（還要走多遠）尼馬故外傳之香港殺入世界盃（2）

寫左兩個月，終於開到post 2
比起其他season，呢個故無疑多左政治成份
但體育從來都離不開政治
如有冒犯某幾位現實世界人物
唯有喺度講聲抱歉

廢話唔講太多
繼續同香港隊一齊踏上世界盃之路。


part one：
https://lihkg.com/thread/710526/page/1

第四十六章

德仔貴為球壇當紅炸子雞，跟母親以外的異性單獨外出還是第一次。

黃昏的鹿嶋市氣溫只有零下一度，整日下著飄飄白雪，德仔與七瀨里香相約於市內一家魚生飯店晚餐。



「有兩樣野，Gary叫我交俾你的。」



里香拿出兩件物事，分別是一雙紅白色﹑左右兩邊分別印著HKFA及GL19的紀念版球鞋，以及一枚港幣十元的硬幣。



「Gary話，之前同你喺意見上有分歧，但佢依然希望你可以逆境自強。」里香道。
「………」



德仔望著我送給他的兩份禮物，霎時便猜到當中含意。



「你被罰停賽既事我有聽過……近來進展如何？」里香問。
「體委要求展開紀律聆訊，有判決前我都唔可以代表港隊出賽。」德仔道。
「距離世界盃仲有七個月，唔會有事既！」里香道。
「我都唔知，唯有見步行步。」



坊間有傳，若德仔想要重返港隊踢世界盃，必須向「受襲」的梁孔德先生當眾道歉……但德仔問心無愧，一方面極不願意錯過世界盃﹑另一方面卻難以開口向出賣香港運動員的高層道歉。

他心想，或許，為了畢生難求的世界盃機會，即使真的要放下尊嚴，也別無他法。



「話時話，」里香轉換話題。
「我好好奇佢俾你呢兩份禮物既含意……特別係呢塊十蚊硬幣。」



德仔拿起那雙紀念版球鞋，道：

「呢對波砵，係七年前香港打入亞洲盃決賽週時，本地運動商打造既『特別版香港隊HK90』。當年全城足球風氣熾熱，Gary更加係香港隊既象徵人物，呢對砵一推出旋即被瘋在搶購。亞洲盃期間，Gary就係著住呢對HK90，為香港隊出戰六十年來首個大賽。」

「原來如此，我聽Gary講，佢屋企一直擺放住一雙『幸運戰靴』，就係呢雙HK90？」
「正是。」德仔點頭。
「佢話過，過去曾經獲得不少國際大品牌既贊助，著過唔同款式既貴價波砵，但冇一對及得上呢對代表香港人身份既HK90。」
「原來如此，咁呢對球鞋果真價值連城。」里香點頭道。
「咁呢枚硬幣呢……又係同足球有關？」
「唔係。」德仔黯然地搖頭。
「2030年，香港政府宣佈人民幣成為本地通用貨幣，並計劃將港幣分階段淘汰。首當其衝既，係歷史籌命最短既10蚊硬幣，率先被政府全面禁用及回收。擁有10蚊硬幣既市民需要到各家銀行換取同等價值既人民幣……一年之後，所有10蚊硬幣絕跡於市。」
「我聽過呢件事。當年香港人因此遊行至中聯辦，並籌集數萬枚十蚊硬幣，扔攔中聯辦辦公室既玻璃窗以示抗議，最終導致警民衝突。可惜，行動最後都係阻止唔到法案通過。」


德仔點頭：
「失去功能既10蚊硬幣，象徵本土文化如何被中國一點一點侵蝕……呢對HK90﹑呢枚廢幣既意義，係我地要運用足球既力量團結民眾，捍衛香港文化最後一道防線。」



他握緊手裡硬幣怔怔出神，想起香城的茫茫前路，只感到淡然哀傷。



里香道：
「Gary對你寄望什殷，你唔好再嬲佢啦！」
「我從來冇嬲佢……大家只係想捍衛呢個家園，只係諗野方法唔同。」


德仔頓了一頓，問道：
「妳好關心Gary，你地係……」


不待他說完，里香哈哈一笑：
「實不相瞞，我的確暗戀過佢，係粉絲祟拜偶像個種仰慕。但佢堅決唔再拍拖，件事就咁就完左，我地依家只係好好既朋友……況且，哈哈，我地年紀相距好遠！」
「哦……」



