（還要走多遠）尼馬故外傳之香港殺入世界盃（2）

咬牙切齒

幾時暴動

無文出嘅時候

以前仲未知咩係和理非個陣，覺得雨革真係有希望，慢慢了解到成個香港政治生態，覺得和理非根本係爭取唔到民主。

People should not be afraid of their governments. Governments should be afraid of their people.

呢句係黎自一部叫v煞嘅電影，我覺得當全香港市民反抗嘅時候，一定會逼到政府驚

但香港哩個濕鳩地方,就算有人死,根本唔會出現全香港市民出嚟反抗

如果係咁，香港真係唔配有民主

lm

留名
唔可以放棄自己既價值

留名

第五十章


兩個月前。


「坐吧。」


辦公室內，兩位中國官員分別為國家體育總局主席兼人大政協﹑以及港澳辦主任。

對面坐著的，是香港體委主席（下稱主席）及榮譽委員梁孔德。



「兩位長官……對於中國足協上訴失敗一事，我深表遺憾。」主席道。

「免了。」國家體育部長揚手。

「只要2046的世界盃主辦權弄到手，我們也會豬籠入水。屆時，少不了你們的份。」

「多謝長官。」主席及梁孔德齊聲道。

「這次會面，是因為國家有任務交給你們。」

「任憑差遣，長官請說。」

「聽說你們香港隊有位少年球星，近來闖了禍？」

「對。」梁孔德道。

「我們探訪足球隊的訓練營，他向我問罪把我推倒在地，傳媒都拍了下來。」

「你們打算把他怎樣？」

「停賽是最基本的……但這小子是當今大紅人，不能罰得太重。」

「那就好，上級希望你們借此機會，幫忙滅聲。」

「滅聲？」

「香港足球隊最近成為了港獨運動的象徵。那位大紅人是香港隊的代表人物，上級希望他可以發表一份聲明，公開表示港獨禍害社會。」

「上級是要借助那小子的影響力，打壓反對聲音？」

「正是。香港球員在北京強行為示威者默哀一事，在中國各地引起不少迥響，上級不希望見到這樣的情況。」

「我們當盡力而為。只怕那小子掘強，不肯就範。」

「參加世界盃的機會只有一次，他會就範的。」

「您的意思是……？」

「你們告訴他，要重返香港代表隊，就必須發表這份聲明。」

「不錯，對於足球員來說，世界盃是一枚金蛋，是名揚天下﹑走向榮華富貴的大好機會，我可不信那小子會為了那些港獨份子，放棄這千載難逢的機會。」

「長官所言什是。」




--------------------------------------------------------------------



「德仔，對於當時既行為，你認為自己係咪太衝動？」記者問。
「………」



德仔倚近咪高峰，開始發言。

「我當日既行為的確為社會帶來壞榜樣。對於自己既衝動，我喺度向所有受影響人仕，包括公眾，致以衷心歉意，並承諾以後謹言慎行。」



說著，他站起身來，向記者九十度鞠躬，為自己的行為承擔責任。主席及梁孔德二人只道德仔就範，臉上露出笑容。

哪知道，接下來的發展卻出人意料。



「你既行為係出於對體育委員會既不滿，是嗎？」一記者問道。
「你認為香港體委對足球員既支持度唔夠嗎？」另一人問。



德仔神色凝眾，望著一眾記者說：
「各位，實不相瞞，我今日唔打算回答任何問題，只係想分享少少感受。」



一眾記者及體委成員，頃刻呆住。



「容許我帶大家走入時光隧道，睇返二十幾年前既香港。」德仔正色道。
「二十年前我仲未出世，但當年『香港足球』喺咩一回事，我係知道的。」
「當年既香港，錢，係唯一既核心價值；點樣搵更多既錢，係香港人既人生唯一目標。體育？唔好搞啦！點解呢？當年有位行政長官解釋過，話體育冇經濟貢獻，搵唔到錢囉！」



