事講呢件事
不過隔住電話聽
把聲好溫柔同埋笑個下好cute