（還要走多遠）尼馬故外傳之香港殺入世界盃（2）

多謝大家
今個禮拜後期會同大家見返面

恭喜

恭喜梁Sir

恭喜

老襯

輕輕一推

大腳一推

多謝各位既祝福！婚禮順利完成
著住波衫結婚真係另類既人生成就
同大家分享一下



聽晚繼續去故

好幸福阿
如果gary都可以好似梁sir咁得到幸福就好了

新婚快樂

恭喜梁sir，既然你都結婚！幾時俾埋幸福Gary?

恭喜梁sir

恭喜！

Gary的幸福呢

恭喜梁蛇

梁sir咁幸福,gary就死一生中最愛+重傷強行踢世界盃隨時收山

恭喜梁Sir

Lm support

見咁多人擁戴gary

我怕呢個故結局時大家又屌我


anyway依家出三章

以免有人唔記得個故去到邊

劇情講到香港隊2－0擊敗洪都拉斯

爆冷殺入世界盃三十二強複賽

第七十二章

從那天起，七月二日取代了七月一日，成為香港了的「國慶」。



「香港隊勁揪！」
「香港萬歲！ 」



港隊出線複賽，熾熱的氣氛持續了足足兩天。翌日市民回復迫巴士上班的日子，卻未能平伏心情，巴士﹑地鐵﹑火車車廂中不少打工仔看著螢幕中的鐵路新聞，體育記者爭相報導香港隊世界盃贏波的消息，忍不住內心興奮，於公眾地方高歌起來。




「我地依家係布宜諾斯艾利斯，香港隊下榻既酒店門外……」體育世界新晉記者－鍾女，於阿根廷報導。
「門外集合左大批香港球迷，準備迎接佢地既『國家』英雄。呀……」



她心情過份興奮，不慎表露心聲。



「球員既旅遊巴到啦！」




旅遊巴中，我們在遠處的窗外已見千數香港球迷，包括中心力量「波台痴線佬」，舉起橫額點起煙花棒，等待著我們回來。在阿根廷感受到球迷如斯熱情，我不敢想像他朝回到香港，赤臘角機場會是何等盛況。



「德仔！德仔！！ 」
「發哥萬歲！！！！ 」
「積sir！！呢邊呀！」




一下車，兩邊球迷不斷呼叫心儀球員的名字。成功出線心情大好，我們自然樂意為球迷簽名。




「gary！gary！」
「呢邊呀！」




我壓軸下車，球迷一窩蜂走到我跟前索取簽名及合照，當中不少是支持了我許多年的國際球迷。每次這樣的場合，我也習慣跟他們打打牙骹，互道近況。不出所料，他們今天唯一關心的是我能否趕及下輪比賽，不斷追問著我的傷情，我只好以「無可奉告，多謝關心」八個字打發他們。



「gary，陣間可以同你做個專訪嗎？」女記者鍾女走過來問。
「妳做體育世界既？我好似冇見過妳……」



體育世界經常有報導港隊新聞，我認識不少該節目的主持人及記者。



「係呀！我係見習體育記者，岩岩加盟體育世界兩個月，我叫鍾女。」
「鍾女……」
「？」
「好，個專訪妳想喺邊度做？」

一日之後，世界盃G組賽事完結，北歐強隊瑞典以首名晉級，將會是香港隊的下一個對手。



「撒旦先生，請問你點睇下一輪既對手－香港隊？」
「當年我曾經跟隨聖日耳門到訪香港，個邊有好多我既信眾。」
「老實話，我認為隨便一個瑞典球員，都可以一人之力摧毀香港。」
「佢地昨日以『金蛇纏絲鎖』陣式打敗洪都拉斯，你唔怕佢地重施故技？」
「洪都拉斯同瑞典，就好似凡人同我一樣，如何能相提並論？」
「只係善意提醒……洪都拉斯係上屆八強份子，閣下既瑞典隊好似係被佢地淘汰。」
「閣下自以為足球知識會豐富過我？」
「唔係，我既意思係……」
「唔係既話，你講咁多做咩？」
「………」



這就是積sir的下一個對手，綽號「呂布」的瑞典領隊Zlatan（撒旦）先生，球員時代是個叱吒風雲的人物。

瑞典足球隊有「北歐坦克」的稱號，陣中通通都是身型高大的標準白人，前線有著數位技術一流的攻擊手，港隊要跨過這一關，難度更高。然而，經過「七二奇蹟」，我們深信沒有不可能的事。