人所共知，德仔說的是雨革時期的香港特首－淥八狗。



「小朋友雄心壯志，想要成為職業足球員，披上香港隊戰衣衝出亞洲……但咩都講錢既社會氣氛，令佢哋唔敢諗﹑唔敢發夢。即使有人勇於嘗試，但屋企人會點諗？踢波？俾你踢到朗拿度咁叻，一個月先賺得個一萬幾千，有q用咩？你唔係真係覺得自己可以踢到英超呀？」
「做人呢，最緊要係腳踏實地，努力讀書，畢業之後搵份好工賺多d錢，然後成家立室！」
「腳踏實地＞努力讀書＞搵工賺錢＞成家立室……呢條人生方程式，唔知扼殺左幾多年輕人既夢想……而呢種搵錢至上既社會風氣，就係呢一班人所造成！」




德仔霍地站起，指向體委主席及梁孔德二人。


「嘩……」氣氛瞬間變異，記者爭相拍照捕捉，體委主席及梁孔德臉色一沉，恨不得找個洞鑽進去。

「當年既足總主席，就係呢位梁孔德先生。」德仔續道。
「根據資料顯示，二十年前既鳳凰計劃入面，政府撥款左五千萬俾足總。呢筆資金入面，超過八成係用作薪酬開資！即係話，五千萬入面，用作推廣足球既不足一千萬……其餘既錢，係用黎養呢班做唔到野既無能之輩。」
「錢﹑咩都係錢……！佢地搞足球，首要條件只係『搵唔搵到錢』！當年係邊個話香港足球冇出路，要加入中國大陸既大灣區聯賽？」他瞪著梁孔德。



德仔連珠爆發，愈說愈流利。他本不善言辭，只因心中想得通達，言辭便顯凌厲。



「一池死水既香港足球，二十年後殺入世界盃，係邊個既功勞？係呢班人嗎？」德仔大聲問。
「唔係……係Gary。」一名記者忍不住答話。
「冇錯，自從Gary加入香港隊，成個足球風氣唔同晒……地區青訓開始發展，亦多左家長鼓勵子女踢波。」
「冇錯，呢個先係香港足球既轉捩點。」



德仔客家佔地主，一班記者爭相回答他的問題，場面十分有趣。



「一個對香港足球發展勞苦功高既運動員，被代表住香港運動員既高層出賣……合理嗎？」



德仔金睛火眼，直視著無地自容的一眾體委。



「唔係Gary回流開拓青訓市場﹑推廣本地聯賽，有可能做到今日港超聯場場爆滿？你地體委可以賺到盤滿砵滿？佢被人迫害既時侯，你冇講過一句說話幫佢，仲要為施虐者說詞……！！你地覺得慚愧嗎？」
「各位香港體育界管理層，請聽我一言。其實唔單止足球，所有香港運動員都好需要你地既支持！我希望你地唔好只係坐享其成，一心要賺人民幣。」
「我今日要講既係咁多……當中既對與錯，大家自有公論。」



啪啪啪……



德仔說罷，台下傳來陣陣掌聲。在場有不少資深的體育記者，他們多年來致力以文字支持香港的體育發展，聽著德仔一番肺腑之言，亦站起身來激烈拍掌。

電視機前，望著自己一手提拔的後輩公開為我發聲，我只覺得鼻子一酸。

第五十一章


掌聲稍歇，眾人相繼坐下，德仔繼續說：
「我知道，你地仲準備左另一D問題要問我。」



體委主席及梁孔德面色一沉，知道他馬上要提及那份「滅聲」聲明。工作態度被批評事小，但若然德仔公開違抗皇命「播獨」，上級追究起來，二人的頸上人頭隨時不保……



因此，體委主席霍地站起，想要拿起咪高峰說話，德仔卻已搶著道：
「關於呢個問題，我只可以叫大家睇翻喺北京發生既事，其餘既無可奉告。」



所說的，自然是中國對香港的比賽，港隊半場時間的默哀行動。




記者正想追問，德仔已下逐客令：
「今日既回應到此為止，大家聽日已有足夠故事寫了……對嗎？」



他轉頭望著怒氣上衝的體委主席及梁孔德，站起身離開會場。



「德仔！德仔！」
「講多幾句呀！！！」



記者爭相走上前，德仔卻已沿通道離開。



「主席，梁生！你地有野想發表嗎？」
「對於德仔既控訴，你地有咩睇法？」
「德仔會被禁止重返港隊嗎？？」


「多謝大家出席今日既記者會，我地冇野回應……」
「勞煩記者朋友讓一讓……」



早已六神無主的二人實不知如何應對，只想急急離開現場。

笠日，德仔在記者會上真情流露，成為各大報章頭條，爆炸性媲美「排雲掌」事件。不同的是，「排雲掌」令德仔備受各界批評，這番說詞卻受到激節讚賞，他真摯地表達出香港運動員的無奈及冀盼，本地運動員紛紛撰文感謝其為體育界發聲。