不知如何，德仔內心有點吁一口氣的感覺。

終於有文

「你呢？你依家係灸手可熱既球星，身邊應該好多女伴吧？」輪到里香發問。
「我哥哥（太空翼）都係咁架……佢係米蘭踢波咁多年，身邊美女經常貨如輪轉！」
「由細到大，我都不善同人溝通。」德仔搖頭。
「Gary有同妳講過我既往事嗎？」
「冇呀！佢知我放假返黎，淨係托我帶野俾你……又叫我同你傾下計練下日文咁。」



跟里香在香港初次見面時，德仔緊張得說不出半句話，今晚卻愈說愈投契，只覺得跟這個日本女孩相處得舒服自在，任何事均可以毫無保留地分享，遂把自己年幼喪父的故事告訴了她。




「對唔住呀，要你諗返d傷心事。」里香聽畢故事後說。
「我自少慣於封閉自己，係Gary鼓勵我放低陰霾，學識同人相處。」德仔道。
「你地都係有故事的人，自然心意相通。」里香道。
「或許吧！」德仔道。
「其實，我今次假期會喺日本逗留兩星期…」里香道。
「黎緊星期日，我想去睇你地鹿隊比賽。」



德仔頓感受寵若驚：

「妳……黎睇比賽？」
「做咩咁既樣？怕我買唔到你地既門票嗎？」里香笑問。



自從鹿島鹿角揚威國際﹑並重金禮聘世界各地球星起，主場賽事經常出現爆滿情況，可謂一票難求。



「我唔係咁既意思……」德仔漲紅了臉。
「日本國寶係我親哥哥，一張J-League飛難得到我嗎？星期日見吧！」



里香笑語盈盈，使德仔心花怒放，誓要以場上的表現去報答紅顏知己的支持。

白雪之下，這個晚上的約會非常難忘。

第四十七章

我委托里香將兩份禮物送給千里之外的德仔，當中的含意就如德仔所猜到一樣，確有傳承衣砵之意。

近日長居美國養傷，不知怎的，突然有份力不從心的無奈。球員生涯經歷大少傷患，卻從未有這樣的感覺，想來在綠茵場拚搏的日子已接近倒數，明年世界盃後或許要作出決定了。







「老友，掃描結果出左了。」



現居於洛杉磯，有我的好友物理治療師湯.鄧肯。他在美國名氣什響，醫術比得上多年來音訊全無的怪醫李察。



「好消息？」



我見他臉帶笑容，心中一寬。哪知他卻道：

「消息有好有壞，你想聽邊個先？」
「oh my god，老友，唔該唔好賣關子……」我沒好氣。
「消息係好的，手術癒合進展良好，估計兩三星期之後，你就可以重返訓練場。」鄧肯道。
「之但係，掃描結果顯示你右腳鼠蹊位置組織脆弱，始終你先後四次傷及同一位置，再傷風險亦都較高。」
「以我年紀，咁都好正常。」我嘆道。
「總之……老友，好自為之吧！苦等多年終於夢想成真，我都好希望見到你踢世界盃。」