來到布宜諾斯艾利斯的FIGUEROA ALCORTA橋，在車輪水馬的大道上看日落，德仔覺得自己正身處日本的動漫世界，有里香相伴在旁，更添浪漫。



「日本隊出局了。」里香憂憂的嘆了口氣。
「球隊第一次被列為種籽，全國人民都期待今屆會大有作為，居然連輸兩場……」



本屆其中一個焦點，是被譽史上最強的日本隊，接連輸給安哥拉及烏克蘭以0分出局，大和第一殺手太空翼的首屆世界盃夥粒無收。

「球場上爆冷乃兵家常事，何況弱隊球員為國而戰，往往打高一班波。」德仔道。
「唉……」里香嘆氣。
「我哥哥背負住全日本國民既期望，出局之後傷心欲絕，即晚一個人離開左阿根廷，此刻不知身在何方。」
「黎到阿根廷之後都冇同田仲佢地聯絡過，依家佢地意外遭淘汰，好想send個message俾佢地慰問一下。」德仔道。
「你拎得返部手機先啦！」里香嗔道。
「兩個星期唔俾用手機，你地領隊實在太唔人道了！」


德仔搖頭：
「呢招叫破釜沉舟！正正因為我地心無旁焉，先可以上下一心締造奇蹟。」
「係喎……都未恭喜你地，第一次打世界盃就出線複賽。」里香道。
「當日睇住你地香港喺外圍賽輸俾我地，估唔到黎到決賽週，你地仲走得遠。」
「領隊話距離複賽仲有六日時間，俾我地放一日假。」
「即係話下次同你見面，又要等多一星期？」
「冇錯，呢個星期，我地會進行另一輪特訓，恐怕都唔會有個人時間。」
「好吧，等我又學你地領隊，俾d鼓勵你……」里香笑道。
「如果你下場比賽入到第一球，我就……」
「就咩？」
「我就……俾個『咩都得』你？」
「『咩都得』？」
「冇錯，即係我可以幫你達成一個願望，唔知呢個算唔算係動力呢？」



看著笑語盈盈的里香，德仔不知自己為何臉上一紅，不敢再想下去。



「仲有六日時間，你可以zip高枕頭諗下。」里香續道。
「我相信你一定可以入波的，對你有信心。」
「嗯……」




－－－－－－－－－－－－－－－－－－－－－－－－－－－




這邊廂的香港，一班啟業邨的街坊，這日聚集於屋邨的士站，為德仔媽媽送行。



「德仔媽媽，祝你一路順風！」
「多謝你地，德仔一定唔會讓你地失望的。」



德仔媽媽登上的士到機場，準備人生第一次出國，親身到阿根廷支持兒子。

經過啟德走廊，遙遠望向維港的另一旁，石屎森林紛紛掛上香港足球隊的大型海報，她深深感受足球為這個城市帶來的改變。足球為這個充斥著角力的城市帶來一片昇平，人民紛紛忘卻前景憂慮，快樂指數直線上升。

港隊出線世界盃複賽的「大奇蹟日」，接連帶動香港股市飆升，政府亦樂見其成，再將七月八日定為特別公假，方便港人睇波。

七月八日，香港時間凌晨四時半，港隊將會移師烏拉圭首都蒙特維多出戰瑞典。

第七十三章


「瑞典不論個人技術及體能，均遠優於洪都拉斯，加上對方領隊撒旦先生……」




翌日，我們重新投入訓練，聽著神級教練積sir訓示。

說到神級，光憑奇招擊倒洪都拉斯﹑帶領港隊歷史性殺入世界盃三十二強的成就，已足夠讓來自澳洲的積甸拿克成為香港人的神，本屆賽事最佳領隊一獎，積sir亦是侯選人之一。

賽前被視為魚腩，卻意外地殺出小組賽，這一成就當然亦讓一眾小將飄飄然。眼見不少年輕球員心散不已，積甸拿克只好多花唇舌，提醒他們世盃之旅還沒終結。




「集中！ 」積甸拿克一聲怒喝，眾人馬上靜下來。
「………」
「贏左一場比賽，就以為任務完成﹑可以安心偷懶？」積甸拿克怒道。
「軍紀不存，是為大忌！邊個練波再唔專心，我立即逐佢出隊﹑扔掉手機﹑留低佢喺呢度自生自滅啦！」
「係，教練。」




領隊很少發火，證明他極度重視港隊的發揮，又想到自己的護照被毀，即使離開了球隊亦不能回港，只好重新集中，與隊友們一同撐下去。




「記住，全香港人睇住我地，不論最終輸或贏，都唔可以辜負佢地。」
「知道！」
「好！」積甸拿克見軍心已定，繼續他的說話。
「我地下場比賽既對手係瑞典，一支力量與技術並重既強隊。對方領隊撒旦先生大名人所共知，佢用兵鬼神莫測，過呢關必需更加集中，將心理戰術昇華。」
「心理戰術？」
「不論做球員還是當教頭，撒旦先生一樣充滿著霸氣，更自號足球上帝，同佢玩心理戰會否太過冒險？」隊長翰林提出質問。
「係冒險，不過冇辦法，」我加入議題。
「明刀明槍的話，我軍必敗無疑，葡萄牙一戰就係榜樣。」




眾人點頭稱是，想當初雄心壯志要跟球王傑高一較高下對攻，卻忽視雙方的實力差距，慘敗是最昂貴的教訓。

如積甸拿克所言，我們要繼續製造奇蹟，必需另辟蹊徑。