自此一役，德仔進一步確立自己的在香城的地位，什至被推舉為「民間特首」。

「你真係好勇敢……」德仔公開挑戰權貴，遠在西班牙的里香亦有所聞。
「我只係講出一直想講既說話。」德仔道。
「你令佢地顏面全無……佢地會報復嗎？」里香表現擔憂。
「香港人信任我，我無論如何都唔可以出賣佢地，後果我預左要承受。」
「包括冇得踢世界盃？」
「有d野，比足球更加重要。」
「我只係擔心……佢地會以更卑鄙手段對付你。」
「我相信世界仲有公義。」德仔還是那句。



里香的擔憂，亦是我的擔憂，因為我比他們更了解中共的手段。

德仔記者會上公然與體育界權力核心決裂，坊間開始流傳體委將會秋後算賑，千辛萬苦帶領香港殺入決賽週的德仔，能否隨隊參與所有足球員夢寐以求的世界盃賽事，仍是未知之數。

事實上，德仔事件所引的社會迥響，可謂歷來本地體育界之冠。一來是因為足球在香港地位祟高，歷史性打入世界盃令全民動起來﹑二來德仔的控訴不但牽涉體育界，更涉及如履薄冰的中港關係。距離世界盃只有大概五個月時間，不穩的因素愈來愈多。




「作為球迷，我只係想香港隊可以齊齊整整參加世界盃…… 」




一月二十四日，一名著名體育主持人說出肺腑之言。

然而，在德仔的命運有答案之前，這個願望已確定未能實現。

一星期後，西甲聯賽巴塞隆拿對貝迪斯。



「下半場六十分鐘，貝迪斯中場李文翰於無球在腳情況下，突然痛苦倒下，似乎是拉傷了……」



「呀哎……」



魯營球場上，我撫著僵硬了的鼠蹊，忍不住哭了出來。



「感覺如何？？」軍醫問道。


我不能回答，只是掩面痛哭。身體上的痛楚只是少事，這樣的疼痛代表著什麼，自己心知肚明。

兩日之後，掃瞄報告出來。正如鄧肯所言，數次被重創的鼠蹊部位再被觸傷，需要養傷至少八個月。

換言之，世界盃，我已確定不能參加。



－－－－－－－－－－－－－－－－－－－－－－－



繼德仔之後，我因傷缺席世界盃的消息，再次使香港足球隊成為報紙的A1頭條，憾動整個香港。



「有見過佢嗎？」



正等侯發落的德仔知悉我的情況，卻只能聯絡上里香。




「聯絡唔到……佢電話已經關左兩日。」里香道。
「或者，佢需要時間靜一靜。」
「Gary為香港足球勞碌半生，終於守得雲開見月明，依家……」德仔感到痛心。




為我感到惋惜的，不只有香港人。一班昔日隊友知道消息後，紛紛向我送上慰問。可是，正如里香所言，此刻我實在需要關上電話，好好處理自己的情緒。

兩天後，我主動致電香港隊領隊積甸拿克。



「領隊，對唔住……」



道歉的原因，是我無視物理治療師鄧肯的忠告，沒有小心處理自己的傷情，導致今天最壞的結果。



「請你唔好講對唔住……」積甸拿克道。
「咁多年來，球隊欠你既實在太多。」



我不能自己，又再哭了出來。

近來的壞消息太多，德仔前景未明，香港隊首次參加世界盃的路途，委實充滿荊棘。




「德仔，無論如何，你一定要為香港撐落去……」



此刻，我只能這樣禱告。


－－－－－－－－－－－－－－－－－－－－－－－－－


待續。

主角都冇得出

Gary有冇奇蹟？

呢集主角係德仔呀

一場都出唔到

Gary

做助教ok？

credit俾返足球說故事既贊師父

德仔講香港足球個段，部份內容取自佢最近一篇文

好似當年咸爺咁隨隊都得既

如果德仔講埋班仆街逼佢講聲明就好