我苦笑，每次落場全力拚搏，是足球員的應有態度，要拿捏得準如何減輕受傷風險，談何容易？

跟華金領隊交代一聲，我確定於星期四返回球會報到。美國深宵時份有日職聯賽直播，我自然追看鹿島鹿角的比賽。




「鹿島鹿角主場對札幌崗薩多既比賽，主隊箭頭奧迪高因傷缺陣，由小將梁令德取代掛帥，夥拍查理查理敢堅。」

「20歲香港射手本季正選時間極少，但每次後備入替屢見奇功，因而獲得重用。」




德仔首次擔任正選前鋒，自然要吸引了我及所有香港人的目光。

lm

「鹿角右路攻勢，村松深彥斬入禁區，札幌門將單槌打出不遠，查理查理凌空窩利一抽，眼看死角入網，對手卻奮身護空門……」

「梁令德捕捉門前有利位置，閃電快腳一篤，執雞成功！上半場3分鐘……鹿島鹿角領先！」





「六分鐘後，查理查理於中場引開三名札幌球員，一記通透直線傳到入楔既梁令德腳下……」

「梁令德面對守衛緊纏，作勢射門扣回大位，右腳一拉！皮球再度破網！2－0！」






「下半場22分鐘，又係梁令德個人表現時間……前場一對一扭過札幌守衛，禁區外拉弓一射，3－0！」




首次擔任球隊正選的德仔技驚四座，表現足以傲視同儕。而七瀨里香的親身到場，或許也是他完成首個帽子戲法的推動力。

事實證明，香港隊要出戰世界盃，實在不可能缺少德仔這個天才球員。



--------------------------------------------------------




12月8日，是香港人期待以久的日子。阿根廷布宜諾斯艾利斯的展覽中心，於當地時間黃昏6時舉行2038年世界盃的分組抽籤儀式。

香港與阿根廷相差十二小時，雖說是星期六假期的早上，但大部份香港人均寧願留在家裡看電視直播：破天荒第一次，抽籤儀式上有HONG KONG SAR的名字！（而非什麼中國香港）

這天操練過後，我跟球會隊友分享著我們對這個抽籤儀式的興奮。球會的隊友來自五湖四海，不明白何以我們連抽籤也看得如此重，我解釋說，這不但是香港隊歷史上首屆世界盃﹑亦有可能是最後一次……




遠在日本鹿嶋，抽籤儀式同樣於上午早餐時份舉行，德仔自然相約下午便要啟程回西班牙的里香一同觀看。

「你今日都要操練架喎，咁早起身就係為左睇抽籤儀式？」
「一半係為左抽籤﹑另一半係……妳今日要離開日本了，當然要同妳早餐餞別。」
「幾時咁識氹人架你？」里香一笑。



德仔面上一紅，當刻只是想說出心裡感受。里香見他尷尬，連忙轉移話題：

「你咁著緊抽籤結果，有話想同邊一隊碰上嗎？」
「冇。」德仔搖頭。
「能夠參加世盃已經係夢想成真。無論對上邊一隊，對我地黎講都係新鮮既經歷。」
「我就係唔係咁睇了。」里香笑道。
「日本今屆第一次以非主辦國身份成為種籽隊，球隊上下都以出線八強為最低目標，日本人更加希望我哥哥可以成為史上第一個奪得金靴獎既亞洲人。」



德仔苦笑，心想日本奮戰世界盃多年，實力上已趨世界級，如何能跟香港相比？



「你睇，開始抽籤啦！！」里香道。



電視裡，司儀分別以英語及西班牙語歡迎來賓，四十八支國家隊的領隊已安然在席，包括香港隊領隊積甸拿克及其教練團。

按照傳統，司儀介紹主持抽籤儀式的八位重量級嘉賓，其中包括阿根廷的象徵人物﹑五屆金球獎得主美斯。

接下來，司儀仔細地介紹本屆世界盃的分組及抽籤模式：



「本屆世界盃繼續由48支國家隊競逐，並以世界排名劃分3個等級。16支種籽球隊分別為主辦國烏拉圭及阿根廷﹑美國﹑巴西﹑葡萄牙﹑意大利﹑英格蘭﹑德國﹑西班牙﹑墨西哥﹑俄羅斯﹑日本﹑智利﹑法國﹑瑞典﹑瑞士。」

「至於其餘兩個級別既國家隊，並不會按洲份編排，一切以世界排名為依據。」

「分組賽會抽出十六組作單循環比賽，每組三隊，首兩名直線出線十六強。除左歐洲以外，任何組別均不能出現來自相同洲份既球隊；而由於歐洲球隊數目較多，某些組別會出現最多兩支歐洲球隊。」

「2038年6月5日，主辦國之一烏拉圭將會於首都蒙特利爾進行揭幕戰；決賽於阿根廷布宜諾斯艾利斯舉行，日期為7月17日。」

「規則都講清楚了。2038年世界盃抽籤儀式，正式開始。」






「吁……」


身處不同地域的香港隊球員﹑八百萬香港市民緊張萬分，一同期待著身處於第三級別的香港隊，首戰世界盃將要面對哪兩支勁敵。


-------------------------------------------------------


待續。

更正：烏拉圭首都係蒙特維多

李察幾時出返黎

首兩名直線出線三十二強？

係 自膠
係三十二強唔係十六強

唔會出返黎啦

push

查理查理係咪獌嗰個

pish

lm

有智利點少得我山齊士三世

唔記得李察發生咩事

正呀, 留名

怒打弱智屎忽一下

好似著左草

為咗幫gary 醫病 用咗禁藥
之後畀人發現著咗草
之後又出返嚟幫gary 指證咗個人？
又繼續著草
(有錯勿屌）