[切磋砥礪] 西裝、皮鞋、皮件討論帖 (19)

新鋪越開越多，有時我都唔知係咪真係咁好搵。
我見FB啲廣告，三千幾蚊，sell VBC料，可以三件頭加條褲，再加三件恤衫，心諗，有幾錢執呀？呢Ｄ數，我真唔識計。

從舊登開始，呢個帖為香港的西裝業復興，或多或少都有出了點力。
但從質數的提升來說，就不見得有多大的改善。（可能鈕門上普遍有提升 ）
麻甩成日話自己窮L，如果他都算窮L，咁我就係窮窮L
我就無資格去幫襯外國裁縫，但本地的出名裁縫，我大多親身試過，或者好友試過。
慢慢整理下，看看怎樣同大家講解下。
那些五千樓下的貨式，梭尼，我無幫襯，又唔打算幫襯，又唔打算阻人搵食，唔好問我，我幫你唔到。
或者唔講衫，有時間講下鞋，其實鞋我更加熟，因為起碼我自己造過，師傅好難可以昆到我

鞋更加熟 +1

想請問黑色Barathea，想有光澤d有無咩推介？

唔怪得之yuki個lapel roll咁靚

不過睇得出同買得起係兩件事

造踢死兔？

都係講番果句，消費者其實並不需要了解到咁深，搵信譽好既鋪頭或裁縫，錢俾到位佢地自然就會做好。香港一線裁縫雖然做工比起多年前或多或少有退步，但交出黎既貨大部分都仲係好見得人的。

至於如果真係要追求大量手工（Savile row都已經好多鋪bespoke六七成機做，好處壞處後講），又要求最好既質素，咁真係只能夠往外國搵。因為舊式做衫既方法，係真係要慢慢黎，做完一個工序要擺低套野三五七日（做住第套先），之後再繼續做，又擺三五七日，一套衫淨做野工時都成五六十個鐘，按最高標準果批去睇，一個coat maker 一個月頂晒籠超勤力都係做得果六七件褸，計晒所有工序同試身就算唔洗排隊唔洗剩，分分鐘搞你幾個月到半年（如果你在當地隨傳隨到試身的話）

香港裁縫對比外國係好平，就算係一線對比下都非常平，要賺錢就要走量，自然有些地方一定及不上人，這是再平常不過既事。呢個同客既質素亦有關，又要快又要平，又不太懂得看品質，衫過一兩年就換一批，仲願意認認真真做好一件衫既有得幾多人？

所以其實我好佩服一些有堅持既香港裁縫，尤其是陳記（咁當然因爲是朋友有加分），收緊萬鬆呢個價錢，佢地交出黎既貨姑勿論fitting同好睇與否（呢個每個人有唔同經歷），但做工是很好的，見得人，計番佢地俾緊既工錢同心血真係超值 性價比極高（鬼佬都讚好）

其實買乜都好，不要只睇價格，不要因為平而去買不好的東西，要睇埋件野既價值，唔係平就等於抵的。

可能出年年尾幫自己搞下婚禮

坐tower幾呀？

恭喜恭喜！

已經大約估到佢老細係邊個

多謝蛋爺，以前幫人搞咁多大龍鳳，今次到自己想簡簡單單black呔一件算

依家Tux個絲面最難搵

呢個無乜要求，著完一晚就換走佢

Secondment ja, 識已辭。

如果要黑得黎又有光 Mohair係唔錯
Holland & Sherry或William Halstead 60% mohair 40% wool

絲面上網訂 我亦見過有人不惜工本用漳絨

Thx巴，知唔知咩價位到？

陳記水準好飄忽，可能見你係行家或者識嘢先會交足貨，如果唔係我見過出品都可以好Hea

布/絲面
























定漳絨呀

睇你之前個post已經估到
見你地係間房入面好開心喎

呢個可以話係香港嘅行規，你乜都唔識，就比最hea嘅工你。
睇包頭王個post最好笑的地方是，佢好似以為個包頭有接名店Ｄ衫造，就代表佢好工夫，或者就同在鋪面訂的一樣 呢個其實係大誤！
你有要求嘅，鋪面咪找個認真Ｄ嘅師父比你。你拾下拾下，佢就是旦找條友造就算。

So sad

唔怪之得我次次都收到最hea嘅作品

比例上黎講hea野唔算多，最少好少鋪頭同佢地一樣香港設工場，件件衫白手起紙樣白手裁。我當初十下十下去，收到既野都叫唔錯既。

你咪扮嘢啦!