[切磋砥礪] 西裝、皮鞋、皮件討論帖 (19)

啡色定灰色黎 睇唔出

啡色

唔好咁啦你⋯⋯
該正經的場合就正正經經

Hello各位巴打，如果就咁上網買carmina 嘅penny loafer，會唔會博咗少少？

岩岩行過間鞋鋪叫de novo men,見入面有d鞋千幾蚊都好似唔錯，著落都舒服，有冇人試過？定係買番meermin算？

利申：非打手，打手死全家

人地要求黑色西裝就係要個uniform look
唔係比你玩個人主義

冇買開dress shoes的話，建議上lh /p記試下berwick yanko la. 第一次買貴少少反而慳返學費。

Carmina去返armoury啦

灣仔?

Yes

係美帝，冇得試 。所以仲1516緊

經過幾次 門面好似幾靚。但次次都身水身汗無入過去

邊到買九分西褲好？

見佢都解釋得幾好 又唔係好貴 但諗緊係咪買有牌子好d

是咁的，小弟戴定頭盔，對唔住各位大佬，話寫野講左咁耐，一路都係拖數走數，美其名想要認真製作又無時間，實際上係懶得滯。

今日巧遇蛋爺，又被追數一次。蛋爺表明我寫的話佢跟機，唔係認真製作都無問題，既然都講到咁，就襯我仲係無業遊民得閒得滯寫少少野希望可以貢獻下。

個Post轉左黎連登咁耐，唔經唔覺都已經討論到第19個post。對比昔日高登同今日連登既風氣其實係好唔同，一直都希望個Ppost可以平價貴價都傾，俾大家有充份了解classic menswear既好玩之處。

如今響Post入面，平價裁縫已經一直都有討論，我諗都唔需要我多講，不過似乎好多巴打都不太能理解到底貴價裁縫貴響邊、好係邊，而一直追求平，實在係有點可惜。雖然貴野唔等於靚野，但係靚野通常都賣得貴呢樣野我諗大家都知，但到底西裝同皮鞋呢家野貴野到底貴響邊? 唔同既處理到底時間同手工上會差幾遠?點樣為之靚既手工?又會如何影響件衫、對鞋既performance? 既然預得要找數，呢個似乎會係唔錯既主題。

講到一件西裝既價值，以我粗淺既認知主要可以分為幾部分︰
(1) 做工
(2) 用料
(3) 合身度
(4) 風格及美觀與否

到底哪一項比較重要、佔幾多比重，人人唔同無標準，但每一項都是重要的。

合身與否，一套西裝點樣叫fit點樣叫唔fit，我諗呢部分已經有唔少討論，呢樣野留番俾蛋爺接力，今日我想分享既係小弟買左幾年衫，對於做工同用料呢兩件事情既一些睇法。

好多店鋪，尤其是一幫新進既鋪頭都會打住「好做工」同「講究細節」呢兩個口號，而好多時佢地都會主力講幾樣野，「扣眼」(尤其是米蘭眼，已經一街都係)、大量「打棗」(學意大利佬)、包邊、車線等等，而佢地咁樣做既原因我推測係因為比較簡單直接，客容易明白，自己亦不需要講太多野 (甚至唔需要識太多野)。

成日有人話「Devils are in the details」，據聞講出呢句說話既Ludwig Mies van der Rohe 設計每個劇院既時候，都要精確測算每個座位與音響、舞台之間的距離以及因為距離差異而導致唔同既聽覺、視覺感受，計算出邊D座位可以獲得欣賞歌劇的最佳音響效果。咩座位最適合欣賞交響樂，不同位置既座位需要點調整，甚至響設計劇院時要一個座位一個座位咁去親自測試敲打，根據每個座位既位置測定其合適的擺放方向、大小、傾斜度、螺絲位置等等。

西裝亦一樣，其實講細節，又點止上面誰都睇得明既表面野呢?

舉個例子，就好像Canvas，full canvas既衫係一套好既衫既基本結構（half canvas同fused我就唔講了），而點樣去處理一塊樸、用甚麼樸都會影響件衫最後出黎既performance。馬尾樸、麻樸、駝毛樸等等，唔同樸本身有唔同效果，會影響件衫挺度、柔軟度等等我諗大家都知道，但即使同樣係馬毛樸都有分唔同等級。

俾個極端啲既例子，例如一塊SSP買既15蚊港紙一米闊封(散剪)，同意大利買接近6歐羅蚊一米窄封既馬毛樸(35米幾一碌咁買先有呢個價)，淨係浸完水之後縮既比率、縮完之後日後會否再縮等就已經有極大分別。

乾燥地方或者問題無咁大，但好似香港咁潮濕，一陣間受潮，SSP平野就算預縮過都會再縮，同時件衫既布料又因為濕度高而延長(布料自然反應)，著得幾年，件衫就會熨都唔平，起晒波浪，分分鍾連珠邊都走埋位。

樸不論係咩毛既樸都好，處理過之後，後續會否再縮、縮幾多，係評定一塊樸好與不好既指標之一，但講真果句，收衫時岩岩做起，鋪頭又幫你熨好晒，外行人係絕對睇唔出到底用既樸品質好唔好，變相只能相信裁縫鋪，但問心果句，一間收緊你五千蚊既鋪做full canvas你，佢用既輔料會唔會入最好果隻?呢個就真係大家心照。

而即使係同樣用品質好好既毛樸，如何處理亦都會對件衫既表現有好大影響，例如︰佢地如何做佢地既hand padding。

如果各位有試過日本裁縫，大家會發現佢地做既衫好精細，而且即使係輕既布、軟既樸，somehow唔洗點熨都可以有個好挺既lapel roll，尤其係去過意大利學師既幾位，輕便舒服得黎又好挺，到底佢地點做到?好多人有呢個疑問。

其實佢地既衫既好處在於，佢地連大家睇唔到既部分都做得非常仔細，就例如下面呢張圖，呢張圖入面既八字縫其實係做得非常好。



咁好的地方係好在邊度呢?

