有無人做過smile矯視係有後遺症/手術失敗

唔係話垃唔垃圾嘅 依家最多人用都係得laisk同smile
兩個都有缺點
特別養和用得1年半左右 去養和都係做laisk好啲
不過養和同另外兩個最唔同嘅係
清x同香x都係不停吹奏smile 講到完全無缺點 同埋貴幾千 好似想推曬啲人做smile咁 咁就唔老實囉

下？ 現時激光復原最快就係smile 喎，你睇下兩者既手術過程同時間比較都差好多，所謂眼球移位，好老實講，你定住對眼就唔會有事

基本上我做完幾日 已經冇乜問題

可能養和引入smile 時間短，對比出面幾間專做smile 既會講得保守，我建議你可以出去聽下免費講座比較下

咁好老實講smile 本身就貴好幾千，缺點的確係比lasik 少，淨係復原時間同手術時間都優勝好多，眼乾問題亦少好多。

有得揀自然都揀smile, 通常係近視太深先會揀lasik

我反而唔係睇醫院，做得眼科醫生，都係有同樣專業資格既，如果真係想了解多D, 其實應該去多幾間了解下，反正對自己都無損失

據我所知養和以前都唔係推薦人做smile, 但最後自己都係引入smile, 你就知咩事啦

出面幾間就係smile收貴啲 無論邊方面都話smile好
想推曬人去做 復原嚟講養和lasik 第二日已經恢復9成半
之後已經可以返工

呢個真

出面幾間只要你角膜夠就會推你做smile
唔夠都會叫你做交聯之後smile
啲promote全部都係講smile好處 但唔會提lasik好處

我唔知點解喇

咁你又唔好咁講，真係唔夠既 唔會比你做 係角膜岩岩好而佢擔心你做完會塔咗落嚟 先做埋交聯啫

你覺得人地hard sell smile 你覺得lasik 好D 咪做lasik 囉 但smile 既優點好過lasik 就係不變嘅事實，仲有準確度黎講，兩者都差唔多，會唔會反彈係因人而異

你有無了解過點解lasik 傷口大過smile 10倍？ 你睇吓激光切割嘅過程，大家分別係幾大先

如果話lasik 係復原快過smile 既話真係得啖笑

其實你上網搵兩個復原速度 我指視力復原速度
9成都係lasik快過smile 係香x同清x先話smile快啲

lasik 傷口大D, 易移位D都係事實, 傷口復原都一定係smile快D
一直係到陰謀論暗示D乜, 人地point out 復原速度你又係到搬龍門話視力復原速度
其實你心入面都有答案啦 咁咪去做lasik
唔好好似個怨婦 因為比左錢做lasik就狂踩smile

如果你係貪果視力回復快你咪做lasik 囉，根本smile 視力回復到正常都係兩三日內既事，要等既係做完果三個月眼球適應期。

實際我自己做完，第二日就回復到你所謂既9成半，但除左呢樣之外，lasik 有邊樣好過smile 先

搞到我心郁轉smile 打過去收咗 聽日再打

認真，巴打 養和本身就唔推薦人做smile 所以説法先咁保守，你去下其他既講座了解下 包你會再考慮下smile, 由其smile 既激光技巧係真係好勁，佢係打落去你角膜中層做切割，唔洗好似lasik切開你面果浸角膜，然後再激光打磨

其實我一直都係想做smile 係入到養和驗完眼先縮咗
我明個技術 但我一直諗住喺養和做
但養和做又做lasik好啲咁 到底有無人係養和做過smile

我老豆老母60歲都無 可能真係以前無電子野所以無事

我咁睇啦，smile 最緊要係入得岩數據，同埋睇醫生最後抽角膜既手勢。 養和雖然係醫院，但做smile 既年資未必好多，始終要睇個醫生熟唔熟同埋做既病人多唔多

我就咁睇 養和喺lasik經驗係多 保證無失手 錢又同smile一樣 技術上應該比出面馴熟

出面smile貴 技術上先進啲（1代同2代嘅分別）因為貴所以會sell多啲

但smile因為剩係可以做一次 同埋矯視準確度會比smile低啲（100度內）可能做完都會有少少 但生活都無問題 但如果要做增進 或者其他問題 角膜未必夠厚 甚至要用返lasik去做

六年前做完激光，有回彈 100度內 散光都有，正唔正常？自己本身用電腦同手機都多

點解你會覺得lasik 一定會準，同樣lasik 係可以回彈，加上smile 一樣有增進手術 但唔會係用smile 做

風險lasik 一樣可以好大，眼乾 眩光 後遺症 一定會大過smile

你既然咁鍾情養和，唔洗講咁多，做lasik 啦

所以我想搵啲喺養和做smile嘅人問下 但呢個post真係唔多