（還要走多遠）尼馬故外傳之香港殺入世界盃（2）

我估Gary會以助教身份去南美洲

遺咩憾美 成個故事唔只想香港 德仔有得踢世界盃 gary都係重點 辛苦左咁耐終於夢想成真 又搵佢黎搞 唔洗咁陰公下話 冇左gary落場仲點算香港隊

相信gary既故事係咁多個讀者曾經既夢想 踢學界 踢聯賽 加盟自己心愛既球隊 贏冠軍歐聯 為港隊上陣 最後踢世界杯 由s1追呢個故 一路追一路將自己代入gary到 到知道gary無得踢世界杯就好心痛

推

唔通會港獨

之前嘅可以係邊睇

梁蛇呢個故真係唯一一個令我覺得高質嘅故 ，你好形容到梁匪孔德嘅所作所為

舊登

S5最後個post廿幾三十頁有巴打 打包link

第五十四章

香港傳統新年節目－賀歲盃，本年邀得英格蘭球會布力般流浪，前來獻技。


（與其他聯賽不同，英超歇冬期在二月頭，二十支球隊分兩星期輪流休息。）


說到布力般流浪，香港球迷最熟識的是綽號「神童」﹑前利物浦球星的阿祖安史達克。

抵港首日，神童知道我身在香港，嚷著要出來一見，卻被我婉拒。



「老友，你真係決定要咁做？」神童問道。
「冇錯…」我道。
「事情完結後，我一定請你飲返杯。」
「舉手之勞何足掛齒？明天見吧。」神童笑說。



此時此刻，要挽救香港及德仔的命運，實在需要點「外國勢力」。

我與神童的黃金組合昔年為利物浦奪得首個英超冠軍，由於全球利迷數量眾多，世界各地皆有我們的忠粉。因此，賀歲盃雖非什麼焦點賽事，這個組合在香港重逢吸引了大批外國傳媒採訪，我正好借此機會，讓事件曝光於更多人面前。

笠日，我以特別嘉賓身份 ，出席布力般流浪的記者會。

面對著各個外國媒體，我開始講話。






「今日，我想同大家講個故事。」我道。

「好耐以前，東方有個聞名於世既小城市，男耕女織，四海昇平，並培養住一種獨立於世既珍貴文化。」

「忽然有一日，呢個小城市既前宗主國話：『你喺海外流落多年，我決定收留返你。』然後，佢地嘗試以各種方法『教化』小城市，包括輸入外來人口﹑消滅本地語言﹑注入大統一思想，務求去掉自主意識，同化兩地人民。」

「自此，小城市不再國泰民安，除左社會愈來愈多衝突之外，更加係因為外來人口湧入，引致樓價高企，本地人難以安居……」

「人民不斷捍衛自己被奪去既權利，祈求宗主國允許佢地保留辛苦建立既獨有文化。然而，訴求卻被視為邪惡﹑反叛﹑傷害國家既行為。到左一日，小城市既人民知道，要拯救自己，只有一條路－爭取獨立。」

「由於雙方實力懸殊，小城市爭取多年依然夥粒無收，但佢地並無放棄。」

「去年，小城市憑住自己既努力，打出一片天，走向世界。呢個時侯，宗主國居然話：『你地自古以來都係屬於我，所以你既成就，我都有權分一杯羹』」

「然後，宗主國不斷打擊小城市，意圖將之全面吞併﹑又以不同手段剝奪佢地既成果，無所不用其極。」



我頓了一頓，續道：
「各位傳媒朋友，大家對於香港最近發生既事，都略有所聞。冇錯，故事入面既小城市，就係香港；至於宗主國，大家心知肚明。」

「我希望大家睜開雙眼，用心了解我城發生緊既事：一位運動員無理被逐出代表隊，民眾上街為佢發聲，卻被各方譴責，有官員什至揚言要以廿三條立法嚴懲……」

「其實，我地只係希望靠自己既力量證明俾全世界睇：香港足球唔係垃圾。點解一個咁簡單既訴求，都要受到譴責？」

「咁多年既抗爭，人民已經身心疲累，係世界盃為我地帶來希望；係世界盃話俾香港人知，我地仲係一個令人自豪既民族！呢一刻，我地只想齊齊整整出發去南美洲踢世界盃……希望世界各地既傳媒朋友，可以支持一下我地。」

「我既故事講到呢度，多謝布力般流浪會方邀請我出席記者會，衷心感激。」




我長篇大論跟傳媒說故事，目的自然是希望得到更加多的關注。不出所料，傳媒被以上的說詞打動，紛紛站起身來為我鼓掌……

能否收到預期效果是後話。另一邊廂，體委會門外的戰場之上，戰事卻起變化。







「這群人，必需死。」




騷亂的第三日，「波台痴線佬」繼續向空無一人的體委會擲石頭，總部經歷三天蹂躝已成廢墟。這時侯，警方卻接獲來自上級的命令，被通知可以「以任何形式的毆打或槍擊方式制止示威者」，等同獲授權殺人。

嘭！

「呀！！！！ 」




晚上八時四十六分，警方開出並非射向天的第一槍，膊頭中彈的，是一名港英餘業跟隨者……




「仆你個街，你班死警犬！！真係想殺人！ 」
「屌你！！打埋死我呀！我唔怕你地班警犬！ 」




組織成員悲痛林世傑之死，即使知道警察已經接獲格殺令，依然毫不畏懼。

事實上，不止是示威者，連日來的激烈衝動亦令不少年輕警員精神崩潰……收到上級指令，他們不再有所制肘，揮動武器棍棍有力，瞬即有不少示威者被打至頭破血流。



「嗚呀！！ 」
「嗚呀呀呀！！」
「屌你，有種打死埋我呀！！！」



除了港英餘業，網上發起的「波台痴線佬」亦是運動的主要組織之一。他們不少屬於社會邊緣份子，大都沒有家室或工作之累，打起上來毫無顧忌，眼見警方拔槍還擊，依然野獸般向前衝……