大家可能會先留意到佢既密度，佢既八字縫走針係非常扎實，同時佢用既係比較粗既真絲線，呢兩樣野配合起黎，就可以比到個lapel非常多既、額外既「力量」，去填補軟布料、軟樸中間不足既力量。舉個例，我絕大部分出自香港裁縫，包括我曾經有份既鋪既出品，只要布料重量係輕過13oz，基本上我出差放完入行李箱之後都要重新熨過，個lapel望落先夠弧、夠圓、夠挺。

但Kotaro做俾我既衫、Yuki 做俾我既衫等等，我係拎出黎就著得，唔需要再花時間去熨佢，掛一掛基本上個形就番晒黎。當然，布料上亦會有所影響，但不可否認既係佢地響hand padding呢方面係下左一番心機。

再者，睇番張圖，你會發現佢靠邊領咀既八字縫角度係打斜既，同其他縫線既方向唔同，呢個做法其實係舊式既做法，因為縫線帶俾件衫既力係有方向性 (就好似裁布亦有分方向一樣，力量係有走向的)，佢地將邊角既八字縫轉方向，可以避免領咀日後因為著得耐而翹起。（預防各種原因既翹起）

如果大家夠眼利，平時有留意開香港一線裁縫，包括：培記陳記亞記哥頓，你都會發現佢地方出黎既宣傳圖如果係有show hand padding，領咀位既八字縫方向都會做同樣既改變(雖然香港既裁縫都是用poly線而不是真絲線，但原因同好壞我地再傾)。



我手機影的陳記



中價位裁縫除非你要求，一般係唔會做呢件事情的，甚至要求左都唔會做。(唔知依家上網講左之後會唔會有人要求D中價裁縫做密D八字縫同轉方向 )

呢D你地睇唔到既事情，難其實一點都不難，但如今仲會咁做既香港裁縫我諗十隻手指數得曬，蛋爺甚至話一隻手都嫌多。

至於點解本地裁縫同大陸裁縫唔做呢?其實道理好簡單，因為你睇唔到，佢又要曬大量時間去做。做到圖入面咁密既八字縫，工場要用比平時多三到五倍既時間，但佢地又無得收你三五倍價錢，試身又唔一定需要縫好八字婩，個客睇唔到，睇唔到的東西個客又未必識，又無得收貴D，邊個會同你做?佢地又唔可以好似外國裁縫咁收兩三萬一套。

當然我才疏學淺，依家響度講既都只是皮毛，冰山一角，同做工、用料相關既野仲有非常非常多既學問，過幾日我試下再寫多點。但由衷希望各位睇完之後能夠瞭解到，好野貴不只是貴在名氣、不只是貴在風格，也不只是貴在合身，有好多花時間花心機、影響整體又容易被忽略的小細節，堆砌起黎就形成了平、貴產品之間不可跨越既鴻溝，係舊時代留落黎做好一套衫費時費工的方法，一套衫好不好，一兩年或者未必睇得到，但過得三五七年就會見真章。

小細節是真真正正的在影響大事。

（待續）

P.S. 圖入面指再上一個post日本裁縫的圖

支持 學到嘢

g持

多謝牛巴

以乜都唔識既新手講講我既睇法:

我諗大部分人唔想 invest既主要原因有二：
1. 唔明俾咁貴為乜 （呢部分靠上網睇可能學倒一部分）
2. 知點解貴 但唔識分好壞

等於買樓咁 我知有d樓係用料好d而實際好處有x, y, z. 而我的確想俾貴多少少錢去買呢d好處. 問題係我唔識分樓既用料如何 講到尾都係要信牌子

而係香港好似經常見倒既comment係你唔識出聲就唔會有 簡單黎講就係連牌子都未必信得過 甚至有舖頭講完都係呃你

當然一部分係風氣問題 好似唔少人都唔take pride in what they do諗盡辦法去搏懵, 令消費者唔相信俾錢會得到自己想要既野 變左好似返大陸咁 大家唔會因爲怕買假貨而俾貴d 因爲你俾貴d仍然有好大機會買倒假貨

所以我呢個新手最疑惑既係點樣良好地同舖頭溝通而不被敷衍 同埋點樣檢驗貨品品質。因為就算睇完呢d好文學完野 去到舖頭都係水魚一條

麻甩終於肯出野

麻甩點都要拖我落水!
仲咁比面，拿我兩件衫做樣板

感謝指教，學到野！

而又其實市場上大眾買rtw多，好少會留意到隱藏或最基本嘅布質，好似牛仔褲一樣，幾重點染乜棉正常都唔會理，咁樣其實好可惜呢