嘭！


另一聲槍響，橡膠子彈打中一名痴線佬的大腿，正是這次騷亂的發起人之一梁寧均。他跌倒在地，口裡依然在罵：
「打死人呀！警犬打死人呀！」




左一句警犬﹑右一句警犬，開槍的年輕探員按耐不住，拿著警棍，朝著梁寧均的天靈蓋打去……





「死啦！」


這一棍使出了全力，倒在地上的梁寧均本已受傷，完全失去防禦力，眼見便要出現第二個「林世傑」……




啪！

電光火石間，一人徒手硬生生接住了警棍。

第五十五章



「係德仔呀！！」


身為事件主角，眾人沒想過梁令德會於示威現場出現，並親手為示威人仕擋警棍！

德仔眼見警察開始拔槍還擊，知道自己已來得遲，想到這群有心人就是為了自己捱警棍吃子彈，什為疼心。




「停手呀！！ 」




嘭！嘭！




「我地無所畏懼，大家繼續上！捍衛香港人尊嚴！」
「打死班警犬！！！」




警棍及胡椒噴霧相繼出動，伴隨著零聲槍聲，德仔自知孤身一人擋不了幾多棍，眼見大台的港英餘業發言人不斷開咪向警察挑釁宣戰，他靈機一矚，走向大台一把將咪高峰搶了過來。




「你……」
「朋友，俾我講幾句好嗎？」




發言人突見主角現身，也是一呆。

之後呢 之後呢

「各位停手！」


德仔向著咪高峰叫停，聲音雖大，但雙方殺得性起，如何有空理會台上的忽然呼籲？

叫停了兩次均失敗，德仔知道要制止這場戰爭，方法只有一個。



他走到一名戰地記者身旁，問道：
「可以借用你既攝錄機同埋超級大聲公嗎？」



不待回話，德仔一手搶過記者手中的超級大聲公（30年代新科技，能發出超過200分貝的聲浪），大聲叫道：




「各位請停手！」




警察及示威者鬥得正酣，突然德仔在現場大螢幕上出現，都是一怔。




「請大家讓一讓路，俾救護車駛入黎治療傷者。」德仔道。




這麼一說，雙方冷靜了下來，眼見躺著受傷的示威者，地上滿是血跡，紛紛騰出空間救人。

這麼一來，戰事稍被停息。依然有不少痴線佬死咬不放，卻被旁邊的戰友叫停。

待白車離開現場，德仔依然拿著大聲公。




「咁多位阿sir，我係梁令德，香港足球代表隊成員。」德仔道。

「請你地花少少時間，聽我講一個故事……」他語氣轉沉。

「喺我六歲個年，一場商場槍戰，我被匪徒挾持為人質。父親被殺，係警方將我從匪徒手上拯救過來。」




這是他第一次向眾人揭露自己的身世。眾人愕然，沒想到香港的大紅人就是當年皇室堡事件的遺孤。




「所以，由細到大我都視警察為保護人民既英雄，一直以來都十分祟拜你地，係真的。但到左今日，警察卻成為與人民為敵既政治工具；無思想﹑無立場﹑只係執行任務既工具……」

「點解你地唔諗下，係乜野驅使我地走出黎，明知道會被捕﹑明知政府頒佈左『格殺令』，都要繼續抗爭？真係只係為左足球﹑為左世界盃？」

「點解獅革入面，林世傑寧願犧牲性命，都要推倒五十年法案？你地有冇諗過？」

防暴警察當中，不少屬於新一代，他們對於守衛本土思想並非矇然不知，只是一直以來被植入一種default了的思想。直至林世傑去世，令他們有所疑問：到底這群人在爭取些什麼？

經德仔這麼一說，慣於服從的他們再次思潮起伏。望著面前這群血流披面的示威者﹑想到死於警棍下的林世傑，何以他們一而再﹑再而三的拚掉老命去抗爭？難道真的只如上級所說，他們收了外國勢力的錢，要搞亂香港？外國勢力的錢可以令他們連命也不要？




德仔續道：

「今晚企喺呢度既所有示威者﹑包括我，包括咁多位阿sir，都係土生土長既香港人。香港人被欺侮，所以我地走出來爭取公義，呢一份公義，你地都有份！正如港隊打入世界盃，唔淨止係足球場既事，更加需要所有香港人既參與，我地要團結﹑要一齊遠征南美……」

「求下你地，唔好再被利用，我地唔好再互相殘殺，好嗎？」




「………」
「………」
「………」




前線警察望著自己手上沾上鮮血的警棍﹑望著那把要將同胞置儲死地的手槍……這班示威者所爭取的公義，是所有香港人的公義。他們開始明白，當權者和捍衛者之間的角力，有時會令是非黑白變得模糊。

終於，剛才襲擊梁寧均的警員，第一個站出來說話。



－－－－－－－－－－－－－－－－－－－－－－



待續。

仲以為梁寧均會比人打到變梁若智

唔洗打都已經

屌睇到好感動

應該係翌日 唔係笠日

留名

多謝巴打